1 Ion 1:6 - Raraŋ Aetaniacna Kam Wembaŋ Laŋ

⁶ Na aia ndorimo gaindop te, “Aia manap mɨkrena ramtaɨr,” na aina morena tɨpembca laiŋga wanaiŋ, na an kambca aia mbopapeknanna, aia neaupna inikca taŋrena ramtaɨrta kirarir koind. Anna aia tɨp gidik ŋgoinna mba moapeke. Aia an kammo parurenan.

1 Ion 1:6 ပူးပေါင်းရင်းမြစ်များ

Matiu 7:22

Na ritri waparacna ra, meikramtaɨr wɨt aniaca aukmo gaindopnande, ‘Kacoot, Kacoot, aia una i mbuŋa aia ramma morena aiŋa morina, na una i mbuŋa aia ŋerŋgaur ŋgorikca moca kecaririna. Na una i mbuŋa aia ŋgagatracar wɨtta morinan.’

Ion Tiratna Kam Wembaŋ Laŋ 11:10

Na ramootta mouŋa taŋ te, ma irikrenan, an kɨdrɨkca ma memetaca metac watna tac ŋgocor.”

Ion Tiratna Kam Wembaŋ Laŋ 12:35

Karica Iesusa minmo aindopatna, “Tekemmotemma memetaca nenap eacnandet. Na mandeaca ne memetacap eacrenan, aintik ne memetac mbuŋa taŋraŋ, moca neaupa nenmo wɨŋ kɨtac nari. Na ramootta neaupa taŋrenan, ma mba lamŋirena, ma tenna taŋrena.

Ion Tiratna Kam Wembaŋ Laŋ 12:46

Na aku gan tiacarpaikmo memetac nakirar toco kɨprina, te, meikramtaɨra muruŋa aukmo rɨpacrenan, mina neaupa mba eacitndai.

Ion Tiratna Kam Wembaŋ Laŋ 8:12

Karica Iesusa meikramtaɨrmo gaind mac mbopatna, “Aku ndo gan tiacarpaikna memetac. Na ramootta aukmo raŋgai te, ma neaupa mba taŋitndai. Ma iarwarna eteacna watna memetacap.”

Ion Tiratna Kam Wembaŋ Laŋ 8:55

Na ne manmo mba mataua lamŋirenanna. Na aku ndo manmo lamŋirena. Na aku aindop te, ‘Aku manmo mba lamŋireke,’ te, aku nen toca paparuna ramoot ndarunandet. Na aku manmo lamŋirina, na mana kammo aku matau ŋgoinna raŋgairena.

1 Timoti 4:2

Na ainta ririptiar, mina kɨrpaina mim mbuŋa meikramtaɨrmo an paparuna kambca ripti mbopnande. Te, an meikramtaɨrta iroara moi paurinandet, te, mina ndori puŋga morina tɨpemb ŋgoriktake, mba garacitndait.

Iemis 2:14

Na aukna Iesusa rɨpacrena laiplacar, meacramoot ianna aindop te, “Ma Karaismo rɨpacrenan.” Na ma tɨp kirar laŋa mba morenan. Te, mana rɨtɨpaca anna reac wanaiŋ. Na ainta rɨtɨpaca manmo mac nda aŋgɨna mɨn ki? Toawanaiŋ.

Iemis 2:16

na nena ianna manmo aindop te, “U nikinik iro wetwet ndeac. Na u taŋca tik ŋgapaoc tɨkca una tikmo aŋgɨ kɨtac, na u taŋca amna reac aŋgɨca am.” Te, an kamma manmo titoc ŋgotacit? Ne ndori, manmo tik ŋgapaocapa, amna reaca manmo neaŋ te, anna ndo mana tikmo otacnandet.

Iemis 2:18

Na meacramoot ianna aindop te, “Ramtaɨr ndeida mina rɨpacrenan, na ramtaɨr ndeida mina tɨpemb kirarir laiŋga morenan.” Ainda moca aku an kammo ainda rutina mamoek, “Na u toco rɨpacrenan, na u tɨp kirar laŋa mba morenanna, ainda mo te, aku una rɨtɨpaca titoc ndamŋit? Na aku ndo aku tɨp kirar laŋa monandet, na anna ndo aukna rɨtɨpaca unmo wandacnandet.”

1 Ion 1:10

Na aia ndorica aia gaindop te, “Aia tɨp ŋgoreacna makukca mba morenanna.” Te, an kamma ndo Raraŋ Aetaniacna kammo paparu ndopnandet. Na aia ainda mo te, Raraŋ Aetaniacna kam gidikca aina iroar inkara mba eacreke.

1 Ion 1:3

Ainda moca aia watri, waracrina kamma, aia nen motocmo, an kamma wiwitia mboprena. Nenmo aŋgɨca aia ndoriap aŋgɨri tumbunna tɨkca iro kabea moca Raraŋ Aetaniacapa, mana Nuoc Iesus Karaisap eacna.

1 Ion 1:8

Na aia ndorimo aindop te, “Aia tɨpemb ŋgorikta makukar kocor,” na an kam gidikca aina iroar inkara eac ŋgocor, anna aia ndorita iroar inkar puŋga paruapekna. Na kam gidikca aina iroar inkara mba eacreke, wanaiŋ ŋgoin.

1 Ion 2:4

Na Ramoot ianna aindop te, “Aku Raraŋ Aetaniacmo mataua lamŋirenan.” Na ma ndona tɨp ianna matau raŋgai ŋgocor te, an ramootta ma paparuna ramoot ŋgoin. Kam gidikca mana iro inikca mba eacreke, wanaiŋ ŋgoin.

1 Ion 4:20

Na ramoot ianna aindop te, “Aku Raraŋ Aetaniacmo mamatŋi ŋgoin,” na ma ndona laiplacarmo mba matŋirenanna, te, an ramootta ma paparuna ramoot. Na ramoot ianna Raraŋ Aetaniacmo mba watatke. Ainda moca ramootta an meikramtaɨrmo ma minmo watrinanna, na ma minmo matŋi ŋgocor, te, an Raraŋ Aetaniaca ma wat ŋgocortanmo, ma manmo mba matŋiitndai.