Santiagu 5:7 - U Maganda A Baheta Ni Jesu-Cristo

⁷ Kákkapatkákka ko hide, magtiyaga kam be a maguhay tu káddemát nu Panginoon. Konna tu mágmula a nagtiyaga a maguhay tu uden sakay tu págbunga nu mula na hide.

Santiagu 5:7 ပူးပေါင်းရင်းမြစ်များ

Mateo 16:27

Dipo pademát u Anak nu Tolay a te kapangyariyan a gábwat tu Ama na sakay kaguman na u anghel hide. Ti panahunan itona ay hatulan na u kada tolay ayun tu ginimet na.

Mateo 16:28

Kagiyán ku nikam: te sangan he nikam a awan matay hanggan a awan de ketan u Anak nu Tolay a dumemát bilang Hari.”

Mateo 24:27

Dipo ni kodya magdemlag u kilat ni magginan gábwat ti sikatan hanggan ti sahámman ay konna labe hod u káddemát nu Anak nu Tolay. Ketan nu atanan sakay bigla.

Mateo 24:44

Kaya magin handa kam a pirmi dipo dumemát u Anak nu Tolay tu panahon a awan moy asaan.”

Lukas 18:8

Kagiyán ko nikam, iyatád na a pagdaka u atanan a tulung a agidán tam. Pero káddemát a huway nu Anak nu Tolay ti munduwáy, te ketan pa wád siya a manalig nikuna?”

Lukas 21:27

Ti Panahunan itod ay ketan de u Anak nu Tolay a pasidung tu panganurin a te kapangyariyan sakay grabi a demlag.

Lukas 8:15

Pero u nesabug tu maganda a luta ay u tolay hide a nagsaneg tu upos nu Diyos sakay u náng-asák tu puso de a te katapatan sakay kalinisan. Dipo tu págtiyaga de kaya nagbunga hide.”

Juan 21:22

Timmábbeg ti Jesus, “Ni gustuwán ko a mabiyag siya hanggan tu kássole ko, ay maánya beman niko? Sumunud ka la nikán.”

Juan 21:23

Dipo ti iye ay kimmalat u baheta a awan mata-matay iye a disepulus. Pero awan kinagi ni Jesus a awan siya matay. U kinagi nala ay, “Ni gusto ko siya a mabiyag hanggan tu kássole ko, ay maánya beman niko?”

Roma 15:4

U atanan a nesulat tu Kasulatan tu itod pa a panahun ay nesulat para tolduwan na kitam. Sakay tu pamamag-itan nu Kasulatan ay magin matatag kitam tu pánniwala sakay magkahod kitam ti pag-asa.

Roma 2:7

Atádden na ti biyag a awan ti kahád u tolay hide a magsumikap a maggimet ti maganda, a u gusto de ay maalap u karangalan, papure a gábwat tu Diyos sakay biyag a awan ti kamatayan.

1 Corinto 1:7

Kaya awan kam nagkulang tu ányaman a pagpapala a ispirituwal, mentaras maguhay kam tu kássole nu Panginoon tam a ti Jesu-Cristo.

Galacia 5:5

Pero hikame ay umasa a ibilang nu Diyos a matuwid tu pamamag-itan nu tulung nu Banal a Ispirito sakay tu pánnampalataya me ni Cristo. U katupaden ni iye u pakauha-uhayán me.

Galacia 6:9

Kanya diyan kitam magsawa a maggimet ti maganda tu agum a tolay. Dipo dumemát u aldew a makatanggap kitam ti gantimpala tu awan tam káimang tu pággimet ti maganda.

Colosas 1:11

Idáddasal me be a pabegsákkán nakam nakwa tu tulung nu dakila na a kapangyariyan tánni makatággád kam sakay makapagtiis tu atanan a bagay ate kasayaan.

1 Tesalonica 1:3

dipo kada magdasal kame tu Diyos a Ama tam ay maisip me u maganda moy a gimet a bunga nu pánnampalataya moy ni Jesu-Cristo. Sakay u pághirap moy dipo tu págmahal sakay tu págtággád moy dipo umasa kam a sumole u Panginoon tam a ti Jesu-Cristo.

1 Tesalonica 2:19

Gugusto me a ketan mikam dipo hikam la u dahilan nu kasayaan me sakay hikam be u áasaan me para hikame ay maatadden ti gantimpala. Sakay u kurona a mepagmadakál me tu atubang nu Panginoon kássole na.

1 Tesalonica 3:13

Pabegsákkán na u isip moy tánni manatili kam a banal sakay awan ti kapintasan tu atubang nu Diyos tam a Ama hanggan tu káddemát a huway nu Panginoon tam a ti Jesus, kaguman u pinili na hide.

Hebreo 6:15

Nagtiyaga ti Abraham a naguhay, kanya natanggap na u nepananto nikuna.

Santiagu 4:11

Kákkapatkákka ko hide, dyan kam magupos ti madukás kontara tu kapareho moy a mánnampalataya, u magupos ti madukás sakay maghatul tu kapareho na ay kumontara sakay maghatul tu Kautusan nu Diyos. Ni konna hod ay bakán kamon a tagasunud nu Kautusan nan tagahatul dán.

Santiagu 5:10

Kákkapatkákka ko hide, ahigán tam u prupeta hide a nangaral tu Upos nu Diyos, nagtiyaga hide a nagtiis tu kahirapan de hide.

Santiagu 5:3

Kinalawang dán u pilak sakay u ginto moy hide, sakay u kalawang a ina u mangpatunay a intagu moy la u kayamanan moy sakay awan moy intulung tu te kailangan hide. Káddemát nu dimodyan a aldew a umatubang kitam tu Diyos, u kalawang nu kayamanan moy u kuman a magsida nikam konna tu pagsida nu apoy dipo ina u mangpatunay a dapat kam a maparusaan. Dipo tu dimodyan a aldew u kayamanan moy la u pinappospos moy.

2 Pedro 3:4

Sakay kagiyán de a, “Awan beman nagpananto ti Cristo a dumemát? Hadya ran siya nadid? Nágkatay dán u dáddakál me hide pero awan pade ti págbabagu sapul nikuna a lalangan i munduwáy.”