Up Aŋgɨrena Ramtaɨrta Aiŋ 8:30 - Raraŋ Aetaniacna Kam Wembaŋ Laŋ

³⁰ Karica Pilipa taŋga rambuŋaica waracatnanna, an ramootta ramma morina ramoot Aisaiana timbigta kap aŋgɨca anna watca mbopca taŋri, na Pilipa gaindopatna, “Oe, u an watapekna kambta mɨnɨŋa lamŋia garac reiki, wanaiŋ?”

Up Aŋgɨrena Ramtaɨrta Aiŋ 8:30 ပူးပေါင်းရင်းမြစ်များ

Matiu 13:19

Na mandaia Raraŋ Aetaniacna bubuocna kam wembaŋa waraca, mana mɨnɨŋa garac ŋgocor, ma ande an witna loura taup ndiŋ ŋgirikrinanna kirar. Iŋmbaia Ramoot Ŋgoreaca kɨpca, Raraŋ Aetaniacna kamma mana iro inik ndeacrenanna tɨki mo kecarinande.

Matiu 13:23

Na an witna loura tiacar laiŋpaik ŋgirikrinanna, anna mɨnɨŋa gaind, anna meikramtaɨra Raraŋ Aetaniacna kamma waraca mina mana mɨnɨŋa mataua lamŋirenanna. Mina gagaimbca 100na mɨn, na 60na mɨn, na 30na mɨn.”

Matiu 13:51

Ri, ma ndona iŋa raŋgairena ramtaɨrmo ainda digiatna, “Ne an kamb roura aku muruŋa kerinanna, ne mina mɨnɨŋa lamŋica garacre ki?” Na mina rutica aindopatna, “Ore.”

Matiu 15:10

Karica Iesusa meikramtaɨrmo aca man ndambuŋa kɨpca, minmo aindopatna, “Ne waraca matau lamŋi rapac.

Matiu 24:15

Na Matiu ma gan timbigta kapca tirrina kamma ma gaindopatna, “Ramootta gan kamma wat te, ma matau ŋgoin ndamŋiraŋ.” Karica Iesusa gaind mac mbopatna, “Atua ramma morina ramoot Daniela mboprina, an reac ŋgoreac ŋgoinna ne watnandet. Na an reaca, ma Raraŋ Aetaniacna Kaca wɨtɨkca eacnande.

Mak Tiratna Kam Wembaŋ Laŋ 13:14

Na Makca gan timbigta kapca tirrina kamma ma gaindopatna, “Ramootta gan kamma wat te, ma matau ŋgoin ndamŋiraŋ.” Na an kamma Iesusa gaind mac mbopatna, “An wandɨk tɨkrina taupca reac ŋgoreac ŋgoinna wɨtɨkca eacrenanna, ne anna tɨki watnandet. Na an mɨnna meikramtaɨra Iudiana pitrik inik ndeacrenanna, mina kɨpcarica taukruirca taŋnandet.

Ion Tiratna Kam Wembaŋ Laŋ 4:34

Ri, ma minmo gaindopatna, “Raraŋ Aetaniaca aukmo mbagɨrica aku kɨprinan, na aukna amna reaca mana toŋtoŋa raŋgairenanapa ma aukmo neaŋrina aiŋira moca korwina.

Ion Tiratna Kam Wembaŋ Laŋ 5:39

“Na ne gaind ndamŋirena, kambca Raraŋ Aetaniacna Timbigta Kapca eacrenanna, ma nenmo iarwarna eteacna wat laŋa neaŋrena. Ainda moca ne Raraŋ Aetaniacna Timbigta Kapna kambmo muruŋcamiŋa watreke, na ritrirena. Na Raraŋ Aetaniacna Timbigta Kap toco aukna moca wiwitirena,

Up Aŋgɨrena Ramtaɨrta Aiŋ 8:27

Karica Pilipa ŋgepca an taup ndiŋa taŋ, taŋga anna tɨkca Itiopiana ramoot ian mawatat, na an ramoot tikca ma Itiopiana gagrirta meac paŋan Kandasina aiŋa morena ramoot paŋan ian, na ma an meac paŋanna kitukndukarapa mana reik aŋgɨra wembacrena ramoot. Na ma ndo Ierusalemmo Raraŋ Aetaniacna kam mbaracna taŋgatna.

Up Aŋgɨrena Ramtaɨrta Aiŋ 8:29

Karica, Ŋeroŋ Ratta Pilipmo an ramootna os ndambuŋa taŋi rambuŋaina iro neaŋca.

Up Aŋgɨrena Ramtaɨrta Aiŋ 8:31

Ri, an ramootta mana kammo gainda nda rutiatna, “Ramoot ianna aukmo an kamna mɨnɨŋa mbopi warac ŋgocor, aku an kamna mɨnɨŋmo titoc ndamŋit?” Aindopacarica ma Pilipmo aindopatna, “U kɨpca aukna ossa wɨŋga taŋrena bar naŋgabukca, aukna kɨtɨmma mbirac.”

Up Aŋgɨrena Ramtaɨrta Aiŋ 8:5

Ri, Pilipa, ma taŋga Samariarta auŋ aniac ian ŋgirikca an ndeacrina. Na ma mina meikramtaɨrmo, Raraŋ Aetaniaca babuca mbagɨrica kɨpca aimo mac nda aŋgɨna ramootna kam wembaŋ laŋna kamma, anna tɨkca mawiwitiat.

1 Korin 14:19

Na an mɨnna Iesusna rɨtɨpaikta meikramtaɨrta tumbunna punica mbendeina morenan, anna laŋ aku minmo kamb tɨpemb parmbai niŋgik ndopnande, kabenanda warac rapacna, na aku kabena meikramtaɨr motocmo riptinande. Na 10,000na mɨnna auŋembta kamb tɨpemb puŋga aku kai mbop teac.

Epesus 5:17

Na ne ŋaŋaona tɨpemb kirarira kai mo teac. Wanaiŋ. Ne Kacootna toŋtoŋna tɨpna kirarmo, ne matau lamŋiraŋ.

KIEK 13:18

Na ramootta iro laŋapnan, ma an reacmo lamŋi garacnandet. Na landamŋiapna ramoot, ma an raŋna amna ŋgoaem kunna ŋgaŋganŋgɨna mɨnɨŋmo ore watnandet. Na an ŋgaŋganŋgɨa anna ramoot kabena ŋgaŋganŋgɨ, na mana ŋgaŋganŋgɨa 666.