Iburu 12:5 - Raraŋ Aetaniacna Kam Wembaŋ Laŋ

⁵ Na an nena iroar inkara mo gagrana kamma Raraŋ Aetaniaca nenmo mana nuik toprinanna, ne ndarekrekeri ki? Na ma gaindopatna, “Aukna nuoc, Kacootta unmo mo wandoŋaina, na ma reac ianna mo te, u anmo reac wanaiŋa kai mbop teac, na u nikinik iro kai makuku teac.

Iburu 12:5 ပူးပေါင်းရင်းမြစ်များ

Luk Tiratna Kam Wembaŋ Laŋ 24:6

Ma ganna mba eacreke. Ma mac nda maŋgepri. Na ne gan kam nake mba mac nda keca lamŋiri, ŋgaua ma Galili ndeacri mbopatna kambca.

Luk Tiratna Kam Wembaŋ Laŋ 24:8

Ri, mina mana ŋgau ndopatna kamma mac nda malamŋiat.

1 Korin 11:32

Na ŋarikca Kacootta aina morena tɨpemb kirarirmo watca wandoŋa wanaiŋ, ma aimo makukar neaŋnande. Na anna aimo wandoŋainandet. Te, aia gan tiacarpaikna meikramtaɨrapmo ritri waparaca moca, na aia mba topitndai.

Galesia 6:9

Ainda moca aia tɨpemb kirarir laiŋga momoa kai ŋate teac. Aia an aiŋa ŋate ŋgocora mo te, mana gagam aŋgɨna ra laru te, aia mana gagam aŋgɨna mɨn. Na aia gagam laiŋ koind aŋgɨnande.

1 Timoti 1:20

Na mina ndeida ainda morinanna, anna Eimeneusapa, Aleksander. Aintik aku maniŋmo Ramoot Mbɨkna para tɨkrinan, te, maniŋa iro laŋ aŋgɨca, Raraŋ Aetaniacmo peperena kam ŋgoreaca mba mbopitndai.

Iburu 12:7

Na ne gagraca wɨtɨk te, Raraŋ Aetaniacmo watcarica ma nenmo riptia wandoŋaina. Na an tɨpemb kirarir toca aetera ndorita nuikca morenan, ma an tɨpna kirar toco nemo ainda monandet. Na titocna nuoc, ma eacrenanna, mana aetta manmo mba wandoŋairenan? Wanaiŋ.

Iburu 13:22

Na aukna Iesusa rɨpacrena laiplacar, aku toŋgorinanna, ne ndorita kourmo matau tɨkca, an aku tirrina kamma nena nikinik iroarmo mo gagrana, na an timbiŋ rapara ma rocotta wanaiŋ.

Iemis 1:12

Na ramootta wɨtɨkca gagrarenan, na memetmbaca ma mitkar mbukrenan, ma toŋtoŋ ndeacnandet. Na ma totowairmo kocnai mo irik te, Raraŋ Aetaniaca manmo iarwarna eteacna wat neaŋca ma memetmbaca laŋ ndeacraŋnandet, na anna mana gagam. Na Raraŋ Aetaniaca ma mboprina, ramootta manmo matŋirenanna, ma minmo an gagamma neaŋnandet.

KIEK 3:19

Na aku ramtaɨr ndeidmo toŋgo te, aku minmo kaega moa mina tɨpemb kirarirmo wandoŋairena. Ainda moca u ndona tɨpemb kirarirmo gagraca moi wandoŋai, na u iro inik ŋgetriki.