Santiagu 5:13 - U Maganda A Baheta Ni Jesu-Cristo

¹³ Tehhod beman nikam a maghirap? Dapat magdasal siya tu Diyos. Tehhod beman nikam a masaya? Dapat magkansiyon siya ti papure tu Diyos.

Santiagu 5:13 ပူးပေါင်းရင်းမြစ်များ

Mateo 26:30

Sakay káttapos di a magkansiyon ti essa a pasalamat, immangay hide tu Buked nu Olibo.

Lukas 22:44

Dipo tu hirap a áisipán na ay lalo siya a nagdasal ti husto. Timmákták tu luta u inet na a kumán a dáddakkál a tuhog ni dige.

Lukas 23:42

Sakay kinagi na pa, “Jesus, alalahanánnák mo ni maghare ka dán.”

1 Corinto 14:15

Kaya para nikán, ni magdasalák, bakán la au ispiritu ko u magdasal nan gamitán ku be u isip ko a magdasal. Konna bi hod ni mágkansiyonák. Mágkansiyonák tu pamamag-itan nu ispirito ko, pero gamitán ko be u isip ko a mágkansiyon.

1 Corinto 14:26

Ánya nadid u gusto ko a kagiyán ti iye hide a atanan, kákkapatkákka hide? Ni hikam ay mamággipun-ipun, ay dapat tehhod a mágkansiyon, tehhod a magtoldu, tehhod a magpahayag tu kaluuban nu Diyos, tehhod a magupos ti iba-iba a upos, sakay tehhod be a mángpaliwanag tu kákkagiyán na. Gimitán moy iye a atanan tánni lumagu u mánnampalataya hide.

Efeso 5:19

Tu pággipun-ipun moy ay mágkansiyon kam ti kansiyon a papure para tu Diyos. Buo a puso kam a mágkansiyon sakay magpure tu Panginoon.

Hebreo 5:7

Nikuna a katoy palla ti Jesus ti lutaáy, ay insanget na a magdasal sakay nákkekagbi tu Diyos a makapángligtas nikuna tu kamatayan. Kanya tinábbeg siya nu Diyos dipo tatahoden u págpakababa na.

Santiagu 5:10

Kákkapatkákka ko hide, ahigán tam u prupeta hide a nangaral tu Upos nu Diyos, nagtiyaga hide a nagtiis tu kahirapan de hide.

Pahayag 14:3

Mágkansiyon u 144,000 a tolay ti bigu a kansiyon tu atubang nu trono, sakay tu áppat a linalang a biyag, sakay tu duwapulo ay ti áppat a tagapangasiwa. Awan ti makaintendi ti kansiyonan itod maliban la tu 144,000 a naligtas tu tolay hide ti munduwáy.

Pahayag 7:10

Sakay kinagi de ti mabegsák, “U kaligtasan ay gábwat tu Diyos tam a mággetnod ti trono we, sakay konna bi hod tu Tupa!”