Santiagu 5:6 - U Maganda A Baheta Ni Jesu-Cristo

⁶ Pinarusaan moy sakay pinabuno u tolay hide a awan ti kasalanan, maskin awan hide linumaban nikam.

Santiagu 5:6 ပူးပေါင်းရင်းမြစ်များ

Mateo 21:38

Pero nikuna netan nu magtrabaho hide u anak ay namagguhon hide, ‘Iye u tagapagmana. Kamon dán! Bunuwán tamon tán makao tam u mana na.’

Mateo 27:20

Pero bago nangyare u págpapili ni Pilato ay sinulsulan dán nu pupuno hide nu saserdote sakay nu pinuno nu banuwan u tolay hide a kagiyán de ni Pilato a ti Barrabas u palayaán sakay ti Jesus ay bunuwan.

Mateo 5:39

Pero kagiyán ku nikam nadid a dyan kam gumante tu tolay a nanggimet nikam ti madukás. Nan ni te mangdapang niko ay ipadapang mu pa u dilupot.

Gimet 22:14

Kinagi na pa a, ‘Pinile ka nu Diyos nu nuno tam hide tán matukuyan mo u kagustuwan na, tán ketan mo u Banal na a Tagapagserbi tánni masaneg mo u boses na.

Gimet 7:52

Ti deya beman a prupeta i awanay pinahirapan nu nunu moy hide? Binunu de u nánghula tu káddemát nu Banal a intokyon moy be sakay impabuno.

Gimet 8:32

Iye u parte nu libro a bábbasaán na: “Kumán siya a essa a tupa a netakda a bunuwán Oni konna tu kordero a awan lumaban maski ni gapasan sakay awan ti kákkagi.

Hebreo 10:38

U matapat ko a tagapagserbi ay mabiyag a tehhod a pánnampalataya, pero ni adággen na u pánnampalataya na, ay awan ko siya kasayaan.”

Santiagu 2:6

Pero bakin a imemenos moy la u mágkahirap hide? Awan beman u mágkayaman hide u mangape-ape nikam sakay mángkaso nikam?

Santiagu 4:2

Tehhod kam a gusto a alapán pero awan moy maalap, kanya maskin mamuno kam basta maalap moy la u gusto moy. Dipo tu pagkasoh moy tu bakán moy a kao kanya pamágdademaan moy. Kanya awan moy maalap u gusto moy dipo awan kam magaged tu Diyos.

1 Pedro 4:18

Konna tu nakasulat tu Kasulatan, “Ni u tolay dán ngane hide a makadiyos ay mahirap a maligtas, itod pa beman wád u tolay hide a makasalanan a awan tumengge tu Diyos?”