Santiagu 5:8 - U Maganda A Baheta Ni Jesu-Cristo

⁸ Konna labe nikitam, dapat kitam be a magtiyaga sakay begsákkan tam u isip tam dipo adene dán a dumemát u Panginoon.

Santiagu 5:8 ပူးပေါင်းရင်းမြစ်များ

Lukas 21:19

Tu pagtiis moy ay magkahod kam ti biyag a awan ti kahád.

Juan 21:22

Timmábbeg ti Jesus, “Ni gustuwán ko a mabiyag siya hanggan tu kássole ko, ay maánya beman niko? Sumunud ka la nikán.”

Roma 8:25

Pero ni umasa kitam tu awan tam áelingan ay uhayán tam ina a tehhod a págtiyaga.

Galacia 5:22

Pero u tolay a mabiyag ayun tu pággiyya nu Banal a Ispirito ay mapagmahal, tehhod a kasayaan, tehhod a kapayapaan, magtággád ti hirap, mabait, maggimet ti maganda a bagay tu agum hide a tolay sakay tehhod a katapatan

Filipos 4:5

Ipeta moy tu atanan a tolay u kabaitan sakay pasensiya moy. Adene dán a dumemát u Panginoon.

1 Tesalonica 1:10

Kinagi di pa a áuhayán moy dán u kássole ni Jesus a Anak nu Diyos a gábwat ti langet a biniyag nu Diyos a huway. Ti Jesu-Cristo u mángligtas nikitam tu pádemát a iyamut nu Diyos.

1 Tesalonica 2:19

Gugusto me a ketan mikam dipo hikam la u dahilan nu kasayaan me sakay hikam be u áasaan me para hikame ay maatadden ti gantimpala. Sakay u kurona a mepagmadakál me tu atubang nu Panginoon kássole na.

1 Tesalonica 3:13

Pabegsákkán na u isip moy tánni manatili kam a banal sakay awan ti kapintasan tu atubang nu Diyos tam a Ama hanggan tu káddemát a huway nu Panginoon tam a ti Jesus, kaguman u pinili na hide.

2 Tesalonica 3:5

Igiya kam nakwa nu Panginoon tán lalo moy a maintendiyan u tungkul tu pagmahal nu Diyos sakay tu tiyaga a gabwat ni Cristo.

Santiagu 5:3

Kinalawang dán u pilak sakay u ginto moy hide, sakay u kalawang a ina u mangpatunay a intagu moy la u kayamanan moy sakay awan moy intulung tu te kailangan hide. Káddemát nu dimodyan a aldew a umatubang kitam tu Diyos, u kalawang nu kayamanan moy u kuman a magsida nikam konna tu pagsida nu apoy dipo ina u mangpatunay a dapat kam a maparusaan. Dipo tu dimodyan a aldew u kayamanan moy la u pinappospos moy.

Santiagu 5:9

Kákkapatkákka ko hide, dyan kamon mamágsidaan tánni awan kam hatulan nu Diyos. Dipo adene dán u pághatul nu Diyos tu atanan a tolay.

1 Pedro 4:7

Adene dán u katapusan nu atanan a bagay; kanya magpugád kam tu sadile moy sakay pirme a tama u pággisipan moy tánni awan ti hadlang tu págdasal moy.

Pahayag 22:20

Kinagi nu Panginoon Jesus a nagpahayag ti atananan iye, “Tatahoden! Pademátták dán!” Amen. Dumemát ka dán nakwa, Panginoon Jesus!