Tito 2:15 - U Maganda A Baheta Ni Jesu-Cristo

¹⁵ Itoldu mo iye hide a atanan sakay kagiyan mo hide a sunudán di iye. Te kapangyariyan ka a pagkagiyan hide ni kailangan kaya dyan mo pabayan a tehhod a mángmemenos niko.

Tito 2:15 ပူးပေါင်းရင်းမြစ်များ

Mateo 7:29

Dipo nagtoldu siya nide a te kapangyariyan bakán a konna tu mágtoldu hide tu Kautusan ni Moises.

Markos 1:22

Nagtaka u tolay hide dipo magtoldu siya nide a te kapangyariyan, bakán a konna tu maisto hide nu Kautusan ni Moises.

Markos 1:27

Nagtaka u atanan, kanya namágtanungan hide, “Ánya iye? Bigu a toldu? Mautusan na pate u mágkadukás hide a ispirito sakay sumunud be nikuna.”

Lukas 4:36

Nagtaka hide a atanan kaya namágtanungan hide a kinagi de, “Ánya wád iye a kakalase a pággupos? Makapangyariyan sakay mabisa. Paibután na u madukás a ispirito sakay sumunud be hide tu kagiyán na!”

1 Corinto 16:11

Dyan moy siya imemenos. Nan tu kállakad na ay tulungan moy siya tu kailangan na hide tánni makasole he siya nikán a tehhod a kapayapaan. Dipo áuhayán ko siya sakay tu kákkapatkákka tam hide.

1 Timoteo 5:20

Pero nite pinuno a tulos-tulos a mággagimitán ti kasalanan ay pagkagiyan mo tu atubang nu kakpalan, tánni meántingan u agum a maggimet ti kasalanan.

2 Timoteo 4:2

ipangaral mo u upos nu Diyos maski ánya a pagkakataun. Akitán mo u tolay hide, pagkagiyan sakay pabegsákkán u isip de tu pamamag-itan nu matiyaga mo a págtoldu nide.

Tito 1:13

Tama u kinagi na, kanya pagkagiyan mo hide ti mahigpit tánni mabiyag hide ti tama ayun tu pánnampalataya de,

1 Pedro 4:11

Ni tagapangaral u kaluub mo ay ipangaral mo u upos nu Diyos. Ni tagapagserbi u kaluub mo ay gamitán mo u begsák mo tu págserbi a inyatád niko nu Diyos tán puriyán de u Diyos tu pamamag-itan ni Jesu-Cristo. Kao nu Diyos u kapangyariyan sakay u karangalan hanggan-hanggan. Amen.