Ion Tiratna Kam Wembaŋ Laŋ 18:33 - Raraŋ Aetaniacna Kam Wembaŋ Laŋ

³³ Karica Pailatta an Romna ramoot paŋanna kaca nda mambukat. Ri, ma Iesusmo aca kɨpca manmo madigiat, “U Iudananta gagrirta ramoot paŋan ki?”

Ion Tiratna Kam Wembaŋ Laŋ 18:33 ပူးပေါင်းရင်းမြစ်များ

Matiu 27:11

Na Iesusa ma Iudiananta ramoot paŋan Pailatna outta wɨtɨkca eacri. Na ma manmo gainda digiatna, “U Iudananta gagrirta ramoot paŋan ki?” Ri, Iesusa rutica aindopatna, “U ande mambopri.”

Matiu 27:27

Karica lapoca ruŋrena ramtaɨra Iesusmo aŋgɨca mina aiŋa morena kaca mbukatke, mina an lapoca ruŋrena ramtaɨrmo muruŋa aca kɨprinan.

Mak Tiratna Kam Wembaŋ Laŋ 15:2

Karica Pailatta Iesusmo gainda digiatna, “U Iudananta gagrirta ramoot paŋan ki?” Na Iesusa mana kammo gainda nda rutirina, “U ande mambopri.”

Luk Tiratna Kam Wembaŋ Laŋ 23:2

Taŋga mana morina reikta kambca Pailatmo, mina aindopatna, “Aia gan ramootmo utiŋga aŋgɨra kɨpapeknan, mana morena kirarira aia mawatri, ma aina meikramtaɨrmo aŋgɨri taup wandoŋa taŋ ŋgocor. Ma aimo Romna gagrirta ramoot paŋanmo kituknduk neaŋ narica, anna wandɨk tɨkri. Na ma ndomo aindopca, ‘Aku ande an ramoot, Raraŋ Aetaniaca babuca mbagɨrica kɨpca aimo mac nda aŋgɨna ramoot, ma gagrirta ramoot paŋan.’”

Ion Tiratna Kam Wembaŋ Laŋ 1:49

Ainda moca Nataniela an kamb mbaraca aindopatna, “Riripti, u Raraŋ Aetaniacna Nuoc. Na u Israelna gagrirta ramoot paŋan.”

Ion Tiratna Kam Wembaŋ Laŋ 12:13

Ainda moca mina ik palmenna raprir aŋgɨca mina taŋga manmo taupca ndauprikina mataŋgat. Na mina kam keca gainda aca aindoprena, “Aia Raraŋ Aetaniacmo toŋtoŋgar koindap. Ma an ramootmo laŋa mo, ma Kacootna i mbuŋa kɨprinan. Na ma Israelna gagrirta ramoot paŋan.”

Ion Tiratna Kam Wembaŋ Laŋ 12:15

“Ne Saion auŋna meikramtaɨr, ne kai nanambi teac. Ne wat, nena gagrirta ramoot paŋanna makɨpek. Ma doŋki ŋgamma mbiraca makɨpek.”

Ion Tiratna Kam Wembaŋ Laŋ 18:34

Ri, ma mana kambmo gainda rutirinan, “U ndo an kambmo ndo mbuŋa lamŋica mbopre, ki? Co, kabena ramootta aukna moca unmo mboprinan ki?”

Ion Tiratna Kam Wembaŋ Laŋ 18:37

Ri, Pailatta manmo gainda digiatna, “Na anna gidikca, u gagrirta ramoot paŋan ian ki?” Ri, Iesusa mana kammo gainda rutirina, “Na an gagrirta ramoot paŋanna kambca anna una kamb. Na aemma aukmo mɨrrinanna, aku gan tiacarpaik nakɨprinanna, aku aiŋ kabe niŋgikca mona kɨprinan. Na anna kamb gidkara wiwitinan, te, meikramtaɨra muruŋa waracnande. Ainda moca meikramtaɨra muruŋcamiŋa kamb gidkara raŋgairenanna, mina aukna kamma raŋgainandet.”

Ion Tiratna Kam Wembaŋ Laŋ 18:38

Na Pailatta manmo mac madigiat, “Na kam gidikca anna kaina reac ŋgoin?” Na Pailatta an kamb topca maica ma nda laruca Iudanaŋgep tambuŋ mataŋgat, na ma minmo gaindoprinan, “Aku mana makuk ianna mba watri.

Ion Tiratna Kam Wembaŋ Laŋ 19:12

Ainda moca Pailatta an kamb mbaraca ma Iesusmo wattacarica taŋna taupembta korerina. Na Iudanaŋgepnanna, gaindta kamb keca gaindoprina, “U an ramootmo watcaria ma taŋ te, u Sisana aikndamootta wanaiŋ. Na ramootta ndomo gagrirta ramoot paŋan ndop te, ma Sisana puŋndamoot.”

Ion Tiratna Kam Wembaŋ Laŋ 19:3

Ri, mina mana kɨtɨm nakɨpca manmo gaindopatna, “Ra laŋ, Iudana gagrirta ramoot paŋan!” Na mina manmo maapat.

Ion Tiratna Kam Wembaŋ Laŋ 19:4

Karica Pailatta mac nda laruca meikramtaɨrmo aindopatna, “Ne wat, aku manmo nen ndambuŋa aŋgɨca laruca ne watnandet, na ne lamŋinandet, aku man morina reac ianna wat ŋgocor.”

Ion Tiratna Kam Wembaŋ Laŋ 19:9

Ri, ma ndona an kaca mbukca ma Iesusmo gainda digiatna, “U tenna auŋnan.” Na mana kambca Iesusa mba rutiri.

1 Timoti 6:13

Na reikmo muruŋa wat neaŋrena Raraŋ Aetaniacna lamnɨacapa, Karais Iesusna lamnɨacmo, ma gagraca wɨtɨkca Pontius Pailatmo kambmo wiwitirenanna, aku unmo gagraca aindopek. U an aŋgɨatna kambmo matau raŋgai. Na an kambmo kai mo pauri teac, na reac ianna kai moca meikramtaɨra anmo kamb ŋgorik topnandet. Wanaiŋ. U anmo matau raŋgaia taŋca aina Kacoot Iesus Karaisa raekca laruna.