Up Aŋgɨrena Ramtaɨrta Aiŋ 4:10 - Raraŋ Aetaniacna Kam Wembaŋ Laŋ

¹⁰ Aind, nenapa Israelnanda, ne muruŋcamiŋa gaind ŋgoin ndamŋi, gan or ŋgoreacna ramoot, ma Nasaretna ramoot Iesus Karaisna i mbuŋa ma laŋ mamori, mandeaca ma nena meacramoot muruŋna lamnɨacmo, ma ŋgepca wɨtɨkatna. Na an ramoot Iesus, ne manmo aŋgɨra ik nakeraca ma menacatnanna, Raraŋ Aetaniaca manmo mac nda mukca tɨkca moa maŋgepri.

Up Aŋgɨrena Ramtaɨrta Aiŋ 4:10 ပူးပေါင်းရင်းမြစ်များ

Matiu 2:23

Ainda moca mana aemmapa aetta mamo aŋgɨca Nasaret auŋa taŋga an maeacat. Ri, an Raraŋ Aetaniacna rambca morina ramtaɨra mboprina kamma, moa mɨnna tɨkrina. Na mina manmo, “Nasaretnan ŋgacnande.”

Luk Tiratna Kam Wembaŋ Laŋ 18:37

Na mina mamo aindopatna, “Iesus Nasaretnan taŋrena.”

Up Aŋgɨrena Ramtaɨrta Aiŋ 2:32

An ramoot, ande Iesus. Raraŋ Aetaniaca manmo mukca tɨkca moa maŋgepat. Na aia muruŋa manmo muk ŋgetacndiŋ naŋgepatna iŋmbai mbuŋa aia manmo watatke, aia mana nda ŋgepatnanna aia ndorita lamnik puŋga watca, aia nemo anna wiwitia mboprena.

Up Aŋgɨrena Ramtaɨrta Aiŋ 2:36

“Aintik ne Israelnaŋgepca ne gaind ŋgoinna matau lamŋi, an ramoot Iesusmo, ne manmo aŋgɨra ik naaŋgɨa keracatnanna, mandeaca Raraŋ Aetaniaca manmo aŋgɨrca Kacoot ŋgacrina, na an ramoot, ma Raraŋ Aetaniaca babuca mbagɨrica kɨpca aimo mac nda aŋgɨna ramoot.”

Up Aŋgɨrena Ramtaɨrta Aiŋ 28:28

Ainda moca Pola gaind mac mbopatna, “Ne gaind ndamŋi, Raraŋ Aetaniaca ma aimo mac nda aŋgɨna aiŋ laŋna kamma, ma Iudana meikramtaɨr wanaiŋmo ma neaŋga taŋrina. Na mina waracnande!”

Up Aŋgɨrena Ramtaɨrta Aiŋ 3:6

Ri, Pita aindopatna, “Aku kɨtcaɨrtukar kocor, na auk ndambuŋa reac ianna ndo maeacreke, aku unmo neaŋnande. An reaca aku umo Nasaretna ramoot Iesus Karaisna i mbuŋa aindopnande, u ŋgepca taŋ.”

Pola Romnandmo Tiratna Timbiŋ Rapar 1:4

An mɨnna Raraŋ Aetaniac, mamo mukca tɨkca mac nda moa ŋgepatnanna, na an ŋgagatraca Raraŋ Aetaniacna Ŋeroŋ Ratta aimo ainda wandacrina, anna Iesus Karais, ma gargar aniacap, na ma Raraŋ Aetaniacna Nuoc, na ma aina Kacoot.