1 Korin 16:20 - Raraŋ Aetaniacna Kam Wembaŋ Laŋ

²⁰ Na an Iesusa rɨpacrena laiplacar mina muruŋa nenmo ra laŋ neaŋrina. Na an kirara aia Raraŋ Aetaniaca raŋgaica morena kirar mbuŋa, ne muruŋa kabe, kabea an Iesusa rɨpacrena laiplacarmo, minmo pipopotaca mo.

1 Korin 16:20 ပူးပေါင်းရင်းမြစ်များ

Matiu 5:47

Na ne ndorita, kamkabear tiŋgikmo ra laŋ neaŋ te, Raraŋ Aetaniacna lamnɨaca watrenanna, anna ne Iudana meikramtaɨr wanaiŋnanta kirarir toc. Na Raraŋ Aetaniacna Iudana meikramtaɨr wanaiŋ toco, mina ainda morena.

Pola Romnandmo Tiratna Timbiŋ Rapar 16:16

Na aina Raraŋ Aetaniacna tɨpna kirar, ne kabe kabea ndorita laiplacarmo pipopotaca mo. Na Karais Iesusna rɨtɨpaikta meikramtaɨrta tumnambca nenmo muruŋcamiŋmo ra laŋ neaŋrina.

Pola Romnandmo Tiratna Timbiŋ Rapar 16:21

Na aukna aiŋ kabena ramoot, Timoti, ma nenmo ra laŋ neaŋrina. Na Lusiusapa, Iasonapa, Sosipaterap, mina aukapna wiwitnan, min toco nenmo ra laŋ neaŋga kɨpatna.

Pola Romnandmo Tiratna Timbiŋ Rapar 16:23

Na Gaiusa ma ndona ra laŋmo nena neaŋga kɨpatna, na ma aukmo ndona kaca tɨkca raupŋirenan, na ma rɨtɨpacna meikramtaɨr motocmo muruŋcamiŋa minmo mataua bubuocrena ramoot. Na Erastus, ma gan auŋ aniacna inikna ramoot paŋan, na ma kitukndukar raupŋirena ramoot, na aina Iesusa rɨpacrena laiplacarta ian Kiwartusap, maniŋa ndoniŋna ra laŋmo nena neaŋrina.

Pilipai 4:22

Na Raraŋ Aetaniacna meikramtaɨra muruŋcamiŋa nenmo ra laŋna kam ndoprinan, na an Sisana kacna aiŋa morena wiwitta aukmo gagarac mbopca aku nenmo ra laŋna kam ndopna morinan.

1 Tesalonika 5:26

Na nena Iesusa rɨpacrena laiplacarta tɨp kirar ianna gaind, ne kabe, kabea kabena meikramtaɨrmo pipopotacrenan.

Iburu 13:24

Aintik aŋna ra laŋmo nena ramtaɨr paŋaindapa, Raraŋ Aetaniacna meikramtaɨrmo neaŋ. Na an meikramtaɨra Italimo tɨkcarica kɨprinanna, mitoco nenmo ra laŋ neaŋrina.

1 Pita 5:14

Na ne muruŋcamiŋa kabena rɨpacrena laiplacarmo pipopotac te, anna wandacnandet, ne minmo mamatŋi ŋgoin, na ne minmo iroar inkara laiŋ neaŋrena. Na ne Karaisap mɨk te, nena iroar inkara wewettar laiŋgap eacnandet.