Tito 3:13 - U Maganda A Baheta Ni Jesu-Cristo

¹³ Gimitán moy u makaya moy para matulungan di Apolos sakay ti Senas a abugadu tánni makapaghektat hide ti mabilis. Siguraduwán mo a awan hide magkulang tu atanan a kailangan de.

Tito 3:13 ပူးပေါင်းရင်းမြစ်များ

Mateo 22:35

Sakay essa nide a malalaki tu Kautusan, u nagtanung ni Jesus para purbaan siya.

Lukas 10:25

Nadid, immadene ni Jesus u essa a maisto nu Kautusan tánni purbaan siya, “Maisto,” kagi na, “Ánya u dapat ko a gimitán tánni magkahodák ti biyag a awan ti kahád?”

Lukas 11:45

Kinagi nu essa tu maisto hide nu Kautusan, “Maisto, ti kinagi muwe ay pati hikame ay ininsulto mo.”

Lukas 11:52

“Kakagbi kam maisto hide nu Kautusan! Inatádden kam ti tungkulin a ipangaral u upos nu Diyos, pero awan moy la impangaral dipo awan kam maniwala nikuna nan bawalan moy pabe u tolay hide a masoh a maniwala.”

Lukas 14:3

Kaya tinanung ni Jesus u Pariseo hide sakay u maisto hide nu Kautusan, “Kontara beman tu Kautusan u magpapiyya tu Aldew nu Káimang oni awan?”

Lukas 7:30

Pero u Pariseo hide sakay u maisto hide nu Kautusan ay timmanggi tu kagustuwan nu Diyos tu biya-biyag de, dipo umád de a nagpabawtismo ni Juan.

Gimet 15:3

Kanya pinahektat ngane nu mánnampalataya hide di Pablo. Tu káhhoyot de ti Fenicia sakay ti Samaria ay imbaheta de tu kákkapatkákka hod a makpal dán a mánnampalataya a Hentil. Minasaya u mánnampalataya hide ti bahetaan itod.

Gimet 18:24

Tehhod a dimmemát a essa a Judio ti Efeso a Apolos u ngahan na, neenak siya ti Alejandria sakay malalake siya a magupos sakay makpal siya a tukoy tu Banal a Kasulatan.

Gimet 19:1

Mentaras katoy palla ti Apolos ti Corinto ay linakad be ni Pablo u mabuke-buked a lugar tu prubinsiya hanggan a nakademát siya ti Efeso. Netan na hod u sangan a mánnampalataya.

Gimet 21:5

Nikuna a dumemát dán u aldew a kállakad me ay nagtulos-tulos kame dán tu págbiyahe me. Intugán di kame a atanan hanggan tu luwas nu banuwan, kaguman de u kákkabanga de sakay u anak de hide. Káddemát me tu bihebi nu diget ay limmuhud kame sakay nagdasal.

Gimet 28:10

Inatádden di kame ti makpal a regalo. Sakay nikuna maghektat kami dán ay indátton de tu abeng u kailangan mi hide.

Roma 15:24

asaan ko a mamágketa-keta kitam nadid. Tamuwák hina káangay ko ti Ispanya. Sakay tukoy ko a magin masayaák tu pamagketa tam maskin sabadit la a panahun. Asaan ko be a matulunganák moy tu káangay ko ti Ispanya kággábwat ko hina.

1 Corinto 16:11

Dyan moy siya imemenos. Nan tu kállakad na ay tulungan moy siya tu kailangan na hide tánni makasole he siya nikán a tehhod a kapayapaan. Dipo áuhayán ko siya sakay tu kákkapatkákka tam hide.

1 Corinto 16:12

Tungkul be tu kapatkákka tam a ti Apolos mahigpit ko siya a pinákpágguhunan a bumisita hina, kaguman nu kákkapatkákka hide, pero awan kan palla siya hina makaangay nadid. Pero ni tehhod kan a pagkakataun ay bumisita siya hina.