2 Pita 3:8 - Raraŋ Aetaniacna Kam Wembaŋ Laŋ

⁸ Na aukna aikndamtaɨr koind, ne an reac kabemo kai ndarekrekke teac. Na Kacootna iro mbuŋa ra kabea anna ma 1,000na iarna kirar, na 1,000na iara ma ra kabena kirar.

2 Pita 3:8 ပူးပေါင်းရင်းမြစ်များ

Pola Romnandmo Tiratna Timbiŋ Rapar 11:25

Ne Iesusa rɨpacrena laiplacar, aku toŋgorinanna ne gan iŋgoroca eacrena kam ian mbarac. Moca ne ndorimo aind ndamŋi nari, ne iro aniacap. Ainda moca aku nemo gan iŋgoroca eacrena kam ndopnande. Anna gaind, Israelna wiwitna ndeidta iroar inkara garururenanna, mina aind ndeaci taŋi, an mɨnna Raraŋ Aetaniac larapacrinan, na Iudana meikramtaɨr wanaiŋ titpaikca mana meikramtaɨra eacit.

1 Korin 10:1

Na ne Iesusa rɨpacrena laiplacar, aku toŋgorinanna ne gaind ŋgoinna matau lamŋi, an Mosesna mɨn mbuŋa. Aina nicar ŋgamrira muruŋcamiŋa dimirpaikna kaŋgauk ndeacri, Raraŋ Aetaniaca wattacarica ma minmo taup wandaca taŋrina. Na mina taŋga macait laup kataca embaina waŋ nagacatna.

1 Korin 12:1

Ainda moca ne Iesusa rɨpacrena laiplacar, mandeaca aku nenmo matau ŋgoinna mbopca ne matau lamŋina, an Ŋeroŋ Ratna wanaiŋa neaŋrena reik laiŋta moca.

2 Pita 3:1

Aukna aikndamtaɨr koind, gan aukna iŋmbaina timbiŋ rapara aku mandeaca nenmo tirca neaŋga makɨpek. Na an outnanapa iŋmbaina timbiŋ rapar, aku nenmo kam neaŋga nenmo moi iroar ŋgepca ne an reik tamŋiraŋ te, nena iroara wandoikca mac eacraŋnandet.