Santiagu 4:8 - U Maganda A Baheta Ni Jesu-Cristo

⁸ Umadene kam tu Diyos tánni umadene siya nikam. Kanya hikam a makasalanan hide, iyemang moy dán u pággagimet ti madukás, sakay u pabagu-bagu hide ti isip, diyan kamon magduwwa-duwwa ti isip a sumunud tu Diyos.

Santiagu 4:8 ပူးပေါင်းရင်းမြစ်များ

Mateo 12:33

Kinagi pa ni Jesus “U kayu ay matukuyan tu bunga na. Ni alagaan mo u kayu ay magin maganda u bunga na hide peru ni awan mu siya alagaan ay magin madukás u bunga na hide.

Mateo 15:2

Tinanung de ti Jesus “Bakin a labagán nu disepulus mo hide u kautusan nu nunu tam hide? Awan di ugisan u kamakamát de bagu a kuman ayun tu paraan a intoldu nu nunu tam hide.”

Mateo 27:24

Nikuna a netan iye ni Pilato a awan siya ti magimet sakay makay magkagulo pa u tolay hide ay nagpaalap siya ti dinom sakay nagguges tu kamát na tu atubang nu tolay hide. “Awanák ti pananagutan ti kákkatay ni tolayan iye. Bahala kamon!” kagi ni Pilato.

Gimet 15:9

Eessa u pangileng nu Diyos nikitam sakay hide; pinatawad na hide tu kasalanan de dipo tu pánnampalataya de.

2 Corinto 7:1

Nadid, mahal me hide a kákkapatkákka, nadid ta inpananto nikitam nu Diyos iye hide a bagay ay adággen tam u atanan a mágkadukás a gimet a makapangatád ti dangát tu isip tam sakay makedukás tu bággi tam. Sikapán tam a mabiyag ti banal sakay tehhod a ánteng tu Diyos.

1 Timoteo 2:8

Kaya gusto ko a manalangin u lállake hide tu bawat pággipun-ipun, sakay ni magdasal hide ay maari de a iyontok u kamat de bilang patunay a malinis u paggisipan de sakay awan ti hinanakit oni pamágdadema.

Hebreo 10:22

kanya umadene kitam tu Diyos a tehhod a katapatan sakay matibay a pánnampalataya nikuna, dipo nalinis dán nu dige ni Cristo u isip tam a kumán a na ugisan dán u bággi tam tu malinis a dinom.

Hebreo 7:19

Dipo awan ti magin ganap tu pamamag-itan nu Kautusan ni Moises. Pero mas maganda u bigu a pag-asa a tinanggap tam nadid, dipo makaadene kitamon tu Diyos.

Santiagu 1:8

Dipo ni u essa a tolay ay magduwwa-duwwa, awan be siya mapagkatiwalaan tu gággimitán na.

Santiagu 3:17

Pero u tolay a te karunungan a gábwat tu Diyos, dipalongo tu atanan, ay te maayus a kákkabiyag, masássohán ti kapayapaan sakay mapagpugád. Awan na ipilit u sadile na a kagustuwan, makákkagbiyán, masipag a maggimet ti maganda, pare-pareho u pangileng na tu atanan a tolay sakay awan mapagkunware.

1 Pedro 1:22

Nadid ay malinis kamon tu kasalanan moy hide dipo tu kássunud moy tu tatahoden sakay nagin tapat kamon tu págmahal moy tu kákkapatkákka moy hide. Nakwa ay tatahoden u págmahal moy.

1 Pedro 3:21

I dinuman itod a lonso ay sa itod u mage letrato nu págbautismo a mángligtas nikam. Tu pamamag-itan nu kákkabiyag a huway ni Jesu-Cristo. U págbawtismo a iye ay bakán a para linisán u dangát nu bággi tam nan iye ay tanda a nagsise kitamon tu kasalanan tam hide. Dipo ti iye ay maare kitamon a iligtas nu Diyos dipo ti Cristo ay huway a nabiyag.

1 Juan 3:3

Kanya ni ti deyaman u te konna he a pag-asa ay dapat a mabiyag a tehhod a kalinisan, konna ni Cristo.