Iburu 10:20 - Raraŋ Aetaniacna Kam Wembaŋ Laŋ

²⁰ Na aia an Diab Rat Ŋgoinna mbumbukca aia an iarwarna watna taup ŋgam ndiŋa taŋ mbuknandet. Na an taupca Iesusa ndo ŋgoinna gootrinan, ma an raraŋit aniaca tɨŋa mboraca loraca eacrenanmo, ma an ndiŋa mbukca gootrina. Na an raraŋitta ma Iesusna tik toc.

Iburu 10:20 ပူးပေါင်းရင်းမြစ်များ

Matiu 27:51

Ainda moatke, Raraŋ Aetaniacna Kacna tɨŋa mboraca keraca eacrina raraŋitta tamuŋa tɨkca titaca pɨkɨn ŋgirikca, waŋniŋ malaruat. Na gan tiacarpaikca numnum aniaca mori, watur anikca witkica irikri.

Mak Tiratna Kam Wembaŋ Laŋ 15:38

Na an raraŋit aniaca Raraŋ Aetaniacna Kacna tɨŋ inikca wawaraca eacrenanna, ma tamuŋa tɨkca titaca irikca pɨkɨn matɨkat. Na waŋ mbuniŋ malaruat.

Luk Tiratna Kam Wembaŋ Laŋ 23:45

Rana memetaca an mɨnna pikatke, Iesusa kam aniac keca, gaindopatna, “Ate, aukna ŋeroŋa una parnambat mairikek.” Aindopca, ma andu mamenacat. Ri, Raraŋ Aetaniacna Kacna tɨŋ nakeraca eacrina, raraŋitta titacatɨka waŋniŋ malaruat.

Ion Tiratna Kam Wembaŋ Laŋ 10:7

Ri, ma minmo gaind mac mbopatna, “Aku nemo gidik, gidik ŋgoinna aindopnandet, aku ndo aku sipsiparta wuocna tɨŋ.”

Ion Tiratna Kam Wembaŋ Laŋ 10:9

Na aku ndo aku tɨŋ. Na ramoot ianna ma auk ndambuŋa kɨpca tɨŋa mbuk te, Raraŋ Aetaniaca manmo mac nda aŋgɨnandet. Te, ma ŋaia mbukca, na raekca taŋca, na taŋ kɨpca amna reac aŋgɨnandet.

Ion Tiratna Kam Wembaŋ Laŋ 14:6

Ainda moca Iesusa manmo aindopatna, “Aku ndo, aku taup, na aku kam gidikna mɨnɨŋ, na iarwarna eteacna watna mɨnɨŋ. Na ramoot ianna Aet ndambuŋmo kabena taup ian mbuŋa taŋna toawanaiŋ. Wanaiŋ ŋgoin. Auk niŋgik.

Epesus 2:15

Na ma ndona tik umbum mbuŋa ma Tɨp Wandɨkapa mana kamb tɨpembapa wandɨk tɨkrena tɨpembca ma mo kecaririna. Na ma ainda morinanna, ma an wiwitniŋmo aŋgɨca tumbunna tɨkca, mina ramoot ŋgam ian toc ndarunandet. Ri, an tɨpna kirar mbuŋa ma aimo moca aia nikinik iro kabea eacnandet.

1 Timoti 3:16

Na aia matau lamŋirena, Raraŋ Aetaniacna tɨpemb kirarirta kam mɨnɨŋa anna reac aniac ŋgoin. Na an kamma Raraŋ Aetaniaca aimo wandacrenanna gaind, Ma ramootna kirara laruca eacri, meikramtaɨra mamo watri. Na Ŋeroŋ Ratta mana tɨpna kirar wandoŋmo wandacrina, ma wandoŋ ŋgoin, na Raraŋ Aetaniacna mbaiŋna aiŋa morena ŋerŋgaura mamo watri. Na meikramtaɨra mana kammo gan tiacarpaikna pitrik waŋna meikramtaɨrmo wiwitirinan, ri, gan tiacarpaiknanda marɨpacat. Na Raraŋ Aetaniaca mamo tamuŋna auŋ naaŋgɨca gaca, ma memetacapa i aniac maaŋgɨat.

Iburu 6:19

Na an reaca ma aimo lambina mboprinanna, anna ma aimo laŋgum ŋgutiŋna aŋga gargarna kirar, ma aina eteacna watta utiŋ gagranan. Na an laŋgum utiŋna aŋga, ma Raraŋ Aetaniacna Kaca loraca eacrena raraŋit aniacna iŋmbaina Diab Rat Ŋgoinna mbukrena.

Iburu 9:3

Na mina raraŋit aniaca loraca ma Diab Rat Ŋgoinmo wawaraca eacrenanna, anna kabena diabca eacrenan, na mina gaind ŋgacrenan, “Diab Rat Ŋgoin.”

Iburu 9:8

Na an tɨpna kirara Ŋeroŋ Ratta aimo gainda wandacatna, an mɨnna Raraŋ Aetaniacna outna Ndamma eacrenanna, Raraŋ Aetaniacna Diab Rat Ŋgoinna mana tataŋna taupca ma raekca mba larua waekeri.

1 Pita 3:18

Na ne Karais motocmo lamŋi. Ma ramoot wandoŋ, na ma meikramtaɨr ŋgorikta taup aŋgɨca menaca tɨpemb ŋgorikta makukara mo kecaririnan, na nenmo aŋgɨca Raraŋ Aetaniac ndambuŋa taŋna. Aintik ma kɨdrɨk kabe niŋgikca menacrina, na ma mba mac menacitndai. Na gan tiacarpaikmo ma ramootna kirar toca eacrinan, na mina mamo mo menacatna. Na ma nda ŋgeprina, na ma ŋeroŋ toca eacrenan.

1 Ion 4:2

Na nena tɨpna kirara ma Raraŋ Aetaniacna Ŋeroŋmo lamŋinandet, ma aintan. Na ramootta aindop te, “Iesus Karaisa ma ramootna kirar toc ndaruca taŋrena,” te, Raraŋ Aetaniacna Ŋeroŋa an ramootap eacrenan.

2 Ion 1:7

Na ne warac, gan tiacarpaikca taŋrenanna meikramtaɨr wɨtta mina parurena, mina Iesusmo ramootna kirar ndaruatnanna, anmo mina rɨpac ŋgocor. Aind ndamŋiekna ramtaɨra mina parurena mina Karaismo ndorita puŋndamootna iroa moca morena.