1 Korin 5:2 - Raraŋ Aetaniacna Kam Wembaŋ Laŋ

² Na ne ndorimo laiŋ ndopca kunda tamuŋ ki ndeacraŋ ndopat ki, a? Na ne warac, ne anna moca mba kadmairena, ne kocnaia garururina. Na ne warac an tɨp kirar ŋgoreaca morina ramootmo, ne mo kecari, na ma nenap kai eac teac.

1 Korin 5:2 ပူးပေါင်းရင်းမြစ်များ

1 Korin 4:18

Na nena ndeida gaind ndamŋinandet, aku mba mac kɨpca nenmo mba mac watitndai, na nena ndeida ŋgepca tamtamma garururena.

1 Korin 5:13

Na raekmbai ndeacrena meikramtaɨr, Raraŋ Aetaniac ma ndo mina tɨpemb kirarirmo ritrinandet. Na Raraŋ Aetaniacna timbigta kapna kamma gaindopatna, “Ne an nena rɨk ndeacrena ramoot ŋgoreacmo, mo kecari.”

2 Korin 12:20

Ainda moca aku rugut emtemma moca gaind ndamŋiatna, ŋarikca aku nen ndambuŋ nakɨpca, na aku nenmo aintocna kirarna meikramtaɨra aku toŋgo watna morenanna eac ŋgocor. Na moca ne toco aukmo wat te, aku an eacrena ramootna kirara mba eacrenan. Na moca aku nena rɨkmo aintocna tɨpna kirarirmo nena rɨkca tɨki wat nari, gan tɨpna kirarira, kam mbuŋ ndopi taŋca kabena meikramtaɨrmo iro ŋgoreac aŋgɨrena, na kaegna kirara morena, na garururena kirara morena, na kambmo iŋmbai ndoprena kirara morena, na kam mbarac narica morena, na reac, reacna kirarira muruŋa moa kurirena.

2 Korin 12:21

Na moca aku nen ndambuŋ nakɨpca aukna Raraŋ Aetaniaca aukmo nena lamnikca tɨkca aukmo moi numbira mac neaŋ nari. Na moca aku meikramtaɨr wɨt anikta tɨpemb ŋgorikta makukara morinan, mac wat nari. Na mina ndorita iroar inkarmo ŋgetriki ŋgocor, na mina an patiŋmo iŋ neaŋri, na meacramootna kaŋtertaapna tɨp kirara mona tik ŋgep te, mina meacramootna tɨp ŋgadudukca morena tɨpemb ŋgorikta makukara monandet, na anna mina ŋgaua morina tɨpemb kirarir. Na aku aintocna tɨpemb kirarira wat te, aku numbira moca kadmainande.