1 Korin 13:2 - Raraŋ Aetaniacna Kam Wembaŋ Laŋ

² Na aku rambca morena ramtaɨrta kambmo wiwit mbop te, na aku Raraŋ Aetaniacna iŋgoroca eacrena iroarmo lamŋi te, na aku kabena landamŋi wɨt aniacap te, na aku rɨtɨpac gargar aniacap te, aku taukruirmo ndiaŋi waŋembaia taŋna mɨn, na aku ndona mamatŋimo kabena meikramtaɨrmo neaŋ ŋgocor ndacari te, anna aku ndomo reac wanaiŋna kirara morina.

1 Korin 13:2 ပူးပေါင်းရင်းမြစ်များ

Matiu 13:11

Ri, ma mina kammo gainda rutica aindopatna, “Tamuŋna auŋna bubuocna kamma tamaia iŋgoroca eacrena mɨnɨŋa, ma nemo wattacarica, ne lamŋia garacrina. Na gan meikramtaɨrmo ma mba wandacri.

Matiu 17:20

Ri, ma mimo aindoprina, “Nena rɨtɨpaikca tekir koind, aintik ne toawanaiŋ. Na aku nemo gidik ŋgoinna aindopnande, nena rɨtɨpaikca an mastet ikna lour tekirnoikta kirar te, ne gan takurmo mbopna mɨn, ‘U ŋgepca mona taŋ.’ Te, ma taŋnande. Na nemo reac ianna mba kɨracitndai, aiŋira ne mo niŋgik.”

Matiu 21:19

Ri, ma taupna roumbca watrinanna, ik ŋgaŋɨn ianna eacri, na ma taŋga rambuŋaica wattatnanna ma gagam kocor, raprir tiŋgik. Ainda moca ma an ikmo aindopatna, “Gidik ŋgoin, u amna reac ianna mba eritndait!” Na anduna an ikca magururi.

Matiu 21:21

Karica ma mina kam, rutica aindopatna, “Aku nemo gidik ŋgoinna aindopnande, ne gidik ŋgoinna rɨpaca, iro mbuniŋ ŋgocor te, ne an auk mocapekna kirara an ikmo mo mbe. Na an niŋgikca wanaiŋ, ne gan takurmo mbop te, ‘U ŋgepca macaitta putrikica irik,’ te, ma monandet.

Up Aŋgɨrena Ramtaɨrta Aiŋ 13:1

Na an Antiok auŋna, Iesusna rɨtɨpaikta meikramtaɨrta tumbuna, mina ndeida Raraŋ Aetaniacna rambca morenan, na mina ndeida ririptica morena ramtaɨr, mina anna inik ndeacrena. Mina iremb tikca, ianna Banambas, na ianna Simeon, mina manmo Tik Mbɨkmbɨkna ramoot ŋgacrena, na ianna Lusius ma Sairini auŋ aniacna ramoot, na ianna Sol, na ianna Manain, ma gagrirta ramoot paŋan Erotna bubuocna kaŋgauk ndeacrena ramoot ian.

Pola Romnandmo Tiratna Timbiŋ Rapar 11:25

Ne Iesusa rɨpacrena laiplacar, aku toŋgorinanna ne gan iŋgoroca eacrena kam ian mbarac. Moca ne ndorimo aind ndamŋi nari, ne iro aniacap. Ainda moca aku nemo gan iŋgoroca eacrena kam ndopnande. Anna gaind, Israelna wiwitna ndeidta iroar inkara garururenanna, mina aind ndeaci taŋi, an mɨnna Raraŋ Aetaniac larapacrinan, na Iudana meikramtaɨr wanaiŋ titpaikca mana meikramtaɨra eacit.

Pola Romnandmo Tiratna Timbiŋ Rapar 15:14

Na ne aukna Iesusa rɨpacrena laiplacar, aku nemo ndona nikinik iro mbuŋa rɨpacrina, ne tɨp laŋna kirarirmo, ne memetmbaca morena. Na nena iroar landamŋiara ne mɨn, aintik ne ramoot kabe kabea ne mɨn, ne Raraŋ Aetaniacna kabena meikramtaɨrmo iro laŋ neaŋna mɨn.

Pola Romnandmo Tiratna Timbiŋ Rapar 16:25

Na Raraŋ Aetaniac ma mɨn, ma nena rɨtɨpaikmo moi ne wɨtɨki paŋpaiŋina mɨn. Na an kambca, kam wembaŋ laŋmo inik ndeacreke, aku mana tɨp kirar laŋna ndoprena, na an kam wembaŋ laŋa anna Iesus Karaisna kam. Na an kam wembaŋ laŋa atu, atu ŋgoinna man niŋgikca iŋgoroca eacrina.

1 Korin 11:4

Ŋarikca ramootta ndona paŋan kɨtaca mbendei te, co, ramma morena kammo wiwiti te, an ramootta ma ndona ramoot paŋanmo moa numbira morenan, na anna ma Karais.

1 Korin 12:28

Ri, Raraŋ Aetaniaca meikramtaɨrmo larapaca mina Iesusna rɨtɨpaikta meikramtaɨrta tumbunna aiŋa mona. Na out ŋgoinna ma up aŋgɨrena ramtaɨrta aiŋa morenan larapacrina, na an ndambuŋnandmo, rambca morena ramtaɨrmo larapacrina, na an ndambuŋnandmo, meikramtaɨrmo Raraŋ Aetaniacna toŋgorina tɨpemb kirarirmo ririptina ramtaɨrmo larapacrina, na ŋgagatracara mona wiwitnanmo larapacrina, na roumbbeba moi laŋa monanmo larapacrina, na kabena meikramtaɨrmo opotacna aiŋa mona wiwitmo larapacrina, na reac, reacna aiŋirta ŋginaŋa mona wiwitmo larapacrina, na kabena auŋembta kamb puŋ toprena aiŋna meikramtaɨrmo larapacrina.

1 Korin 13:1

Na aku kabena meikramtaɨrmo kabena auŋembta kam mbuŋ ndop te, na mbaiŋna aiŋa morena ŋerŋgaurta kam motocmo mboprenan, na aku ndona mamatŋimo minmo neaŋ ŋgocor, anna aku taurna mɨtmɨtna kirar, co, rɨmbɨŋna kirara mɨtmɨt kamainda morena.

1 Korin 13:3

Na aku ndona reikmo muruŋa ndaekpembca eacrena meikramtaɨra neaŋ te, na aku ndomo watcarica meikramtaɨra aukmo aŋgɨca tik auknanmo tac mbuŋa rotaca, aku menac te, anna aku ndona mamatŋimo minmo mba neaŋri, na an reikca mina muruŋa aukmo emtemma mba otacitndai.

1 Korin 13:8

Na an kabenanmo aia ndorita mamatŋi neaŋrena tɨpna kirara, ma mba mac maiitndai. Wanaiŋ ŋgoin! Na Raraŋ Aetaniacna rambca morena ramtaɨrta kambca wiwitirena aiŋ, anna mainande. Na kabena auŋembta kamb puŋ ndoprenanna, ma toco mainande. Na meikramtaɨrta iroar landamŋiar laiŋ toco mainande.

1 Korin 14:29

Na ramoot mbuniŋ, co, mbonkaca ndori tiŋgikca, rambca morena kamb ndopnande. Na ndeida mina an kambmo ritrinande.

1 Korin 14:39

Aintik ne aukna Iesusa rɨpacrena laiplacar, ne rambca morena kammo matau ŋgoinna toŋgoraŋ, na ne kabena auŋembta kam mbuŋa mboprena tɨp kirarmo anna wandɨkca kai tɨk teac.

1 Korin 14:4

Na meacramoota kambmo kabena auŋna kam mbuŋa mboprenanna, ma ndona iro inikca moa gagrarena. Na meacramoota ramma morena kam ndop te, ma Iesusna rɨtɨpaikta meikramtaɨrta tumbunna moa gagrarenan.

1 Korin 15:51

Ainda moca ne warac, aku nenmo iŋgoroca eacrena kam ian ndopna mamoek, na an kamma gaind, aia muruŋa mba menacitndait. Na aia muruŋa ŋgetrikica iro ian ndarunande.

1 Korin 16:22

Na ramoot ianna ma ndona mamatŋimo Kacootmo neaŋ ŋgocor te, ma ŋgocrainandet. Na aina Kacoot, u kɨp!

1 Korin 4:1

Na ne gaind ŋgoinna matau lamŋi, aia Karaisna aiŋna ramtaɨr. Na aia Raraŋ Aetaniacna iŋgorocatna kambta matau raupŋina aiŋap.

1 Korin 7:19

Na tikiŋit katacrena tɨpna kirara anna mana mɨniŋ ŋgocor. Na ramootta tikiŋit katac ŋgocorta tɨp kirara, an toca anna mana mɨniŋ ŋgocor. Na Raraŋ Aetaniacna tɨpna kirara raŋgairenanna, ande anna ndo reac gidik ŋgoin.

1 Korin 8:4

Ainda moca an mɨrpembraraiŋta dawarta outta tɨkrena ŋgoaebca meikramtaɨra ambrena tɨpna kirara, aku anna kammo gaindopnande. Aia lamŋirena, gan tiacarpaikna mɨrpembraraiŋta dawara anna reac gidikca wanaiŋ. Na kabena Raraŋ Aetaniac ianna mac eac ŋgocor. Wanaiŋ. Anna Raraŋ Aetaniac kabe niŋgikca ma ndo eacrena.

2 Korin 12:11

An kam aku mbopatnanna, anna ŋaŋao ŋgoin. Na anna ne ndori, aukmo moa ŋgepca aku gaindopatna. Ne aukna i aŋgɨri ŋgep te, anna tɨp wandoŋ laŋ. Na ne ainda mba mori. Gidik, aku reac ŋgoreac, aintik aku nena an outna, paparuna up aŋgɨrena ramtaɨra, ndorita i aŋgɨ ŋgeprena ramtaɨrta kaŋgaukca mba eacrenanna.

Galesia 5:16

Na aukna kamma gaind, ne Ŋeroŋ Ratmo watcarica, ma nena eteacna tiŋara mo te, ne mba an ŋgauna tɨpemb kirarir bagrara mba raŋgaiitndai.

Galesia 5:22

Aintik Raraŋ Aetaniacna Ŋeroŋ Ratta aimo aoca ŋgepca aimo gaindta tɨpemb kirarir laiŋga monande. Kabena meikramtaɨrmo gidik ŋgoinna matŋiraŋ, ainta weperaina tɨp kirar aŋgɨca, nikinik iro wetwetna tɨp kirara mo te, makukarta inikca u matau wɨtɨki gagraca eacraŋnande. Te, meikramtaɨrmo ndiara mo te, tɨp laŋa mo te, tɨp laŋna kirarmo wandoŋa mo taŋraŋ te, tɨp gidikca mo.

Galesia 6:3

Na ramoot ianna mana i aniaca wanaiŋ, ma ndomo i aniac ndop te, ma paparu ŋgoin, ma ndomo paruapekna.

Epesus 3:4

Na ne an kamma wat te, ne gaind ndamŋinandet. An iŋgoroca eacrena kambca, Karaisa mana aiŋa morenanna, aku matau ŋgoinna lamŋirenan.

Epesus 6:19

Na ne Raraŋ Aetaniacmo digica ma auk motocmo otacna. Na aku toŋgorenanna, ne gainda mbendei, te, Raraŋ Aetaniac aukna upmo kam tɨkna. Te, aku ndona namnaimbca mo iriknan, na iŋgoroca eacrena kam wembaŋ laŋmo aku gidikca wiwiti larunandet.

Kolosi 1:26

Na atu ŋgoinna an kamma iŋgoroca eacrenan, na meikramtaɨra mba lamŋiri. Na mandeaca ma laru raekca tɨkri, Raraŋ Aetaniacna meikramtaɨra lamŋia garacrinan.

1 Timoti 3:16

Na aia matau lamŋirena, Raraŋ Aetaniacna tɨpemb kirarirta kam mɨnɨŋa anna reac aniac ŋgoin. Na an kamma Raraŋ Aetaniaca aimo wandacrenanna gaind, Ma ramootna kirara laruca eacri, meikramtaɨra mamo watri. Na Ŋeroŋ Ratta mana tɨpna kirar wandoŋmo wandacrina, ma wandoŋ ŋgoin, na Raraŋ Aetaniacna mbaiŋna aiŋa morena ŋerŋgaura mamo watri. Na meikramtaɨra mana kammo gan tiacarpaikna pitrik waŋna meikramtaɨrmo wiwitirinan, ri, gan tiacarpaiknanda marɨpacat. Na Raraŋ Aetaniaca mamo tamuŋna auŋ naaŋgɨca gaca, ma memetacapa i aniac maaŋgɨat.

1 Ion 4:8

Na Raraŋ Aetaniac ma an mamatŋina tɨpna kirarna mɨnɨŋ. Aintik ramootta kabena meikramtaɨrmo mba matŋirenan, ma Raraŋ Aetaniacmo mba lamŋirenanna.