Santiagu 2:9 - U Maganda A Baheta Ni Jesu-Cristo

⁹ Pero ni u mágkayaman la hide u igalang moy sakay iba u pangileng moy tu mágkahirap hide ay nagkasala kamon ayun tu utus nu Diyos kanya parusaan nakam.

Santiagu 2:9 ပူးပေါင်းရင်းမြစ်များ

Juan 16:8

Káddemát na ay patunayan na tu tolay hide ti munduway a male u pákkaintendi de tungkul tu kasalanan, sakay tungkul tu pagkamatuwid, sakay tungkul tu pághatul nu Diyos.

Juan 8:46

Ti deya nikam makapángkagiyay a nakagimiták ti kasalanan? Tatahoden u kákkagiyán ko nikam. Bakin a umáddák moy a paniwalaan?

Juan 8:9

Nadid, nikuna a minasaneg di iye ay essa-essa hide a limmakad, sapul tu pinakamatanda hanggan a ti Jesus dálla ay tu bábbey u nawahak.

Gimet 10:34

Kanya kinagi ni Pedro, “Nadid ko a natukuyan a pare-pareho u pangileng nikitam nu Diyos.

Roma 3:20

Dipo awan ni ti deyaman u ibilang nu Diyos a awan ti kasalanan tu pamamag-itan nu kássunud tu Kautusan. Nan u Kautusan u mángpeta tu kasalanan nu tolay.

1 Corinto 14:24

Pero ni magpahayag tu upos nu Diyos u atanan a mánnampalataya sakay dummemát hod u essa a awan mánnampalataya oni tolay a awan palla nakatukoy ay matukuyan na a siya ay makasalanan sakay mabati na u tunay na a kalagayan.

Galacia 2:19

U tatahoden tu pamamag-itan a mismo nu Kautusan ay natukuyan ko a awan dán ti kapangayarihan u Kautusan nikán kaya malayaák dán a mabiyag para tu Diyos.

1 Juan 3:4

U atanan a magkasala ay awan sumunud tu kautusan nu Diyos dipo u kasalanan ay kássuway tu kautusan.

Judas 1:15

tánni hatulan na u atanan. Parusaan na u awan hide tumenggi tu Diyos dipo tu mágkadukás de a gimet sakay awan págrespeto nikuna.”