Tito 1:15 - U Maganda A Baheta Ni Jesu-Cristo

¹⁵ Malinis u atanan a bagay tu tehhod a malinis a isip, pero tu mágkadukás sakay tu awan mánnampalataya ay awan ti bagay a malinis dipo madangát u konsensiya sakay u pággisipan de hide.

Tito 1:15 ပူးပေါင်းရင်းမြစ်များ

Mateo 15:18

Pero u madukás a upos ay gábwat tu makasalanan a puso ay itod u makapangpadangát tu tolay tu Diyos.

Gimet 10:15

Nasaneg na huway u boses a nagupos nikuna, “Diyan mo ibilang a madangát u bagay hide a inbilang dán nu Diyos a malinis.”

Roma 14:14

Dipo tu pákpágkaessa ko tu Panginoon Jesus, siguraduwák a talaga a awan ti bawal a makan. Pero ni tu akala nu essa a tolay ay bawal u essa a makan, dapat dyan na kanán.

Roma 14:20

Dyan mo sidaán u pánnampalataya nu agum a inligtas nu Diyos dipo la tu pagkain. Atanan a pagkain ay maare a kanán, pero iye ay madukás ni magkasala u iba dipo tu kákkanán mo.

Roma 14:23

Pero u deyaman a kuman a te págduwwa-duwwa ay nagkasala dipo awan ayun tu pánnalig na u gággimitán na. Dipo kasalanan u ányaman a bagay a gimitán tam a awan ayun tu pánniwala tam.

1 Corinto 10:23

Tehhod be a magkagi ti konna he, “Malayaák a maggimet ti maskin ánya a bagay,” pero awan atanan ay makapangatád ti maganda. “Malayaák a maggimet ti maskin ánya a bagay,” pero bakán a atanan ay makatulung.

1 Corinto 10:25

Maare kam a kuman tu maskin ánya a mabale a masida tu tindaan, dyan kamon magtanung ni nealay iye oni awan tánni awan mabalisa u konsensiya moy.

1 Corinto 10:31

Kaya ngane, ni kuman kam sakay uminom oni ányaman u gimitán moy, isipán moy pa ni iye ay makapure tu Diyos.

1 Corinto 8:7

Pero awan atanan ay makatukoy ti iye. U agum ay nasanay ti itod a magsamba tu diyos-diyosan, kaya hanggan nadid, kapag ni kuman hide ti konna he ay u akala de ay alay padi tu diyos-diyosan u kákkanán de. Dipo wad a kulang u karunungan de, kaya mabalisa hide tu buung akala de a nagkasala hide.

1 Timoteo 6:5

Gugusto na be a mákpágtabbegan tu tolay hide a madukás ti pággisipan sakay umád tu tatahoden. U akala de ay dilan u págsunud tu Diyos para yumaman.

Hebreo 10:22

kanya umadene kitam tu Diyos a tehhod a katapatan sakay matibay a pánnampalataya nikuna, dipo nalinis dán nu dige ni Cristo u isip tam a kumán a na ugisan dán u bággi tam tu malinis a dinom.

Hebreo 12:15

Pakabantayan moy a awan adággen nu deya man nikam u pagmahal nu Diyos. Dyan kam magmula ti saket ni isip a makapangpadukás tu agum.

Hebreo 9:14

Pero mas dakál u magimet nu dige ni Cristo! Tu pamamag-itan nu awan ti katapusan a Ispirito ay inyalay na tu Diyos u sadile na bilang alay a awan ti kapintasan. U digi na u manglinis tu puso ay tu isip tam tán adággen tamon u gimet hide a awan ti kabuluhan sakay pagserbiyan tam u Diyos a biyag.