Tito 1:13 - U Maganda A Baheta Ni Jesu-Cristo

¹³ Tama u kinagi na, kanya pagkagiyan mo hide ti mahigpit tánni mabiyag hide ti tama ayun tu pánnampalataya de,

Tito 1:13 ပူးပေါင်းရင်းမြစ်များ

2 Corinto 13:10

Insulat ko iye hide a bagay mentras awanák palla hina, tánni káddemát ko ay awan ko dán kailangan a magpakatapang tu pánggamit tu kapangyariyan a inyatád nikán nu Panginoon. Iye a kapangyariyan ay inyatád na nikán para gamitán tu kapiyyaan moy, bakán a tu kasidaan moy.

1 Timoteo 1:10

tu masássohán hide ti mahalay a biyag. Sakay tu masoh tu kapareho na a lállake, tu mággalap hide ti tolay, tu mágkabule hide sakay tu tumistigu hide ti kakabuliyan. U Kautusan ay nedátton para tu atanan a mangkontara tu tama a adal.

1 Timoteo 4:6

Ni itoldu mo tu kákkapatkákka hide iye hide a bilin ay mahusay ka a tagapagserbi ni Cristo Jesus. Sakay itod u patunay a natolduwan ka tu tatahoden hide tungkul tu pannampalataya sakay tu pamamag-itan nu maganda a adal a sássunudán mo.

1 Timoteo 5:20

Pero nite pinuno a tulos-tulos a mággagimitán ti kasalanan ay pagkagiyan mo tu atubang nu kakpalan, tánni meántingan u agum a maggimet ti kasalanan.

2 Timoteo 4:2

ipangaral mo u upos nu Diyos maski ánya a pagkakataun. Akitán mo u tolay hide, pagkagiyan sakay pabegsákkán u isip de tu pamamag-itan nu matiyaga mo a págtoldu nide.

Tito 2:15

Itoldu mo iye hide a atanan sakay kagiyan mo hide a sunudán di iye. Te kapangyariyan ka a pagkagiyan hide ni kailangan kaya dyan mo pabayan a tehhod a mángmemenos niko.

Tito 2:2

Tolduwan mo u lállakay hide a magin mahinahun, kagalang-galang, mapagpugád ti sadile, matatag ti pánnampalataya, págmahal sakay matiyaga.