Santiagu 5:3 - U Maganda A Baheta Ni Jesu-Cristo

³ Kinalawang dán u pilak sakay u ginto moy hide, sakay u kalawang a ina u mangpatunay a intagu moy la u kayamanan moy sakay awan moy intulung tu te kailangan hide. Káddemát nu dimodyan a aldew a umatubang kitam tu Diyos, u kalawang nu kayamanan moy u kuman a magsida nikam konna tu pagsida nu apoy dipo ina u mangpatunay a dapat kam a maparusaan. Dipo tu dimodyan a aldew u kayamanan moy la u pinappospos moy.

Santiagu 5:3 ပူးပေါင်းရင်းမြစ်များ

Gimet 2:17

Kinagi nu Diyos, ‘Tu dimodyan a aldew, ay iyatád ko u Banal a Ispirito ko tu atanan a klase ni tolay. Ibaheta nu anak moy hide a lállake sakay bábbey u upos ko; sakay maketa ti pangitain u anak moy hide a ulito; sakay u mágkatanda hide a lállake ay magkahod hide ti tagináp.

Roma 2:5

Dipo tu kaigáttan ni ulo moye sakay awan págsise ay padággiyán mula u parusa nu Diyos niko, tu aldew a pángpeta nu Diyos tu iyamut na sakay makatarungan a pághatul na.

2 Timoteo 2:17

Sakay u toldu nu tolay hide a konna he ay kumán a kanser a kumalat tu bággi nu essa a tolay. Kasali he di Himeneo sakay ti Fileto.

2 Pedro 3:3

Dipalongo tu atanan, ay dapat moy a matukuyan a tu dimodyan a aldew ay dumemát u magseste hide sakay sunudán de u mágkadukás de a kagustuwan.

Pahayag 17:16

U sapulo a saduk a netan mo sakay u makaánteng a hayup ay maiyamut tu tanyag a bábbey ti kahalayan. Alapán de u atanan a ari-ariyan na sakay lakaden de siya a eklas. Kanán de u pilas na sakay u mabuhay ay tutudán di pa.

Pahayag 20:15

Ni deya man u awan ti ngahan tu libro a listaan nu tolay hide a inatádden ti biyag a awan ti kahád ay ibut tu malawak a apoy.

Pahayag 21:8

Pero makaánteng u demáttán nu tolay hide a awan nagtiwala ni Jesus dipo tu ánteng de a matay, u awan hide summampalataya, u mágkadangát hide ti gággimitán, u mágbabono hide, u mángngibábbey oni mángngilállake hide, u mágdipoh hide, u mágsamba hide ti diyos-diyosan, sakay u atanan a mágkabule. Ibut hide tu kumán a diget a magapoy-apoy a asupre. Sa iye u kaduwwa a kákkatay.”