Up Aŋgɨrena Ramtaɨrta Aiŋ 23:11 - Raraŋ Aetaniacna Kam Wembaŋ Laŋ

¹¹ Ri, an mouŋa Kacootta kɨpca mana kɨtɨmma wɨtɨkca manmo gaindopatna, “U kai nanambi teac, u wɨtɨk gagraca eac. Na u Ierusalemmo aukna kamma gagraca wiwitirina, na an kirar toco u Rom motocmo u ainda wiwitinande.”

Up Aŋgɨrena Ramtaɨrta Aiŋ 23:11 ပူးပေါင်းရင်းမြစ်များ

Matiu 14:27

Ri, ma minmo anduna aindopatna, “Ne kai nanambi teac, ne gagraca eac, ganna auk.”

Matiu 28:20

Na aku nemo neaŋgatna kambmo muruŋa ne minmo riptica mina raŋgai. Na ne warac. Aku nenap memetmbaca eaci, taŋi gan tiacarpaikna mamamai.”

Matiu 9:2

Ri, ramtaɨr ndeida mamo orapa parniŋ menacrina roumbapna ramoot ianmo aŋgɨca makɨpat, na ma ndopna bara meraca eacrina. Ainda moca Iesusa watrinanna, mina manmo rɨtɨpacap tik, na ma an roumbapna ramootmo aindopatna, “Mooŋnuoc, u iro wetwet laŋ ndeac, aku una tɨpemb ŋgorikta makukara moa kecamacariri.”

Luk Tiratna Kam Wembaŋ Laŋ 16:28

Aku laiplacar parmbaiap, u Lasarusmo watcarica mataŋca mimo mbopi, gagraca mina iroar ŋgetriki. Moca mitoco gan auŋ nakɨpca gan gɨgɨrar aŋgɨ nari.’

Ion Tiratna Kam Wembaŋ Laŋ 14:18

“Na aku nenmo mombonik ndaekpembca mba tɨkcariitndai, na nenmo mba wattacarica ne wanaiŋa eacitndait. Wanaiŋ. Aku nen ndambuŋa kɨpnandet.

Ion Tiratna Kam Wembaŋ Laŋ 16:33

Aintik aku toŋgorinanna, ne aukap mɨkca nikinik iro wetwet ndeac, ainda moca aku nenmo an kam ndoprina. Na an mɨnna ne gan tiacarpaikca eacrenan, ainta makukara nenmo larunandet, na nena nikinik iroara gargar ndeacraŋ. Na gan tiacarpaikna gargara aku moa irikrinan.”

Up Aŋgɨrena Ramtaɨrta Aiŋ 18:9

Ri, mouŋ ian Kacootta manmo manmbɨanmemraŋna tamram mbuŋ nakɨpca aindopatna, “U rugutta kai mo teac, u wiwitica mbopraŋ, u anna moca kai irik mbirac teac.”

Up Aŋgɨrena Ramtaɨrta Aiŋ 19:21

Karica an reikta iŋmbaia Ŋeroŋ Ratta Polmo aoca ŋgepca ma ndona iroa moca, ma Masedoniana pitrikapa Akaiana pitrikca taŋgacarica iŋmbaia ma Ierusalemma taŋnande. Ainda moatke, ma aindopatna, “Aku anna taŋca, annan mai te, aku Rom motocmo watna taŋnande.”

Up Aŋgɨrena Ramtaɨrta Aiŋ 2:25

Aintik Dewit toco atua ndomo aindopatna, ‘Aku Kacootmo watreke, ma aukna kɨtɨmmo memetmbaca aukap eacreke, na ma aukmo moa gagrarenan, aintik reac ianna aukmo moi nanambi te, na moi rugut mona mɨnna wanaiŋ.

Up Aŋgɨrena Ramtaɨrta Aiŋ 20:22

Na mandeaca Ŋeroŋ Ratta aukmo moca aku Ierusalemma taŋnande, na anna tɨkca aukmo kaina reaca laru te, aku mba lamŋireke.

Up Aŋgɨrena Ramtaɨrta Aiŋ 22:15

Na u mana up aŋgɨca mana kam wiwiti mbop te, meikramtaɨra muruŋa an reikca u watrenan, na waracrinanna mina lamŋinande.

Up Aŋgɨrena Ramtaɨrta Aiŋ 22:18

Ri, aku Kacoot Iesusmo watca ma aukmo gaindopatna, ‘U tawi ŋgoinna ŋgepca Ierusalem tɨkcarica u taŋ, u gan ndeaca aukna kammo ganna wiwiti mbop te, ganna meikramtaɨra an kammo mba aŋgɨitndai.’

1 Korin 9:1

Na ne aukna tɨpna kirara wat. Na reac ianna aukmo kɨracre ki? Wanaiŋ ŋgoin. Na aku titocna tɨpna kirara mona lamŋi te, aku mona mɨn. Na aku up aŋgɨrena ramtaɨrta ramoot ian, co wanaiŋ? Na aku aina Kacoot Iesusmo watrinan, co wanaiŋ? Na aku Kacootna aiŋa moca ne aukna aiŋ mbuŋa rɨpacatnan, co wanaiŋ?

Pilipai 1:13

Ainda moca Sisana kaca bubuocrena lapoca ruŋrena ramtaɨrapa kabena meikramtaɨr toco, mina malamŋiat, anna aku Karaisna aiŋa morinan, aintik mina aukmo kac ŋgoreaca tɨkrinan.

2 Timoti 4:17

Ainda moca Kacootta ma ndo kocroca, aukmo gargara neaŋrina. Aintik aku kam wembaŋ laŋmo wiwitica mɨnna tɨkri, na Iudana meikramtaɨr wanaiŋa muruŋcamiŋa waracrina. Na Kacootta aukmo amna ŋgoaem, laionna upa tɨkca maaŋgɨat.