2 Korin 12:1 - Raraŋ Aetaniacna Kam Wembaŋ Laŋ

¹ Na kabena taup ianna mac eac ŋgocor. Na aku ndona imo gidik ŋgoin naaŋgɨri ŋgepnandet. Na anna gidik, an taupa aimo mba otacitndai. Na anmo watcari, aku manmbɨanmemraŋna tamram ndeidapa iŋgoroca eacrena kamb ndeida Kacootta aukmo wandacrinanna, aku an ndopnande.

2 Korin 12:1 ပူးပေါင်းရင်းမြစ်များ

Ion Tiratna Kam Wembaŋ Laŋ 16:7

Ainda moca aku nenmo gidik ŋgoinna aindoprina, aku nenmo tɨkcarica taŋnandet, na anna nenmo otacna. Na aku taŋ ŋgocor te, nenmo mo gagrana Ŋeroŋa ma nenmo mba kɨpitndait. Na aku taŋ te, aku manmo mbagɨrica ma nen ndambuŋa kɨpnandet.

Ion Tiratna Kam Wembaŋ Laŋ 18:14

Na man tikca, ma an ramootta Iudanaŋgepmo aindopatna, “Anna laŋ ecte, ramoot kabea ndo meikramtaɨr wɨtna taup aŋgɨca menacna.”

Up Aŋgɨrena Ramtaɨrta Aiŋ 18:9

Ri, mouŋ ian Kacootta manmo manmbɨanmemraŋna tamram mbuŋ nakɨpca aindopatna, “U rugutta kai mo teac, u wiwitica mbopraŋ, u anna moca kai irik mbirac teac.”

Up Aŋgɨrena Ramtaɨrta Aiŋ 23:11

Ri, an mouŋa Kacootta kɨpca mana kɨtɨmma wɨtɨkca manmo gaindopatna, “U kai nanambi teac, u wɨtɨk gagraca eac. Na u Ierusalemmo aukna kamma gagraca wiwitirina, na an kirar toco u Rom motocmo u ainda wiwitinande.”

1 Korin 10:23

Na meikramtaɨr ndeida aindopatna, “Reikca anna muruŋa wandik kocor.” Ainda moca an reikca mina muruŋa aimo mba otacitndai. Na mina gaind mac mbopatna, “Na an reikca anna muruŋa wandik kocor.” Ainda moca an reikca muruŋa aina rɨtɨpaikmo mba moca gagrarenan.

1 Korin 14:6

Na ne Iesusa rɨpacrena laiplacar, ne gan kamna moca matau lamŋicari. Na aku nen ndambuŋ nakɨp te, na nenmo kabena auŋembta kam mbuŋa ndop te, ŋarikca moca aku nenmo kam ndeida Raraŋ Aetaniaca aukmo wandacatnanna mbop ŋgocor, co, aku nenmo landamŋia neaŋ ŋgocor, co, aku nenmo Raraŋ Aetaniacna ramma morena kamma mbop ŋgocor, co, aku nenmo matau ripti ŋgocor, na titoca mo te, aku nenmo otacit?

1 Korin 6:12

Na meikramtaɨr ndeid mina gaindoprena, “Reikca muruŋa wandɨk kocor, na aku mo niŋgik.” Na an kamma anna gidik, na reik ndeida mina una eteac laŋna opotacmo mba moitndai. Na an reikca anna muruŋa wandɨk kocor, na aku monande. Na aku reac ianmo kai watcarica ma aukmo mba raupŋitndai.

2 Korin 12:11

An kam aku mbopatnanna, anna ŋaŋao ŋgoin. Na anna ne ndori, aukmo moa ŋgepca aku gaindopatna. Ne aukna i aŋgɨri ŋgep te, anna tɨp wandoŋ laŋ. Na ne ainda mba mori. Gidik, aku reac ŋgoreac, aintik aku nena an outna, paparuna up aŋgɨrena ramtaɨra, ndorita i aŋgɨ ŋgeprena ramtaɨrta kaŋgaukca mba eacrenanna.

2 Korin 12:5

Na aku ndo aku an ramootna i aŋgɨri ŋgepnande, na aku ndo ŋgoinna aku ndona ia mba mac aŋgɨri ŋgepitndai. Na aku ndo ŋgoinmo gaindopnande, aku gagrar kocor, na aku ndona imo an mbuŋ naaŋgɨra ŋgeprena.

2 Korin 12:7

Na an kamma Raraŋ Aetaniac, ma aukmo wandacatna, anna reac aniac ŋgoin. Na Raraŋ Aetaniac, ma toŋgo ŋgocor, aku ndona imo kai tacro aŋgɨri ŋgepcari teac, aintik ma aukmo lac tocna reac ian neaŋga ma aukap eacrena, anna aukna tikca rɨŋrena. Na an reac, anna aukca pina Ramoot Mbɨkna aiŋna ŋeroŋ, anna aukmo makuk neaŋga aku ndona imo kai tacro aŋgɨri ŋgepcari teac.

2 Korin 12:9

Ri, ma aukmo gaindopatna, “Aukna kakadmaina opotaca anna una mɨn. Na an aukna gargara ma gargar ŋgoin, ma gagrar kocorta ramootna aiŋa wakikia morena.” Na Kacootta aindoprina, aintik aku gagrar kocor, na aku an mbuŋa ndona imo aŋgɨca ŋgepnande, na Karaisna gargara ndo aukap eacnande.

2 Korin 8:10

Na mandeaca aku ndona iromo, aku nenmo tɨk larunandet, na nenmo an kitukndukar ŋgobacrena aiŋa mona. Na gan maiapekna iar, ne an aiŋa aŋgɨra moa ŋgeprina. Na nena an aiŋa momona toŋtoŋa aniac ŋgoin.

Galesia 1:12

Aku mba an kam wembaŋ laŋa, ramoot ian ndambuŋa mba tɨkca aŋgɨratna kamma wanaiŋ. Na ramoot ianna, aukmo mba riptiatke. Wanaiŋ ŋgoin! Iesus Karaisa ma ndo auk ndambuŋ ndaruca, an kam wembaŋ laŋ wandacatnan.

Galesia 2:2

Raraŋ Aetaniaca ndo aukmo wandaca ainda moca aku taŋgatna. Aku taŋga Ierusalem ndeacatke, aku mina ramtaɨr paŋaind tocna ramtaɨr tiŋgiknanap mbopatna. Na aku minmo an kam wembaŋ laŋmo, Iudana meikramtaɨr wanaiŋmo, aku minmo ndo memetmbaca wiwitirena kam, an reikta nininina kam ndopacarica. Aku gaind ndamŋiatna. Ŋarikca, gan aiŋa, aku ŋgaua morina aiŋirapa, mandeacna aiŋirta kirarir, mana gagamma mba laruitndai.

Epesus 3:3

Na Raraŋ Aetaniaca morina reikta kambca, atua ma iŋgoroca eacrenan, na ma ndo aukmo moa polorinan. Ainda moca aku anna ninini emtemma tiratna.

1 Tesalonika 4:15

Na aia Kacootna kam aŋgɨca nenmo gaindopnande, Kacootta nda kɨp te, aia menac ŋgocor ndeacrena meikramtaɨr, aia an menacrina meikramtaɨrmo aia minmo outta mba taŋitndai. Wanaiŋ.

1 Ion 5:20

Na aia lamŋirina, Raraŋ Aetaniacna Nuoca kɨpca eacreke, ainda moca ma aimo iro landamŋi neaŋrena, aimo Raraŋ Aetaniaca watirapaca, manapa mana Nuoc Iesus Karaisap, maniŋmo taŋi mɨkna moca. Aintik Iesus, ma Raraŋ Aetaniac, ma ndo iarwarna eteacna watna mɨnɨŋ.