Tito 3:11 - U Maganda A Baheta Ni Jesu-Cristo

¹¹ Dipo tukoy mu dán a ina a tolay ay madukás sakay makasalanan. U kasalanan na i mangpatunayay a dapat siya a maparusaan.

Tito 3:11 ပူးပေါင်းရင်းမြစ်များ

Lukas 19:22

Kinagi nu hare nikuna, ‘Madukás ka a utusan! Hatulan taka tu kinagi mo. Tukoy mo bál a mahigpiták, áalapán ko u bakán ko a kao sakay áaniyán ko u bakán ko a inmula!

Lukas 7:30

Pero u Pariseo hide sakay u maisto hide nu Kautusan ay timmanggi tu kagustuwan nu Diyos tu biya-biyag de, dipo umád de a nagpabawtismo ni Juan.

Juan 3:18

U maniwala nikuna ay awan mahatulan a maparusaan, pero u awan maniwala nikuna ay nahatulan dán, dipo siya ay awan maniwala tu kaessa-essa a Anak nu Diyos.

Gimet 13:46

Pero tunay ti begsák u isip di Pablo sakay ti Bernabe a nagupos, “Dapatay ay hikam pa u purumero me a pángpakapospusan tu Upos nu Diyos. Pero dipo awan moy tinanggap iye, impeta moy a awan kam karapat-dapat tu biyag a awan ti kahád, kanya angay kame dálla mangaral tu bakán hide a Judio.

Gimet 15:24

Nabaheta me a angen kam lálligaligán nu agum hide a kakagumanan tam a gábwat he, maski awan me hide inutusan a mángkagi nikam ti konna hod.

Gimet 23:25

Sakay nagsulat u kapitan ni gobernador Felix ti konna he:

Roma 3:19

Nadid, tukoy tamon a atanan a kinagi tu Kautusan ay para nikitam a Judio hide a sakup nu Kautusan, tánni awan ti me dahilan u ti deyaman a awan siya dapat maparusaan. U atanan a tolay ti munduway ay managut tu Diyos.

2 Timoteo 2:14

Ipaalaala mo nide i bagayan hidenye, sakay pagkagiyan mo hide tu pamamag-itan nu ngahan nu Diyos. A dyan hide mákpagtábbegan tu awan hide ti kabuluhan. Awan ti meatad a maganda iye hide a gimet, nan iye u mangsida tu pánnampalataya nu tolay hide a mágsaneg.

Tito 1:11

Kailangan a pugáddán mo hide ti gággimitán diyan iye, dipo sássidaán de u bawat pamilya tu pamamag-itan nu itattoldu de a awan dapat a itoldu. Gággimitán di iye para la a magkahod hide ti pilak.

Tito 1:14

sakay dyan dán hide mágsaneg tu bida nu Judio hide a awan ti pinagseserbiyan oni tu toldu nu tolay hide a immadág tu tatahoden.

Hebreo 10:26

Dipo ni tulos-tulos kitam palla a maggimet ti kasalanan, maski ni natukuyan tamon sakay natanggap u tatahoden ay awan dán ti mealay para tu kapatawaden nu kasalanan tam.