Up Aŋgɨrena Ramtaɨrta Aiŋ 19:40 - Raraŋ Aetaniacna Kam Wembaŋ Laŋ

⁴⁰ Aintik ne warac, ramtaɨr paŋainda an kambca warac te, aia makuk aŋgɨna mɨn ŋgoin. Mandeac ra aia morina reaca, ma mɨnɨŋ kocor, na mina aimo an tumbunna punirena mɨnɨŋna digi te, kaina moca aia kamb anik keca, aca mbopri, na aia mina kam ianna mba rutiatke.”

Up Aŋgɨrena Ramtaɨrta Aiŋ 19:40 ပူးပေါင်းရင်းမြစ်များ

Matiu 26:5

Ri, mina aindopatna, “Aia an reaca mona mo te, aia Raraŋ Aetaniacna mbembendeina rai anikta inikca kai mo teac, moca meikramtaɨra an mbatca nikembkatca, kaega monandet.”

Luk Tiratna Kam Wembaŋ Laŋ 1:1

Ramoot paŋan Tiopilus, ŋgaua Raraŋ Aetaniaca aina kɨdrɨkca tɨkca moatna aiŋa, ramtaɨr wɨtta mina anna watca ŋgepca ndorita paɨr puŋga towaia tiratna.

Up Aŋgɨrena Ramtaɨrta Aiŋ 19:39

Na ne kamb ndeida mac eac te, ne taŋca tumbunna punirena taupca tɨkca, ra ian larapac te, anmo mbopi wandoŋai.

Up Aŋgɨrena Ramtaɨrta Aiŋ 19:41

Karica ma kamb topca maica ma an meikramtaɨrmo mbagɨrica mina mataŋgat.

Up Aŋgɨrena Ramtaɨrta Aiŋ 20:1

Karica an kɨdrɨkar ŋgorikca maiatna mbatca, Pola kam neaŋga taŋga an Iesusna iŋa raŋgairena meikramtaɨra man ndambuŋa taŋga ma minmo mimitpacapa, mina moi gagarana kamb topca maica, karica ma minmo ra laŋ ndopca, ma ŋgepca Masedonia pitrik mataŋgat.

Up Aŋgɨrena Ramtaɨrta Aiŋ 21:31

Na an kɨdrɨkca mina Polmo pi menacna mori, Romna lapoca ruŋrena ramoot paŋanna an kammo gaind mawaracat, “Ierusalemna meikramtaɨra kaega moca tamtamma ruŋrena.”

Up Aŋgɨrena Ramtaɨrta Aiŋ 21:38

Na aku umo gaind ndamŋiatna, umo an Isipna ramootta ŋgaua ma runduŋ aniaca mo ŋgepca 4,000na mɨnna ramtaɨrpaik aŋgɨca bugrim mbuŋa ruŋrenanmo, ma reik kocorta taupca minap aŋgɨca taŋgatna.”

Up Aŋgɨrena Ramtaɨrta Aiŋ 24:22

Na Peliksa an Kacoot Iesusna Taupa raŋgairena meikramtaɨrta rɨtɨpaikapa tɨpemb kirarirmo, ma mataua lamŋirena. Karica ma minmo aindopatna, “Lapoca ruŋrena ramoot paŋan Lisiasa irik te, aku nena kamma wandoŋainande.”