Santiagu 4:17 - U Maganda A Baheta Ni Jesu-Cristo

¹⁷ Kanya ni tukoy nu essa a tolay u maganda pero awan na ginimet ay nagkasala siya.

Santiagu 4:17 ပူးပေါင်းရင်းမြစ်များ

Juan 13:17

Ta tukoy moy dán iye hide a bagay ay pagpalaan kam nu Diyos ni iye u gimitán moy.

Juan 15:22

Ni awanák he immangay a nagupos nide ay awan nakwa napatunayan a nagkasala hide. Pero nadid ay awan dán hide ti merason tu kasalanan de.

Juan 9:41

Timmábbeg ti Jesus, “Ni buhák kam ay awan kam nakwa ti kasalanan. Pero kinagi moy a maketa kam, kanya manatile palla u kasalanan nikam.”

Roma 1:32

Tukoy de u utus nu Diyos a dapat parusaan ti kamatayan u mggimet hide ti kasalananan iye pero diretso pade hide a maggimet ti iye. Sakay masaya pa hide ni ketan de u agum a maggimet tu gággimitán de.

Roma 7:13

U gusto na beman a kagiyán a u mágkaganda a bagay u nangatád nikán ti kamatayan? Awan! U kasalanan ay siya u nangatád nikán ti kamatayan. Ginamit nu kasalanan u Kautusan a essa a maganda a bagay, tánni mahatulanák ti kamatayan. Sakay dipo hod, ay natukuyan ko ni sakodya ti kadukás u kasalanan.

2 Pedro 2:21

Mas maganda pa ni awan de natukuyan u tungkul tu makadiyos a kákkabiyag, kasera ni natukuyan de iye sakay adággen de labe tu dimodyan a aldew u banal hide a utus a inyatád nide.