1 Ion 3:14 - Raraŋ Aetaniacna Kam Wembaŋ Laŋ

¹⁴ Na aia kabena meikramtaɨrmo matŋiraŋ, ainda moca aia lamŋirena, aia memenacna tɨpna kirara aia tɨkcamacariri, na aia iarwarna eteacna watna tɨpna kirar ndeacrena. Na ramootta Iesusa rɨpacrena laiplacarmo matŋi ŋgocor, ma memenacna tɨpna kirara maeacreke.

1 Ion 3:14 ပူးပေါင်းရင်းမြစ်များ

Matiu 25:40

“Te, an gagrirta ramoot paŋanna mina kammo gainda rutica aindopnandet, ‘Aku nemo gidik ŋgoinna aindopnande, an reikca ne aukna iremb kocorta laipitikta ianna morinanna, an reikca ne muruŋa aukca morina.’

Luk Tiratna Kam Wembaŋ Laŋ 15:24

Aukna gan nuoc, ma menacrina ramoot, mandeaca ma ndona wat ŋgam mac nda maaŋgɨca. Ma taŋga iŋgorocarica eacrenan, ma mac nda kɨpca malaruri.’ Mana aetta aindopacarica, mina amtiam aniaca moca amba toŋgoca weraica eacrina.

Luk Tiratna Kam Wembaŋ Laŋ 15:32

Aintik aia manapmo toŋtoŋ weperai aniaca morena, na manmo gan amna reac aniaca moapekna, na una lapmbitaca ma taŋga menacrina ramootna kirar, mandeaca ma wat ŋgam mac nda maaŋgɨri, mataŋga iŋgoroca eacrenanna, mandeaca aia mamo orea maaŋgɨri.’”

Luk Tiratna Kam Wembaŋ Laŋ 7:5

Ma aimo Iudana meikramtaɨrmo toŋtoŋ ŋgoinna moca, ma aina Iudananta mimitpac aŋgɨrena kaca otaca morina.”

Ion Tiratna Kam Wembaŋ Laŋ 13:35

Na ne kabe, kabea aukna wiwitna meikramtaɨr motocmo, mataua matŋi te, anna meikramtaɨrmo muruŋa wandacnandet, ne aukna iŋa raŋgairena ramtaɨr.”

Ion Tiratna Kam Wembaŋ Laŋ 15:12

Na aukna tɨp wandɨkca ma gaind, ne kabe, kabea ne kabena meikramtaɨrmo matau matŋi, na an tɨpna kirara aku nenmo matŋirenan.

Ion Tiratna Kam Wembaŋ Laŋ 15:17

Na aku nenmo gagraca mambopek. Ne kabe, kabea kabena meikramtaɨrmo matŋiraŋ.”

Ion Tiratna Kam Wembaŋ Laŋ 5:24

“Na aku nemo gidik, gidik ŋgoinna aindopnande, ramootta aukna kambca waracrenan, na Aetta aukmo mbagɨrica kɨprinanmo rɨpac te, ma iarwarna eteacna watapmo memetmbaca eacraŋnandet. Na ma ritri waparac ŋgocor, na ma memenacmo tɨkcarica ma eteacna watap eacrenan.

2 Korin 5:1

Na aia gaind ŋgoinna mataua lamŋia maiatna. Na gan tiacarpaikna Ndam waŋna kaca mandeaca aia an ndeacrenan, na ma ŋgocrai te, anna laŋ aia kac ianap, Raraŋ Aetaniac ma aimo neaŋnande, ma tamuŋna auŋ maeacreke. Na an kacmo ramtaɨra ndorita paɨr puŋga mba moatke. Anna ma tamuŋna auŋ maeacreke, na ma iarwara eacraŋnande.

Galesia 5:22

Aintik Raraŋ Aetaniacna Ŋeroŋ Ratta aimo aoca ŋgepca aimo gaindta tɨpemb kirarir laiŋga monande. Kabena meikramtaɨrmo gidik ŋgoinna matŋiraŋ, ainta weperaina tɨp kirar aŋgɨca, nikinik iro wetwetna tɨp kirara mo te, makukarta inikca u matau wɨtɨki gagraca eacraŋnande. Te, meikramtaɨrmo ndiara mo te, tɨp laŋa mo te, tɨp laŋna kirarmo wandoŋa mo taŋraŋ te, tɨp gidikca mo.

Epesus 1:15

Na aku waracrina kamma ne Kacoot Iesusmo matau ŋgoinna rɨpacrena, ainda moca ne ndorita mamatŋimo, Raraŋ Aetaniacna meikramtaɨrmo muruŋcamiŋa neaŋrena.

Epesus 2:1

Na ŋgaua ne ainta mitkara moca ne tɨpemb ŋgorikta makukarap, na anna ndo nenmo moca ne menacrina meikramtaɨr toc ndeacrina.

Kolosi 1:4

Na aŋga nena kambca waracrinanna, ne Karais Iesusa rɨpacrenanapa, Raraŋ Aetaniacna meikramtaɨrmo matŋirena. Na an reac laŋa, ne lambirenanna Raraŋ Aetaniaca nemo larapacrinanna, ma nenanmo tamuŋna auŋmo wembaca eacrena. Na outta ne an Iesus Karaisna kam wembaŋ laŋa waracrinanna, na ne an kam gidikmo rɨpacrinan, na anna kam wembaŋ laŋ. Ainda moca ne Iesus Karaismo matau ŋgoinna rɨpacrenan, na Raraŋ Aetaniacna meikramtaɨrmo, muruŋcamiŋmo nikinik iroar wewetarmo neaŋrenan. Na gan tiacarpaik muruŋna auŋembta meikramtaɨrmo, mina gan kam wembaŋ laŋmo wiwitirena, na meikramtaɨr wɨtta rɨpaca raŋgairinan, na mina tɨpemb kirarir toco laiŋ ndarurinan. Na an ra ŋgoinna, ne Raraŋ Aetaniacna kakadmaina opotacna kam wembaŋ laŋna kamma waracri, na ne manmo mataua lamŋiatnan, ainta tɨpna kirara nena rɨk ndarurina.

1 Tesalonika 4:9

Na aku nenmo Raraŋ Aetaniacna Iesusa rɨpacrena laiplacara matau matŋina kam ianna mba mac mbopit, co, tiritndai, anna Raraŋ Aetaniaca an tɨpemb kirarira nenmo ŋgaua riptia mamaiat.

Iburu 13:1

Na ne Iesusa rɨpacrena laiplacara, ne kabena meikramtaɨrmo matŋia minmo toŋgoraŋ.

1 Pita 1:22

Na ne kam gidikmo matau ŋgoinna raŋgairi tik, an tɨpna kirar mbuŋa ne ndorimo ainda moatke, Raraŋ Aetaniacna lamnɨac ŋgoutmo rat ndarurina. Na Iesusa rɨpacrena laiplacar, ne minmo matŋiraŋ. Aintik mandeaca ne gagaraca nikinik iroar laiŋgap minmo memetmbaca matŋiraŋ.

1 Pita 3:8

Na mandeaca aku an kammo gainda maina mamoek, ne muruŋcamiŋa nikinik iro kabe eac te, ne Iesusa rɨpacrena laiplacarmo gidik ŋgoinna matŋiraŋ, na ne kabena meikramtaɨrmo kadmairaŋ, na paŋan garurna tɨpemb kirarirmo tɨkcari.

2 Pita 1:7

Na ne Raraŋ Aetaniacna kabena meikramtaɨrmo aikora mona tɨpna kirarmo raŋgairaŋ. Na an tɨpna kirarmo mo laruna gagraca, ma nemo moca ne Raraŋ Aetaniacna tɨpna kirar mbuŋa taŋraŋnandet. Na ne kabena meikramtaɨrmo matŋirena tɨpna kirarmo ne aŋgɨ, na an tɨpna kirarmo mo gagra, te, ne aikor gidkar tarunandet.

1 Ion 2:3

Aia Raraŋ Aetaniacna tɨpembmo matau raŋgai te, aia aind ndamŋinande, aia mamo mataua malamŋireke.

1 Ion 3:23

Na mana kamma gaind. Aia mana Nuoc Iesus Karaisna i mbuŋa rɨpacraŋ, na kabe, kabea kabena meikramtaɨrmo matŋiraŋ, na an kirara ma aimo mbopatna.

1 Ion 4:12

Na ramoot ianna Raraŋ Aetaniacmo mba watreke. Na aia kabena meikramtaɨra matŋi te, Raraŋ Aetaniaca ma aiap mɨkraŋnandet, na mana an kabenanmo matŋirina tɨpna kirara, ma aina eteacna watna inikca laruca wandoŋ niŋgik.

1 Ion 5:13

Na ne Raraŋ Aetaniacna Nuocna i mbuŋa rɨpaca utiŋrena meikramtaɨra, aku gan kamma nena moca tirrina, nemo anna wati rapacna moca, na an iarwarna eteacna watta ne maaŋgɨri.

1 Ion 5:2

Te, aia Raraŋ Aetaniacmo matŋica mana tɨpemb wandikmo mataui raŋgai te, an kirarir puŋga, aia ndorimo lamŋi rapacnande, aia Raraŋ Aetaniacna mombonikmo mataua matŋica maraupŋireke.