Santiagu 5:16 - U Maganda A Baheta Ni Jesu-Cristo

¹⁶ Kanya itapat moy tu balang essa u kasalanan moy hide sakay ipagdasal moy u balang essa tánni magpiyya kam. Dakál u magimet nu panalangin nu tolay a pirme a sumunud tu kagustuwan nu Diyos.

Santiagu 5:16 ပူးပေါင်းရင်းမြစ်များ

Mateo 21:22

Sakay anya man u agidan moy tu panalangin ay maalap moy, ni naniwala kam.”

Mateo 3:6

Intapat de u kasalanan de sakay tulos hide a binawtismuwan ni Juan tu dinom a Jordan.

Markos 1:5

Makpal a tolay tu prubinsya a Judea sakay tu banuwan a Jerusalem, u immangay tu kán Juan sakay intapat de u atanan a kasalanan de, sakay binawtismuwan hide ni Juan tu dinom a Jordan.

Lukas 9:6

Kanya naglakad u disepulus na hide sakay nangaral tu babaryo hide tungkul tu Maganda a Baheta sakay pinagpiya de u tehhod hide a saket tu luga-lugar a immangayan de.

Juan 9:31

Tukoy tam a awan sanigán nu Diyos u makasalanan hide, pero u ti deyaman a te ánteng tu Diyos sakay manggimet tu kaluuben na ay sanigán na.

Gimet 10:38

Tukoy moy ti Jesus a taga-Nazaret, siya u nángkaluuban nu Diyos tu Banal a Ispirito sakay kapangyariyan bilang patunay a siya u napile. Katoy nikuna u Diyos kanya maski hádya i angayan naay ay maggimet siya ti maganda sakay palayaán na u páppahirapan hide nu diyablo.

Gimet 19:18

Makpal be tu mánnampalataya hide u nángtapat tu káppalan nu tolay tu mágkadukás di hide a gimet.

Gimet 8:24

Kinagi ni Simon, “Idasalák moy ped tu Panginoon, tánni awan ko sapitán u konna tu kinagi moy hide.”

Roma 3:10

A konna tu kinagi na tu Kautusan, “Awan ti malinis tu pangileng nu Diyos maskin essa.

Roma 5:19

Dipo tu kássuway nu essa a tolay makpal a nagin makasalanan. Konna man hod, dipo tu kássunud nu essa a tolay ay makpal a imbilang u Diyos a matuwid.

Colosas 1:9

Kaya sapul a nasaneg me iye, ay tulos-tulos me a idáddasal tu Diyos a nákwa ay ipakapos-pos na nikam ti husto u kaluuban na. Tu pamamag-itan nu karunungan sakay pággintendi a kaluub nu Banal a Ispirito.

1 Tesalonica 5:17

Pirme kam a magdasal.

1 Tesalonica 5:23

Nakwa ay lalu kam a gimitán a banal nu Diyos a tagapangatád ti kapayapaan. Sakay nakwa ay panatiliyán na a awan ti kapintasan u buo moy a pagkatolay, u ispirito moy, kaliduwwa sakay u baggi moy hanggan tu kássole nu Panginoon a ti Jesu-Cristo.

1 Tesalonica 5:25

Kákkapatkákka mi hide, ipagdasal moy kami be.

Hebreo 11:4

Dipo tu pánnampalataya tu Diyos, ay nagalay ti Abel ti mas maganda a alay nan tu inhandog ni Cain. Kanya nebilang a matuwid ti Abel nikuna tanggapán nu Diyos u alay na. Maski ni nalay dán siya a natay ay magupos padi siya tu pamamag-itan nu pánnampalataya na tu Diyos.

Hebreo 11:7

Dipo tu pánnampalataya ay sinaneg ni Noe u babala nu Diyos tungkul tu bagay hide a mangyare a awan na palla netan. Kanya naggimet siya ti essa a dakál a abang tán maligtas siya sakay u pamilya na. Dipo hod ay nahatulan u tolay hide ti munduway, pero ti Noe ay nebilang a matuwid dipo tu pánnampalataya na tu Diyos.

Hebreo 12:13

Sakay maglakad kam tu matuwid a dilan tánni u agum a magkahina ti pánnampalataya, ay awan mesangdul sakay mapilay nan bumegsak.

Hebreo 13:18

Ipagdasal moy kame, makagi me nikam a malinis u konsensiya me, sakay gusto me a mabiyag ti matuwid tu atanan nu panahun.

1 Pedro 2:24

Ti Cristo ay naparusaan dipo tu kasalanan tam. Nepako siya tu kudus tánni hummintu kitamon tu págkasala a konna tu patay a awan dán magkasala, sakay sumunud kitamon tu kagustuwan nu Diyos. Sakay dipo tu talingu na hide ay nagpiyya kitamon.

1 Juan 3:22

Matanggap tam u ánya man a agidán tam nikuna dipo sássunudán tam u utus na sakay gággimitán tam u makasaya nikuna.