Santiagu 4:4 - U Maganda A Baheta Ni Jesu-Cristo

⁴ Hikam a awan tapat tu Diyos! Awan moy beman tukoy a ni pahalagaan tam u bagay hide ti munduway ay kadima tam u Diyos? Kanya u ti deyaman a sumunud tu madukás a gimet nu tolay ti munduway ay kadima nu Diyos.

Santiagu 4:4 ပူးပေါင်းရင်းမြစ်များ

Mateo 12:39

Timmábbeg ti Jesus “Hikam ay madukás sakay mapangalunya a katolayan ay magaged ti himala. U meatád ko la nikam ay u nangyari a himala ni Jonas tu itod.

Mateo 16:4

Madukás kam a lahi sakay awan matapat tu Diyos! Nagehyok kam ti tanda pero awan ti ipeta nikam liban tu palatandaan a nangyari ni Jonas!” Sakay linakaden na hide.

Mateo 6:24

Sakay kinagi pa ni Jesus “Awan ti makapagserbi ti duwwa a amo dipo kaiyamután na u essa sakay mahalán na u essa oni mas magin matapat siya tu essa nan tu essa. Awan moy maare a sabayán a pagserbiyan u Diyos sakay u kayamanan.

Lukas 19:27

Kinagi na pa, ‘Konna be tu kadima ko hide a umád nikán a maghare nide ay iyangay moy he hide sakay bunuwán ti atubang kuwáy!’”

Juan 15:19

Ni kaguman kam tu taga-mundu hide ay mahalán dikam. Pero awan di kam kaguman, dipo pinile takam he ti munduway para awan kamon magin konna nide. Kanya u mundu ay maiyamut nikam.

Juan 17:14

Intoldu ku dán nide u upos mo. Tunay u ingál nu taga-mundu hide nide, dipo awan dán hide makamundu a konna nikán a bakán a makamundu.

Juan 7:7

Awan kam kaiyamutan nu tolay hide ti munduway, pero hikán ay kaiyamutan de, dipo inpeta ko nide a madukás u gimet de.

Roma 5:10

Tu itod ay kadima kitam nu Diyos, pero nadid ay tinanggap na kitamon a kaibigan na tu pamamag-itan nu kákkatay nu Anak na. Kanya nadid a tehhod kitamon a maganda a relasyon tu Diyos siguradu dán a iligtas na kitam tu pamamag-itan nu biyag ni Cristo.

Roma 8:7

Dipo kalaban nu Diyos u deyaman a sumunud tu gusto nu makasalanan a pagkatolay, dipo umád na a sumunud tu Kautusan nu Diyos sakay talaga a awan na magimet a sumunud.

1 Corinto 1:20

Nadid, anya u lamang nu mágkalalake hide a tolay, u maisto hide nu Kautusan, u mágkalalake a magdibate ti panahunáy nadid? Awan! Impeta nu Diyos a u karunungan ti munduwáy ay awan ti pinagseserbiyan.

1 Corinto 1:21

Sigun tu karunungan nu Diyos, ay awan na impahintulut a matukuyan siya nu tolay tu pamamag-itan nu karunungan ni munduwan iye. Nan, inligtas na u manalig hide nikuna tu pamamag-itan nu Maganda a Baheta a ipáppangaral me a tu pangileng nu agum ay awan ti kabuluhan.

Galacia 1:10

Diyan moy isipán a kaya ku iye a kákkagiyán ay para masaya nikán u tolay. U papure la a gábwat tu Diyos u gusto ko a matanggap. Ni ilingán ku laay ay u ikasaya nu tolay, ay awanák tunay a tagapagserbi ni Cristo.

Santiagu 1:27

U ibilang nu Diyos a Ama tam a makidiyos ay u tumulung tu ulila sakay tu bábbey hide a bilo tu kahirapan de, sakay awan mák-aheg tu mágkadukás hide a gimet ti munduway.