KIEK 17:2 - Raraŋ Aetaniacna Kam Wembaŋ Laŋ

² Na gan tiacarpaikna gagrirta ramtaɨr paŋainda, mina an meacramootna kaŋtertaapna tɨpemb ŋgorik wɨtta morinan. Na gan tiacarpaikna meikramtaɨr muruŋ toco, mitoco an meacmo meacramootna kaŋtertaapna tɨp kirara morinan. Na mina ŋaŋao ndarurinan, anna ramootta wain pukca amba ŋaŋaorena kirar toc.”

KIEK 17:2 ပူးပေါင်းရင်းမြစ်များ

Ion Tiratna Kam Wembaŋ Laŋ 2:10

ma manmo gaindopatna, “Ramtaɨra muruŋcamiŋa wain puk laŋmo outta biŋairena. Na mina wɨtca anmo ammi mai te, mina an laŋ ŋgoinna wanaiŋnanmo iŋmbaia biŋainandet. Na u, an wain puk laŋmo mba biŋaiatke, u mandeban naaŋgɨca kɨprinan.”

KIEK 14:8

Ri, kabena mbaiŋna aiŋa morena ŋeroŋ ian tukca an outnanna raŋgaica makɨpat. Na an mbaiŋna aiŋa morena ŋeroŋa aindopatna, “Auŋ aniac Babilonna ma ŋgocrairinan! Na anna gidik, ma kocnaia maŋgocrairina! Na an auŋ aniac Babilonna ndo moca gan tiacarpaikna pitrik waŋna meikramtaɨra, muruŋa mana meacramootna kaŋtertaapna tɨp kirara raŋgairinan. Na mana kirara ma minmo wain puk gargar neaŋa ambrinan toc.”

KIEK 17:13

Na an gagrirta ramtaɨr paŋaindta nikinik iroara kabe niŋgikap eacraŋnandet, na mina ndorita iremb anikapa gagrarmo an raŋna amna ŋgoaem kunmo neaŋnandet.

KIEK 17:17

Na Raraŋ Aetaniaca ma ndo an gagrirta ramtaɨr paŋaindmo iroar neaŋga, mina an reikca mo larunandet, na anna an reikca Raraŋ Aetaniaca atua mboprinanna, mina larunandet. Na mina iroar nikinik kabe niŋgikap, na mina gagrirta ramtaɨr paŋainda eacrena gagrarca mina aŋgɨrinan, na mina anmo raŋna amna ŋgoaem kunna neaŋnandet. Na mina ainda moca taŋca Raraŋ Aetaniaca mo ndoprina reikmo kocnai moi mainandet.

KIEK 17:5

Na an meacna ŋgopaŋanna, mina mana ia tirra eacrenan. Na an ia ma kam roor ianna kirar toc, na an ina mɨnɨŋa gaind, “Auŋ aniac Babilon, na ma meacramootna kaŋtertaapna tɨp kirara morena meikpitikapa, gan tiacarpaikna muruŋcamiŋa eacrena tɨpemb ŋgorik koindta aem ŋgoin.”

KIEK 17:8

Na an raŋna amna ŋgoaem kunna u watrinanna, atua ma eacrinan, na mandeaca ma mba mac eacitndait. Na ma an aua mbitrem kocortanmo tɨkcarica ma laruca gacnandet, na ma kocnai taprekenandet. Na gan tiacarpaikna meikramtaɨra, Raraŋ Aetaniaca gan tiacarpaikca mo laru ŋgocor ndeacri, na mina irembca mana eteacna watna timbigta kapna inikca eac ŋgocor, mina an raŋna amna ŋgoaem kunmo watca, mina ŋgep ŋgoreacna ŋgepnandet. Na anna gaind, atua ma eacri, na mandeaca ma mba eacrenan, na iŋmbaia ma larunandet.

KIEK 18:23

Na racbikna tacna memetaca unmo mba mac. Na meikramtaɨrta laŋtaŋgona kambta mɨtmɨtta an toco, una inikmo mba laruitndai. Na ŋgaua una kitukndukna aiŋa morena meikramtaɨra, mina kabena meikramtaɨrta lamnikmo, mina irembta meikramtaɨrta kirar. Na u gan tiacarpaik muruŋna pitrik waŋgorta meikramtaɨrmo, aintocna ndura moa minmo parurenan.”

KIEK 18:3

Na anna gaind, gan tiacarpaikna pitrik waŋgorta meikramtaɨr wɨt muruŋa manapmo meacramootna kaŋtertaapta tɨpemb kirarira morinan. Na anna mina mana wain puik gargarara ambrena kirar toc. Na gan tiacarpaikna gagrirta ramtaɨr paŋaind toco, manapmo meacramootna kaŋtertaapta tɨpemb kirarira morinan. Na gan tiacarpaikna kitukndukna aiŋa morena meikramtaɨr, mina an kitukndukna aiŋira morinan, na mina kitukndukar wɨtta aŋgɨrenan, na ainta tɨpemb kirarir ŋgorikca laimnemb anikta meikramtaɨra morenan, anna ma numbira mba morenan.”

KIEK 18:9

“Aintik gan tiacarpaikna gagrirta ramtaɨr paŋainda, manapmo meacramootna kaŋtertaapna tɨp kirarapa, ainta tɨpemb kirarir ŋgorikca laimnemb anikta meikramtaɨra morinan, mitoco ainda morina. Ainda moca an mɨnna, an gagrirta ramtaɨr paŋainda mana wɨrrina tacna tactuora wat te, mina kakadmaina nananaea mo te, mina kadmaica eacraŋnandet.

KIEK 2:22

Ainda moca u matau warac. Aku an meacmo moca ma gɨrgɨrapa, roumb aniac aŋgɨca bar niŋgik ndeacraŋnandet. Na an meikramtaɨra manap tɨpemb kirarir ŋgadudukara morinanna, mina iroar inkarmo ŋgetriki ŋgocor, na mana morena tɨpemb kirarirmo iŋ neaŋ ŋgocor te, aku minmo gɨgɨrar anikapa, makukar motocmo neaŋnandet.

KIEK 3:10

Na u aukna kambmo raŋgairinan tik, na an makukara muruŋa unmo larurinanna, u gagraca wɨtɨkrina. Aintik aku unmo raupŋinandet. Na an makukara gan tiacarpaikca laruna morenanna, ma gan tiacarpaikna meikramtaɨrmo muruŋa towaina ndaruna morenan, na unmo mba laruitndai.

KIEK 9:21

Na an meikramtaɨra kabena meikramtaɨrmo mo menacrinan, na koca morinan, na kabena ainta gargara morenan, na meacramootna kaŋtertaapna tɨp kirara morenan, na kabena meikramtaɨrta reik makɨmrenan. Na mina iroar inkara mba ŋgetrikica an tɨpemb kirarir tocmo iŋ neaŋ ŋgocor.