Santiagu 3:14 - U Maganda A Baheta Ni Jesu-Cristo

¹⁴ Pero ni pagka masásseniyán sakay pagka makasadile u hod tu puso moy, ay dyan moy ipagmadakál a tehod kam a karunungan dipo kakabuliyan moy la ina sakay awan nikam u tatahoden.

Santiagu 3:14 ပူးပေါင်းရင်းမြစ်များ

Mateo 27:18

Dipo tukoy ni Pilato a seni u dahilan de ni bakin a inyangay de nikuna ti Jesus.

Juan 16:2

Dumemát u odas a awan kamon tanggapán nu kasa-Judio moy hide tu sinagoga. Sakay dumemát u odas a ni deyaman u mangbuno nikam ay magakala a págserbi dán itod tu Diyos.

Gimet 13:45

Pero nikuna ketan nu Judio hide u tuna't káppal a tolay ay nagsállap hide, kaya kinontara de u kákkagiyan ni Pablo sakay impasanike de siya.

Gimet 26:9

Akala ko be tu itod ay kailangan ko a gimitán u atanan a makaya ko kontara tu ngahan ni Jesus a taga-Nazaret.

Gimet 5:17

Pero u pinakapuno nu saserdote hide sakay u sakup na hide a Saduseo ay tunay u pánnaghile de kanya namágkaessa hide a pahirapan de hide.

Gimet 7:9

Pero, simmene ni Jose u agum na a kákkapatkákka a anak ni Jacob kanya inlako de siya a alipin ti Egipto. Pero konna pa man hod ay awan siya pinabayan nu Diyos.

Roma 1:29

Kanya nagin alipin dán hide nu atanan a kadukássan, sakay kalokuwan, kasakiman, sakay madukás a isip. Naputat hide ti sene, pámmuno, págtalo-talo, págdaya, sakay págmetmet.

Roma 13:13

Sakay dipo katoy kitam tu demlag, mabiyag kitam ti marangal. Diyan tamon gimitán u páglasing, u magulo hide a págsaya, dyan kitam mangibábbey oni mangilállake, dyan kitam mákdima, sakay diyan kitam be maiyamut tu agum.

Roma 2:17

Nadid, kákkagiyán moy a hikam ay Judio, sakay maniwala kam tu Kautusan sakay ipágmadakál moy u rilasyon moy tu Diyos.

Roma 2:8

Pero tu agum hide a awan ti áisipán nan u sadile di la sakay umád de a sumunud tu tatahoden nan tu kadukássan ay ipadanas nide nu Diyos u garabi a iyamut na.

1 Corinto 13:4

U tolay a te págmahal ay matiyaga sakay mabait, awan masássállapán, awan hambug, oni mapagmadakál.

1 Corinto 3:3

Dipo maghare palla nikam u kagustuwan nu bággi. Tehhod palla a iyamutan sakay dimaan. Ina u mangpatunay a makamundu kam palla sakay mabiyag ayun tu kagustuwan nu bággi.

1 Corinto 5:2

Sakay hambug kam palla! Dapat masanike kam sakay maglungkut. Paibután moy tu grupo u makán gimitán ti iye!

1 Corinto 5:6

Dyan kam magmadakál. Awan moy beman tukoy a u madukás a gimet ay kumán a u págpaalsa ti tinapay? Dipo maski ni badit la ay meahes u atanan.

2 Corinto 12:20

Dipo mággaisipánnák a bakay tu káangay ko hina ay te ketanák a awan ko gusto nikam sakay te ketan kam be a awan moy gusto nikán. Bakay u medemáttan ko ay dimaan, seniyan, iyamután, makasadile, págsidaan, metmetan, pághambug, sakay kaguluwan.

Galacia 5:15

Pero ni tulos-tulos kam a mamágdadema a kumán a aso a magkagitan ay mangilag kam dipo makay masida moy u biyag nu balang essa.

Galacia 5:20

págsamba tu diyos-diyosan, págdipoh, pággingál, pamágdadema, pánnaghile, kákkaiyamut, pagkamadámmot, awan ti pagkakaessa sakay pamágkampe-kampe.

Galacia 5:21

Kássene, páglasing, sakay magkasayaan hide ti madukás, sakay ti iba a madukás a gimet. Kagiyán ko iye a huway nikam a awan mebilang tu kahariyan nu Diyos u maggimet hide ti konna he.

Galacia 5:26

Diyan kitamon magin palalo, diyan tam pagiyamután u kapatkákka tam, sakay magsállapan.

Galacia 6:13

Maski ngane u nagpature hide ay awan sumássunud tu Kautusan. Gusto dikam la a pature tán mepagmadakál de a hide u nakaakit nikam para sumunud ti kautusanan iye.

Filipos 1:15

Tahod ngane a mangaral u agum tungkul ni Cristo dipo tu sene sakay gustu dila a ipeta a masmalalake hide nikán, pero te mangaral labe a tehhod a katapatan.

Filipos 2:3

Dyan kam maggimet ti ánya man a bagay dipo la tu kagustuwan moy a metanyag, nan magpakababa kam sakay ituring moy a mas higit u agum kasera nikam.

1 Timoteo 2:4

Gugustu na a maligtas u atanan a tolay sakay makatukoy tu tatahoden,

1 Timoteo 6:4

ay maghambug la siya pero i tahoday ay awan ti tukoy. Talaga a ugali na dán i manusutay, sakay mákpagtábbegan tungkul tu kahulugan nu upos hide a magbunga la ti sállapan, kontraan, sestiyan, sakay sihiyan.

Tito 3:3

Dipo tu itod ay awan kitam be ti tukoy. Hikitam be tu itod ay masássuwayán sakay maigát ti págguluwan. Nalinlang kitam sakay naalipin kitam tu atanan a kalase nu kadukássan sakay mágkadangát a gimet, nabiyag kitam tu kadukássan sakay kassene. Kaiyamutan kitam nu agum sakay kaiyamutan tam be hide.

Santiagu 1:18

Ayun tu kaluuban nu Diyos ay ginimet na kitam a anak na hide tu pamamag-itan nu impakapospos na a upos na a tatahoden, tánni magin pinakamahalaga kitam tu atanan a linalang na.

Santiagu 3:16

Dipo ni pagka masásseniyán sakay pagka makasadile u maghare ay pirme a te kaguluwan sakay atanan a kalase ni mágkadukás a gimet.

Santiagu 5:19

Kákkapatkákka ko hide, ni tehhod a essa nikam a nehiwalay tu tatahoden ay maganda ni maakit moy siya a huway.