Iburu 5:6 - Raraŋ Aetaniacna Kam Wembaŋ Laŋ

⁶ Na kabena kam ianmo, Raraŋ Aetaniaca aindopatna, “U iarwarna taup ndamoot ndeacraŋnandet. Na u Melkisedekna wiwitna kirar tocna taup ndamootta eacraŋnandet.”

Iburu 5:6 ပူးပေါင်းရင်းမြစ်များ

Iburu 6:20

Na Iesusa ma aimo otacna moca ma an Raraŋ Aetaniacna Diab Rat Ŋgoinna inikmo aimo out ŋgoinna mbukrinan. An kɨdrɨkca ma Melkisedek tocna taup ndamoot paŋan aniac ndarurinan, na ma iarwarna taup ndamoot paŋan ndeacraŋnandet.

Iburu 7:11

Na atua Israelnaŋgepca Tɨp Wandɨk aŋgɨrinanna, an Tɨp Wandɨkca ma gaindopatna, “Liwaira mina taup ndamtaɨrta aiŋira monandet.” Na mina Raraŋ Aetaniacna lamnɨac ŋgoutmo meikramtaɨrmo laŋ ŋgoinna mo te, na kaina moca Raraŋ Aetaniaca aindopatna kabena taup ndamoot ianna ma iŋmbai nakɨpnandet? Ma Melkisedekna kirar toc ndarunandet, na ma Aronna kirar toca wanaiŋ.

Iburu 7:15

Na aia watrinanna, an taup ndamoot ŋgamma larurinanna, ma Melkisedek toc. Na aia matau lamŋinandet, ma Liwairta wiwitna taup ndamtaɨrmo kunda outmbai.

Iburu 7:17

Na Raraŋ Aetaniacna timbigta kapca gaindopatna, “U iarwarna taup ndamootta eacraŋnandet. Na u Melkisedekna wiwitna kirar tocna taup ndamoot ndeacnandet.”

Iburu 7:21

Na Raraŋ Aetaniaca ma ndo gidik tamuŋ ndopca, Iesusa taup ndamoot ndarurina. Na Raraŋ Aetaniacna timbigta kapca aindopatna, “Kacootta gidik tamuŋa atuna mambopri, ‘U iarwarna taup ndamoot ndeacraŋnandet.’ Na ma ndona kammo mba ŋgetrikitndai.”

Iburu 7:3

Na Melkisedeka ma ndona amepaetapa, wiwitna nicar ŋgamrirta nininina kamb kocor. Na mana aemma manmo mɨrrina ra aia lamŋi ŋgocor, na ma menacrina rana nininina kam toco aia lamŋi ŋgocor. Ma Raraŋ Aetaniacna Nuoca eacrena kirar. Na ma memetmbaca taup ndamoot ndeacraŋnandet.

Iburu 7:8

Na Liwaira mina Israelnaŋgepta 10, 10na ŋgaŋganŋgɨna mɨnna reikca mina aŋgɨrena, na mina menacrena meikramtaɨr. Na Melkisedek, an ramootta ma Abraamna 10, 10na ŋgaŋganŋgɨna mɨnna reik aŋgɨatnanna, Raraŋ Aetaniacna timbigta kapca manmo memenacna kam ianna mba tirca mbopca eacreke.