1 Ion 4:4 - Raraŋ Aetaniacna Kam Wembaŋ Laŋ

⁴ Na aukna nuik teker, ne Raraŋ Aetaniacnan, na ne an paparuna rambca morena ramtaɨrmo, moa irikrinan. Na an Ŋeroŋa nenap eacrenanna, ma an ŋeroŋa gan tiacarpaik inikna ramtaɨrap eacrenanmo kundrinan.

1 Ion 4:4 ပူးပေါင်းရင်းမြစ်များ

Ion Tiratna Kam Wembaŋ Laŋ 12:31

Na mandeaca Raraŋ Aetaniaca gan tiacarpaikna meikramtaɨrta tɨpemb kirarirmo ritri waparaca monandet. Na mandeaca ma gan tiacarpaikna bubuocrena ramoot paŋanmo ma mo kecarinandet.

Ion Tiratna Kam Wembaŋ Laŋ 14:30

“Na aku nenmo kamb wɨt anikca mba mbopit, gan tiacarpaikca bubuocrena ramoot paŋanna makɨpek. Na ma aukmo reac ianna mona gargar ŋgocor,

Ion Tiratna Kam Wembaŋ Laŋ 16:11

Na Raraŋ Aetaniacna ritri waparacna mɨnɨŋa gaind, gan tiacarpaikca bubuocrena ramoot paŋan, Raraŋ Aetaniaca manmo ritri waparaca moatke, ma manmo moa irikrinan.

Ion Tiratna Kam Wembaŋ Laŋ 17:23

Na aku minap eacrenan, na u aukap eacrenan, na an tɨpna kirara aku toŋgorinanna, mina nikinik iroara kabe ndeacna. Ainda mo te, gan tiacarpaikna meikramtaɨra lamŋinandet, u ndo aukmo mbagɨrica aku kɨprinan, na u aukna an meikramtaɨrta wiwitmo toŋgorenan, na an tɨpna kirar kabea u aukmo matŋirina.

Pola Romnandmo Tiratna Timbiŋ Rapar 8:31

Ainda moca aia Raraŋ Aetaniaca moatna an reikmo aia kaina kam ndopit? Na Raraŋ Aetaniaca aimo otac te, mandaia ndo aimo ndona puŋndamootta moit?

Pola Romnandmo Tiratna Timbiŋ Rapar 8:37

Te, Karais ma ndona mamatŋi aniaca aia tɨkca eacrena, mindacniŋ, titocna reacna makuk ianna ai ndaru te, aia memetmbaca an reaca mo irikna mɨn.

1 Korin 2:12

Na aia gan tiacarpaikna ŋeroŋa mba aŋgɨri. Wanaiŋ. Na aia Raraŋ Aetaniacna Ŋeroŋ kɨprenan aŋgɨrinan, na ma aimo Raraŋ Aetaniacna toŋgoca wanaiŋa neaŋrena reikmo muruŋcamiŋ ŋgoinna wat garacna moca.

1 Korin 6:13

Na meikramtaɨr ndeida gaindoprena, “Amna reac anna nikinikca moca mɨnna tɨkrena, na nikinikca anna amna reac aŋgɨrena.” Na an kamma anna gidik, na aku gaindopnandet, Raraŋ Aetaniac, ma aintocna amta reikmo ma aina tikembap mo kecarinande. Na aina tikembca anna meacramootna kaŋtertaapna tɨp kirar ŋgoreaca mona reaca wanaiŋ. Wanaiŋ ŋgoin. Na tikca anna Kacootnan. Na Kacootta ma tiknan.

2 Korin 4:4

Na Ramoot Mbɨkca, ma gan tiacarpaikna mɨrɨpraraŋ, na ma ndo an rɨpac ŋgocorta meikramtaɨrta iroarmo moa mboraca, Karaisna kam wembaŋ laŋna i aniaca mina iroar inkara mbukna toawanaiŋ. Aintik mina Karaisna inpaŋanna ninikmo mba watca rapacrena, ma Raraŋ Aetaniacna ninik.

2 Korin 6:16

Na titoca tɨkca aia Raraŋ Aetaniacna Kac ratapa mɨrpembraraiŋta kacmo aŋgɨca maniŋmo tumbunna tɨkit? Na aia lamŋirena, aia ndori aia iarwarna eteacna watapna Raraŋ Aetaniacna Kac ndeacrena, na atua Raraŋ Aetaniaca gaindopatna, “Aku nenap eacnande, na aku nenap nena rɨkca nenap taŋraŋnandet. Na aku mina Raraŋ Aetaniaca eacraŋnandet, na mina aukna meikramtaɨra eacnandet.”

Epesus 2:2

Ainda moca an mɨnna ne gan tiacarpaikna tɨpemb ŋgorikca raŋgaica taŋrena. Na ne riac tamuŋna ŋerŋgaur ŋgorikta ramoot paŋanna tɨpemb kirarira raŋgairenan. Na an ŋeroŋna gargara mandeaca ma meikramtaɨra Raraŋ Aetaniacna kammo nda ipuŋrenanmo, mina nikinik iroar inkarmo aiŋa morenan.

Epesus 3:17

Na nena rɨtɨpaik puŋga Karaisa ma nena nikinik iroar teacnandet. Na kabena meikramtaɨrmo matŋirena tɨpemb kirarira, nena nikinik iroarmo mbuki mɨnna tɨk te, ne gagraca wɨtɨkca eacnandet. Na anna ma gaind, tiacarpaikca ikna iacnduk utiŋa, ikca moa gagaraca wɨtɨkca eacrena kirar toc.

Epesus 6:10

Ainda moca mandeaca aku ndona kambmo gainda mamaina mamoek, na ne Kacootmo mamɨkri. Aintik ne mana gargar aniacna ndamŋiraŋ te, ne gagaraca wɨtɨknande.

1 Ion 2:1

Ne aukna mombonik, gan kamma aku nena moca tirrina kam, ne tɨpemb ŋgorikta makukara mba mo taŋraŋitndai. Na ramoot ianna tɨp ŋgoreacna makukca mo te, aimo Otacna Ramootta Raraŋ Aetaniacap maeacreke, ma aina paŋanna wɨtɨkca aimo bubuocraŋnande. An ramoot, ma tɨpemb kirarir wandoik laiŋga morena ramoot. Mana ia Iesus Karais.

1 Ion 2:13

Ri, ne ater, ne an ramootmo ne matau ŋgoin ndamŋirena, ma atu ŋgoinna ramoot, ma maeacreke. Ainda moca aku nena moca an kamma tirca neaŋgapekna. Na ne ramtaɨr ŋgaibca ne Ramoot Ŋgoreacmo kɨtaca mairikri. Aintik aku nenmo an kamma tirca neaŋgapekna. Na ne mombonik, ne ndorita Aetmo ne mataua lamŋirena, aintik aku nenmo an kamma tirca neaŋgatna.

1 Ion 3:24

Na ramoot ianna Raraŋ Aetaniacna kamma raŋgai te, ma Raraŋ Aetaniacap mɨkrinan, na Raraŋ Aetaniaca manap mɨkrinan. Na Raraŋ Aetaniaca aimo Ŋeroŋ Ratta neaŋrinan, na an Ŋeroŋa aimo gainda wandacrinan, Raraŋ Aetaniaca aiap eacrena.

1 Ion 4:13

Na aia lamŋirinan, aia manap mɨkrenan, na ma aiap mɨkrenan, aintik ma aimo ndona Ŋeroŋ neaŋrina.

1 Ion 4:16

Ainda moca aia lamŋirena, na aia ainda gagraca rɨpacrina. Na Raraŋ Aetaniaca ma aimo matŋirenan ŋgoin, na mana an tɨpna kirara ma aina eteacna watap eacrenan. Na ma ndo ŋgoinna ma kabena meikramtaɨrmo mamatŋina mɨnɨŋ. Na ramootta kabena meikramtaɨrmo mamatŋirenan, ma Raraŋ Aetaniacap mɨkrinan, na ma manap mɨkrina.

1 Ion 4:6

Na aia Raraŋ Aetaniacnan, na meikramtaɨra Raraŋ Aetaniacmo lamŋirenan, mina aina kammo waracrena. Na ramootta Raraŋ Aetaniacnanna wanaiŋ, ma aina kammo mba waracitndai. Na an tɨpna kirara mbuŋa aia kam gidikna Ŋeroŋmo lamŋinandet, na paparuna ŋeroŋ motocmo lamŋinandet.

1 Ion 5:19

Na gan tiacarpaikca Ramoot Ŋgoreacna gargarna kaŋgauk ndeacrena. Aintik aia lamŋirena, aia wanaiŋ, aia Raraŋ Aetaniacna mombonik.

1 Ion 5:4

Aintik meikramtaɨra muruŋa Raraŋ Aetaniacna mombonik tarurenan, mina gan tiacarpaikna gargarmo kɨtac iriknande. Ainda moca aia Raraŋ Aetaniac niŋgikca rɨpac, an taup mbuŋa aia gan tiacarpaikna gagrarmo ruŋi kɨtaci irikca, kunda tamuŋ ŋgoin ndeacnande.

KIEK 12:11

Na aina laiplacara manmo Sipsip Nuocna racaindpaikapa, kam wembaŋ laŋ gidik mbuŋmo, wiwitia gagraca manmo moa irikrinan. Na mina menacna moca mba nduri, mina ndorita eteacna wat kecarina rugutta mba morenanna.