Up Aŋgɨrena Ramtaɨrta Aiŋ 21:21 - Raraŋ Aetaniacna Kam Wembaŋ Laŋ

²¹ Ri, anna ramtaɨr ndeida mina gainda waraca, aindoprena, ‘U Pol, u minmo gainda riptirena, “An Iudananda mina Iudana meikramtaɨra wanaiŋnanta rɨk ndeacrenanna, mina Mosesna Tɨp Wandɨkca kai raŋgai teac. Na mina ndorita nuikpitikta tikiŋita kai katac teac, co mina atuna kirarira kai raŋgai teac.”’

Up Aŋgɨrena Ramtaɨrta Aiŋ 21:21 ပူးပေါင်းရင်းမြစ်များ

Up Aŋgɨrena Ramtaɨrta Aiŋ 16:3

Ri, Pola ma Iudananda an auŋemb teacrenanna ndamŋica, ma ndomo Timotiap aŋgɨca taŋna ndamŋiri, ainda moca ma mana tikiŋit makatacat. Na Pola manmo ainda moatnanna, Iudananda mina aind ndamŋirenan, Timotina aetta ma Giriknanta ramoot.

Up Aŋgɨrena Ramtaɨrta Aiŋ 21:22

Na aia lamŋirena, mina un kɨprina kamma waracrina, na aia unmo tida moit?

Up Aŋgɨrena Ramtaɨrta Aiŋ 21:28

Ainda moca mina ŋgaua wattatnanna, Epesus auŋna Toropimusa ma Polap Ierusalem auŋ aniac ndeacri. Na mina gaind ndamŋirina, ma Toropimusmo Raraŋ Aetaniacna Kacna wuocna inik naaŋgɨa mambukat. Ri, mina kam keca gaindopatna, “Israelna ramtaɨr, ne aimo otac, gan ramootta ma auŋembta ramtaɨrmo gan Raraŋ Aetaniacna Kacapa aina barnanapa Tɨp Wandɨkmo ipuŋga riptirena.” Na mina minmo aindopatna, “Na an niŋgikca wanaiŋ, ma an Iudana ramtaɨr wanaiŋap aŋgɨca, gan Raraŋ Aetaniacna Kacna wuocna inikca mbukrinan, na an Raraŋ Aetaniacna Kacmo mandeaca moca mana lamnɨaca ma rat ŋgocor malaruri.”

Up Aŋgɨrena Ramtaɨrta Aiŋ 28:17

Karica rai mbonkac maiatke, ma Iudana ramtaɨr paŋaindmo aca, mina kɨpca puniatna mbatca, ma minmo aindoprina, “Min laiplacar, aku aina Iudana meikramtaɨrmo reac ŋgoreac ianna mo ŋgocor, na aina nicar ŋgamrirta tɨp ianna ipuŋga, mo ŋgocrai ŋgocor. Na mina aukmo Ierusalemma tɨkca muoca utiŋga Romnaŋgepta par matɨkat.

1 Tesalonika 2:16

Na mina toŋgo ŋgocor, Raraŋ Aetaniacmo meikramtaɨr mac nda aŋgɨnan, ainda moca mina aimo Iudana meikramtaɨr wanaiŋmo an kam wiwiti mbop narica, na mina aina taupemb mboracatna. Aintik mina memetmbaca tɨpemb ŋgorikta makukarmo moa acnairenan. Na Raraŋ Aetaniacna nikkakatta min nambatta irikrinan.