Iemis 2:7 - Raraŋ Aetaniacna Kam Wembaŋ Laŋ

⁷ Na Raraŋ Aetaniaca nenmo Karaisna i laŋmo, nenmo tɨkrenan, na mandaia ndo an imo peperena kam ŋgoreac ndopit? An meikramtaɨra kitukndukapa, reik wɨtapnanna, ndori anna morenan.

Iemis 2:7 ပူးပေါင်းရင်းမြစ်များ

Matiu 1:23

“Meac ianna ma ramootap ŋgoŋgortanna, ma nik tɨkca nuocna mooŋnuoc ianna mɨrnande. Te, mina manmo Emanuel ŋgacnandet.” Na an ina mɨnɨŋa gaind, “Raraŋ Aetaniaca aiap eacnandet.”

Matiu 12:24

Ri, Parisina ramtaɨra an mbaraca mina aindoprina, “Gan ramootta ma Belsebulna gargar mbuŋa ŋerŋgaur ŋgorikca moa kecarirena. Na Belsebula ma ŋerŋgaur ŋgorikta gagrirta ramoot paŋan.”

Matiu 27:63

Karica mina taŋga mamo aindopatna, “Ramoot paŋan, an paparuna ramoot mbopatna kam ianna, ma menac ŋgocor ndeacri, ma gaindopatna, ‘Rai mbonkac mai te, aku mac ŋgepnande.’

Up Aŋgɨrena Ramtaɨrta Aiŋ 11:26

Na ma taŋga larua Solmo anna tɨkca watca, ma manap aŋgɨca maniŋa Antiok auŋ mac nda taŋga, anna Iesusna rɨtɨpaikta meikramtaɨrta tumbunap eaca, maniŋa meikramtaɨr wɨt aniaca Raraŋ Aetaniacna kam wembaŋ laŋna kammo riptia mori, minapmo gui kabena mɨnna minap maeacat. Na Antiok auŋ aniaca mina Iesusna iŋa raŋgairena meikramtaɨrmo mina minmo an i, ŋgam neaŋrinan, na an ia, “Karaisnand.”

Up Aŋgɨrena Ramtaɨrta Aiŋ 15:17

Ainda mo te, gan tiacarpaikna meikramtaɨra Kacootna moca ndada ŋgorenande, aintik an Iudana meikramtaɨr wanaiŋnanda aku baburinan, mina aukna meikramtaɨr koind.” An kamma anna parua wanaiŋ, anna gidik, an kamma Kacootta atu ŋgoinna ndopatna kamma mba ŋgetrikitndai, an reikca gidik ŋgoin ndarunande.’”

Up Aŋgɨrena Ramtaɨrta Aiŋ 26:11

Na memetmbaca aku Iudananta mimitpac aŋgɨrena kaikca mbukca minmo piri, mimo Iesusmo iŋ neaŋna towaia gagara mbopri, minmo mbopca mamo peperena kam ŋgoreac ndopna. Na aku nikkatca ŋgepca mimo mon kabena auŋembca taŋga eacrinanmo, raŋgaica taŋca ore aŋgɨca minmo moa ŋgocrairena.”

Up Aŋgɨrena Ramtaɨrta Aiŋ 4:12

Na ai mac nda aŋtaŋgɨna ramoot ian ŋgocor. Wanaiŋ ŋgoin. An ramootta Iesus niŋgik, Raraŋ Aetaniaca mamo babuatna, man niŋgik, ma ndo ai mac nda aŋgɨnande. Mana i mbuŋa aia gan tiacarpaikna meacramootta, muruŋa mataui eacna mɨn.”

1 Timoti 1:13

Na aku ndomo morina reikca aku mba lamŋirinan, na aku rɨtɨpac kocor. Na ŋgaua aku Iesusmo peperena kamb ŋgorikca mboprinan, na tɨp ŋgoreaca morinan, na nikkatrina ramoot, na Iesusa ma anna ndamŋirina, ma aukmo kakadmaina opotaca morina.

1 Pita 4:16

Na ramootta Karaisna meacramoot ian ndaru te, na anna mɨnɨŋna moca ma gɨrgɨr aŋgɨ te, ma anna moca numbira kai mo teac. Wanaiŋ, ma an i, Karaisnandna moa ma toŋgoraŋ, na Raraŋ Aetaniacna imo aŋgɨca ŋgepraŋ.

KIEK 19:13

Na an tik ŋgapaoc rocotta ma aocrenanna, racaindpaikca an nambatmo kocnaia kɨtaca eacrenan. Na mina mana imo gaind ŋgacrenan, “Raraŋ Aetaniacna Kam.”

KIEK 19:16

Na mana tik ŋgapaoc rocotapa, mana ora mina gan imo tirca eacrenan, “Gagrirta ramtaɨr paŋaindta Gagrirta Ramoot Paŋan, na kacootarta Kacoot.”