Iuda 1:18 - Raraŋ Aetaniacna Kam Wembaŋ Laŋ

¹⁸ Na mina nemo gaindopatna, “Iŋmbai mbuŋa kambmo pepereca mboprena ramtaɨra larunandet. Te, mina Raraŋ Aetaniacmo iŋ neaŋga, mina ndorita iroar inkar ŋgorikca raŋgairaŋnandet.”

Iuda 1:18 ပူးပေါင်းရင်းမြစ်များ

Up Aŋgɨrena Ramtaɨrta Aiŋ 20:29

Na aku lamŋirena, aku tɨkcarica taŋ te, raŋna piriŋ kunnara kɨpca nena rɨkca tɨkca sipsiparmo mo ŋgocrainande.

2 Timoti 3:13

Na meikramtaɨr ŋgorikcapa, paparuna ririptia morena ramtaɨra mina meikramtaɨrmo paruraŋnandet. Ainda moca meikramtaɨr ŋgorik toco, mina paruraŋnandet, na mina tɨpemb kirarira kocnai ŋgocrainandet.

2 Timoti 4:3

Na u warac, iŋmbaia meikramtaɨra mina kamb wandoikmo, mba mac toŋgoca waracitndai. Wanaiŋ ŋgoin, mina koura ainta kamb ŋgorikca waracna toŋtoŋ ŋgoinap, te, mina ramtaɨr wɨtmo aŋgɨca mina toŋgorena kammo riptica mina waracna.

2 Pita 2:1

Na anna gidik, atua paparuna rambca morena ramtaɨr ndeida Israelnaŋgepta rɨk naŋgeprinan. Na an tɨpna kirar kabe mbuŋa mandeacna mɨnna paparuna ririptia morena meikramtaɨr ndeid toco, ŋgepca meikramtaɨrmo paruca Raraŋ Aetaniacna reikta riptinandet. Na paparuna ririptia morena meikramtaɨra iŋgoroca paparuna kambca moca gan mɨn ndarunandet. Na an kambca nena rɨtɨpaikca moi ŋgocrainandet. Na Kacootta min motoco ma mac nda oikrinan, na mina ndori, manmo iŋ neaŋrena. Na mina ainda mo te, mina ndorimo tawi ŋgoinna mo ŋgocrainandet.

2 Pita 2:10

Ainta meikramtaɨr ndeida mina ndorita tɨpemb ŋgorikta makukar anikta opoikca mina aŋgɨnandet. Na anna an meikramtaɨra tɨpemb ŋgadudukar koindta iroar nikinik ŋgorikca ŋgepca morinan, na mina gainda lamŋireke, gan tiacarpaikna ramtaɨr paŋaindapa, Raraŋ Aetaniac Kacootna kambca anna reac wanaiŋ. Na an paparuna ririptica morena meikramtaɨra mina nena rɨkca ŋgeprinan, mina garurureke, na mina ndorita iroarta toŋtoŋgara raŋgairenan. Ainda moca paparuna ririptica morena ramtaɨra tamuŋna auŋna outta taŋrena mbaiŋna aiŋa morena ŋerŋgaurmo peperena kamb ŋgorik ndondopca, mina mba nanambirenan.

2 Pita 3:3

Na reac aniac ianna ne lamŋiraŋ, anna ma gaind. Na gan tiacarpaikna mamaina raipaikca, peperena ramtaɨra kɨpnandet, na mina ndorita iroar inkar ŋgorikca raŋgairaŋnandet.

Iuda 1:16

Na an ramtaɨra reikca minmo muruŋ ndarurenanmo, mina iroar inkara ŋgocrairena, na mina memetmbaca kekelamun kerena. Aintik mina ndorita nikinikna iroarta toŋtoŋgara raŋgairenan, na mina ndorita up kamb puŋga mina ndorita irembmo aŋgɨra ŋgeprenan. Na mina kabena ramtaɨrmo wai aoca mina minmo raŋgairena.

Iuda 1:4

Na ramtaɨr ndeida iŋgoroca kɨpca Iesusna rɨtɨpaikta meikramtaɨrta tumnambta inikca mbukrinan. Na atu ŋgoinna Raraŋ Aetaniaca gaindopatna, ainta ramtaɨra mina mana ritri waparac ndarunandet, na mina taprekenandet. Na mina Raraŋ Aetaniacmo iŋ neaŋrenan. Na mina Raraŋ Aetaniacna kakadmaina kammo ŋgetrikica, anmo moa ma meacramootna tɨp ŋgadudukca morena tɨp kirarna kamb toc ndarurina. Na ainta ramtaɨra an ramoot paŋan kabemo iŋ neaŋrena, ma aina Kacoot Iesus Karais.