Santiagu 5:10 - U Maganda A Baheta Ni Jesu-Cristo

¹⁰ Kákkapatkákka ko hide, ahigán tam u prupeta hide a nangaral tu Upos nu Diyos, nagtiyaga hide a nagtiis tu kahirapan de hide.

Santiagu 5:10 ပူးပေါင်းရင်းမြစ်များ

Lukas 13:34

Hikam a taga-Jerusalem hide, binábbuno moy u prupeta hide sakay binábbatikal moy u pinaangay hide nu Diyos a magtoldu nikam! Pumensangan takamon a gusto a lákkáppan a konna tu páglákkáp nu manok tu sepsep na hide, pero umád kam.

Lukas 6:23

Magsaya kam ti itona a aldew, lumokso kam ti saya dipo grabi't kadakál u gantimpala moy ti langet. Dipo konna labe hod u ginimet nu nuno de hide tu prupeta hide.

Gimet 3:21

Pero kailangan a mágyan pa ti Jesus ti langet hanggan dumemát u panahun a baguwán nu Diyos u atanan a bagay. Itona be u kinagi nu Diyos tu itod tu pamamag-itan nu banal na hide a prupeta.

Gimet 7:52

Ti deya beman a prupeta i awanay pinahirapan nu nunu moy hide? Binunu de u nánghula tu káddemát nu Banal a intokyon moy be sakay impabuno.

Hebreo 13:7

Alalahanán moy u nangasiwa hide nikam, a nángpakapospos nikam tu upos nu Diyos. Isipán moy ni kodya hide a nabiyag hanggan a natay ate pánnampalataya. Ahigán moy u pánnampalataya de tu Diyos.

Santiagu 4:11

Kákkapatkákka ko hide, dyan kam magupos ti madukás kontara tu kapareho moy a mánnampalataya, u magupos ti madukás sakay maghatul tu kapareho na ay kumontara sakay maghatul tu Kautusan nu Diyos. Ni konna hod ay bakán kamon a tagasunud nu Kautusan nan tagahatul dán.

Santiagu 5:13

Tehhod beman nikam a maghirap? Dapat magdasal siya tu Diyos. Tehhod beman nikam a masaya? Dapat magkansiyon siya ti papure tu Diyos.

Santiagu 5:7

Kákkapatkákka ko hide, magtiyaga kam be a maguhay tu káddemát nu Panginoon. Konna tu mágmula a nagtiyaga a maguhay tu uden sakay tu págbunga nu mula na hide.

Santiagu 5:9

Kákkapatkákka ko hide, dyan kamon mamágsidaan tánni awan kam hatulan nu Diyos. Dipo adene dán u pághatul nu Diyos tu atanan a tolay.