Santiagu 3:1 - U Maganda A Baheta Ni Jesu-Cristo

¹ Kákkapatkákka ko hide, awan dapat a makpal nikam u magin tagapagtoldu tu Upos nu Diyos, dipo tukoy moy dán a mas mahigpit u pághatul nikitam a tagapagtoldu hide nan tu agum.

Santiagu 3:1 ပူးပေါင်းရင်းမြစ်များ

Mateo 10:24

Kinagi pa ni Jesus nide “Awan ti disepulus a humigit pa tu tagapagtuldu na. U utusan be ay awan mataas tu amu na

Mateo 23:13

Nadid pinagkagiyan ni Jesus u maisto hide nu Kautusan ni Moises sakay u Pariseo hide, “Kakagbi kam! Mapagkunware kam! Hadlangán moy u tolay hide para awan hide mapaghariyán nu Diyos. Umád moy a magpasakop tu pághare nu Diyos ay hadlangan moy pa u masoh a magpasakop!

Mateo 23:14

Kakagbi kam sakay mapagkunware kam! Inalap moy u ariarian nu bábbey a bilo sakay u págdasal moy ay pinaatakdug moy para awan de mahalata u págkunware moy! Dipo tu gimet moy a iye ay lalo pa a dumagge u parusa moy!

Mateo 9:11

Nikuna netan iye nu Pariseo hide ay tinanung de u disepulus ni Jesus, “Bakin a pumisan a kuman u tagapagtoldu moy tu tagakolekta tu buwes sakay tu makasalanan hide?”

Lukas 16:2

Kanya impadulaw na sakay tinanung, ‘Ánya ben i masaneg-saneg kuwáy tungkul niko? Magkuwentaan kita dán tu pángngasiwa mo. Dipo sapul nadid ay awan taka dán katiwala.’

Lukas 6:37

“Dyan kam humatul tánni awan kam hatulan nu Diyos. Dyan kam be magparusa tánni awan kam parusaan nu Diyos. Mágpatawaden kam tánni patawadán kam nu Diyos.

Juan 3:10

Timmábbeg ti Jesus, “Essa ka a tanyag a tagapagtoldu ti Israel, pero awan mo maintendiyan iye?

Gimet 13:1

Nadid, u mannampalataya hide ti Antioquia ay tehhod a sangan a magpahayag tu Maganda a Baheta sakay tehhod be a sangan a magtoldu tu mánnampalataya hide. Kaguman he di Bernabe, ti Simon a nginahanan de a Negro, sakay ti Lucio a taga-Cirene, ti Manaen (a kaguman ni gubernador a Herodes nikuna anak palla hide a duwwa) sakay ti Saulo.

1 Corinto 12:28

Sakay nángdatton u Diyos tu mánnampalataya hide ti kaluub. U dipalongo ay u apostol hide; u kaduwwa ay u propeta hide, sakay u katallo ay u tagapagtoldu hide tu upos nu Diyos. Nángdátton be siya ti tolay a makagimet ti makataka-taka, makapagpapiyya tu te saket, te tagatulong, te taga pangasiwa, sakay tehhod be a makapagupos ti iba-iba a upos.

2 Corinto 5:10

Dipo atanan tam ay umatubang ni Cristo, sakay hatulan na u ginimet tam hide maganda man oni madukás, mentaras biyag kitam palla he ti munduáy. Tanggapán nu balang essa u karapat-dapat a hatul ayun tu ginimet na.

Efeso 4:11

Sakay te iba-iba a kaluub a inyatád siya nikitam: u agum ay pinagkaluuban na a magin apostol, u agum ay magin prupeta, u agum ay mángngaral tu Maganda a Baheta, u agum ay magin pastor sakay u agum ay tagapagtoldu.

1 Timoteo 1:7

Gusto de a magin tagapagtoldu nu Kautusan nu Diyos pero awan di la be maintendiyan u kákkagi-kagiyán de maski u bagay hide a ipilit de a itoldu.

1 Timoteo 2:7

Dipo he ay napiliyák a tagapagbaheta, apostol, sakay tagapagtoldu ti pánnampalataya sakay tu tatahoden tu Hentil hide. Tatahoden i kagiyán kuwáy, awanák magbule-bule.

2 Timoteo 1:11

Piniliyák na a apostol sakay tagapagtoldu para mepahayag ko u Maganda a Baheta.

Hebreo 13:17

Sumunud kam sakay magpasakup tu mangasiwa hide nikam dipo te pananagutan hide a magbantay nikam, sakay managut hide tu Diyos tungkul ti iye. Ni sunudán moy hide ay masaya hide a gimitán u tungkulin de, pero ni awan ay malungkut hide, sakay ni malungkut hide ay awan iye makatulung nikam.

Santiagu 1:16

Kákkapatkákka ko hide, dyan kam palálloko.

Santiagu 1:19

Pakatandaan moy iye kákkapatkákka ko hide, dapat kam a handa a mágsaneg, isipán tam pa ti maayus u kagiyán tam bagu a magupos sakay diyan agad a maiyamut.

Santiagu 3:10

Kanya tu eessa a labi a maggábwat u págpure sakay págsumpa. Male ina, kákkapatkákka ko hide.

1 Pedro 5:3

Diyan moy ituring a alipin u tolay hide a intiwala nikam nu Diyos nan ipeta moy a maganda kam a halimbawa nide tánni ahigán di kam.