Ion Tiratna Kam Wembaŋ Laŋ 21:24 - Raraŋ Aetaniacna Kam Wembaŋ Laŋ

²⁴ Na anna an mana iŋa raŋgairena ramtaɨrta ramootta mandeaca ma gan reikta kambmo wiwitirenan, na ma gan kambmo timbigta kapca tirrinan. Na aia lamŋirenan, an kambca ma wiwitirenanna, anna gidik ŋgoin.

Ion Tiratna Kam Wembaŋ Laŋ 21:24 ပူးပေါင်းရင်းမြစ်များ

Ion Tiratna Kam Wembaŋ Laŋ 15:27

Ainda moca ne toco aukna kambmo wiwiti mbop, na anna ne aukap eaca aku an mɨnna aiŋa moa ŋgeprinan, na ne aukap eaca kɨpca mandeacna mɨn.

Ion Tiratna Kam Wembaŋ Laŋ 19:35

Na ramootta an reikca watrinanna, ma an reikta kambca ma wiwitirinan. Na an kambca ma wiwitirinanna, anna gidik, aintik ne rɨpac.

1 Ion 5:6

Na an ramoot Iesus Karais, ma gan kirar mbuŋa kɨpatna, kɨtac puk aŋtaŋgɨna kirarap, ik nakeraca ndona racaindpaiknanna kactaca irikatna kirar mbuŋ nakɨpatna. Na ma puk mbuŋna kɨtac pukna kirar niŋgik ndiŋa mba kɨpatke, wanaiŋ ŋgoin. Ma pukna kɨtac pukapa racaindpaikapna, kirar mbuŋ nakɨpatna. Na Ŋeroŋ Rat, ma ndo kam gidikna mɨnɨŋ, na ma ndo Iesusna morena kirarirta kam wiwitirena. An reik, mbonkaca mina ndori, mana kirarirta kam wiwitia wandacrena. An reikca ianna Ŋeroŋ Rat, na ianna puk, na ianna mana racaindpaik. Na mina ndori kam iro kabe niŋgikna kam leacrena.

3 Ion 1:12

Na meikramtaɨra muruŋa Demitiriusna tɨpemb kirarir laiŋta kam ndoprenan. Na Raraŋ Aetaniacna kam gidik toco, ma Demitiriusna tɨpemb kirarir laiŋta kambmo ma an ndoprina. Na auk toco mana tɨpemb kirarir laiŋta kirarca mboprena, na ne lamŋirena, aukna kambca anna gidik.