Up Aŋgɨrena Ramtaɨrta Aiŋ 13:9 - Raraŋ Aetaniacna Kam Wembaŋ Laŋ

⁹ Na wanaiŋ, Ŋeroŋ Ratta Solmo mbukca lacamakecat, na mana i ianna Pol. Na Pola Elimasmo wat gargar ŋgoinna watta taŋga manmo gaind mambopat,

Up Aŋgɨrena Ramtaɨrta Aiŋ 13:9 ပူးပေါင်းရင်းမြစ်များ

Matiu 10:20

Na an kamma nen ŋgoinna mba mbopit, nena Raraŋ Aetaniacna Ŋeroŋa ma ndo nena upa tɨkca, an kamb topnande.

Mak Tiratna Kam Wembaŋ Laŋ 3:5

Ainda moca ma mina watca, ma nikkatacarica, mina iroara gagrar koind, aintik ma minmo kadmaica, ma an ramootmo aindopatna, “U ndona parmo lotai.” Ri, ma ndona parmo lotairi, mana para laŋ mamoat.

Mak Tiratna Kam Wembaŋ Laŋ 8:25

Ri, Iesusa ndona para mana lamnɨacniŋ mac tɨkatke. Na an ramootta mataua watukca watca, mana lamnɨacniŋa laŋ mamoat, ri, ma reikmo mataua watta marapacat.

Luk Tiratna Kam Wembaŋ Laŋ 20:17

Karica Iesusa minmo watta taŋga, minmo gainda digiatna, “Kaina moca mina an kammo Raraŋ Aetaniacna Timbigta Kapca tirca eacrena? ‘Na gan kaca morena wautmo, ramtaɨra anmo ŋgoreac ndopca, aŋgɨra roumbmbai nakecarica eacrena wautta, mandeaca ma kacna witta moca paŋanmbaia wɨtɨk gagraca kaca mbukca eacrenan.’

Up Aŋgɨrena Ramtaɨrta Aiŋ 2:4

Ainda moca minmo muruŋa Ŋeroŋ Ratta mbukca mɨnna tɨkca, na mina ŋgepca auŋembta kambca muruŋ mambopri, anna Ŋeroŋ Ratta minmo gargar neaŋga, minmo kabena auŋembta kamb puŋ topna moca.

Up Aŋgɨrena Ramtaɨrta Aiŋ 4:31

Mina mbendeia maiatke, mina punica eacrina kaca warak mamoat, ri, Ŋeroŋ Ratta minmo mbukca lacakeca, mina Raraŋ Aetaniacna kam wembaŋ laŋmo kam aniaca tɨkca mawiwitiat, na mina mba nanambiatke.

Up Aŋgɨrena Ramtaɨrta Aiŋ 4:8

Ri, Pitamo Ŋeroŋ Ratta mbukca mɨnna tɨkca ma minmo aindopatna, “Ne Israelnaŋgepta ramtaɨr anikapa ramtaɨr paŋaind,

Up Aŋgɨrena Ramtaɨrta Aiŋ 7:55

Ri, Stipenmo Ŋeroŋ Ratta manmo mbukca lacakeca, ma tamuŋna auŋa raia watca ma Raraŋ Aetaniacna memetacna tac aniaca mawatat. Na Iesusa Raraŋ Aetaniacna par umbaina waŋga wɨtɨkca eacrenan tocmo ma mawatat.