Up Aŋgɨrena Ramtaɨrta Aiŋ 19:27 - Raraŋ Aetaniacna Kam Wembaŋ Laŋ

²⁷ Ri, ma gaind mac mbopatna, “Polna kamma, ma aina kituknduk aŋgɨrena taupmo mo mboracnande. Na kabena reac toca gaind, mana kamma aina mɨrɨpraraŋna kac, Artemisnanmo moca meikramtaɨrta iroarmo ma reac wanaiŋ toc ndarunande. Ŋgaua meikramtaɨr muruŋa Esiana pitrikapa kabena pitrikca an mɨrɨpraraŋna meaca mbendeirena. Na Polna kamma mandeaca mana i aniaca mo kecarina mamoek.”

Up Aŋgɨrena Ramtaɨrta Aiŋ 19:27 ပူးပေါင်းရင်းမြစ်များ

1 Timoti 6:5

Ainda moca memetmbaca mina kam mbuŋa ipuŋrena. Na ainta ramtaɨrta iroara, kocnaia ŋaŋaorina, aintik mina kam gidikca mba lamŋirenanna. Mina Raraŋ Aetaniacna tɨpemb kirarirmo, reik aŋgɨrena taup ndoprena.

KIEK 13:8

Na gan tiacarpaikna meikramtaɨr muruŋa an mɨnna Raraŋ Aetaniaca gan tiacarpaikca mo ŋgocor ndeacri, na mina irembca iarwarna eteacna watna timbigta kapca eac ŋgocortanna, mina an raŋna amna ŋgoaem kunmo tutpemb rɨmbɨtca mbendeinandet. Na an iarwarna timbigta kapca anna Sipsip Nuocnan, ŋgaua mina manmo mo menacrinan.

KIEK 13:3

Na an raŋna amna ŋgoaem kunna paŋan ianna, mina rɨŋga ndim neaŋga manmo moa menacatna kirar toc. Na an ndimma mac kobeca, ma mac nda ŋgepca eacrena. Ri, meikramtaɨra muruŋa an raŋna amna ŋgoaem kunna watca mina ŋgep ŋgoreac naŋgepca, mina manmo maraŋgaiat.

1 Ion 5:19

Na gan tiacarpaikca Ramoot Ŋgoreacna gargarna kaŋgauk ndeacrena. Aintik aia lamŋirena, aia wanaiŋ, aia Raraŋ Aetaniacna mombonik.

Up Aŋgɨrena Ramtaɨrta Aiŋ 19:21

Karica an reikta iŋmbaia Ŋeroŋ Ratta Polmo aoca ŋgepca ma ndona iroa moca, ma Masedoniana pitrikapa Akaiana pitrikca taŋgacarica iŋmbaia ma Ierusalemma taŋnande. Ainda moatke, ma aindopatna, “Aku anna taŋca, annan mai te, aku Rom motocmo watna taŋnande.”

Matiu 23:13

Karica Iesusa gaind mac mbopatna, “Ne Parisina ramtaɨrapa tɨpemb wandik tamŋirena ramtaɨr, ne makukara aŋgɨnandet. Ne kɨrpaina mimna ramtaɨrta kirar toc, na ne meikramtaɨra tamuŋna auŋna bubuoca mbukna taupembmo mboracrena, na ne ndori koinda anna mba mbukrenanna. Na meikramtaɨra anna mbukna towai te, ne mina taupembmo mboracrena.

Matiu 24:14

Aintik mina gan kam wembaŋ laŋmo gan tiacarpaikna kabena pitrik waŋna meikramtaɨrmo wiwiti te, meikramtaɨra muruŋa waracna. Te, gan tiacarpaikna mamamaia kɨpnandet.”

Up Aŋgɨrena Ramtaɨrta Aiŋ 19:10

Ri, ma ainda moca taŋga gui mbuniŋna mɨn, aintik an Esiana pitrik inik ndeacrina Iudanandapa Girikna meikramtaɨra muruŋa Kacootna kamma waracatna.

KIEK 14:9

Ri, kabena mbaiŋna aiŋa morena ŋeroŋa, an outta larurina mbaiŋna aiŋa morena ŋeroŋ mbuniŋa raŋgaica larurinan. Na an mbaiŋna aiŋa morena ŋeroŋa kam aniac mbuŋa aind ŋgaca mbopatna, “Ramoot ianna an raŋna amna ŋgoaem kunmo tutup rɨmbɨtca mbendei te, co, mana ndamo mbendei te, co, mana ŋgagatraca ndona ŋgopaŋanna tir te, co, ndona para tir te,