Santiagu 2:19 - U Maganda A Baheta Ni Jesu-Cristo

¹⁹ Awan beman maniwala kam a eessa la u Diyos? Maganda ina! Pero isipán tam a maskin u dimonyo hide ay maniwala be tu Diyos, sakay magpágpág pa ngane hide ti ánteng.

Santiagu 2:19 ပူးပေါင်းရင်းမြစ်များ

Mateo 8:29

Pagdaka hide a pinumakhaw “Anak nu Diyos ánya u gimitán mo nikame? Inumangay ka beman he para parusaan kami maski awan padla odas nu pághirap me?”

Markos 1:24

“Ánya pák-alam muway nikame, Jesus a taga-Nazaret? Immangay kabe man he para puksaán mu kame? Tukoy taka, hiko u Banal a gábwat tu Diyos.”

Markos 12:29

Timmábbeg ti Jesus, “Iye u mahalaga a utus: pakasanigán moy a taga-Israel! U Panginoon tam a Diyos, u Tunay a Panginoon.

Markos 5:7

Sakay pinumákhaw siya ti mabegsák, kinagi na, “Jesus, Anak nu Kataas-taasan a Diyos, ánya i pákalam muway nikán? Ipananto mo tu ngahan nu Diyos a awanák mo pahirapan!”

Markos 7:9

Sakay kinagi pa ni Jesus, “Mahusay kam tu awan moy págsunud tu utus nu Diyos para masunud moy la u kaugaliyan nu nuno moy hide!

Lukas 4:34

“Jesus a taga-Nazaret,” kagi na, “Ánya i pák-alam muway nikame? Ummangay ka beman he para bunuwán mo kame? Tukoy ko ni deya ka, hiko u Banal a Anak nu Diyos.”

Juan 17:3

Sakay sa iye u gusto a kagiyán nu biyag a awan ti kahád: u matukuyan ka nu tolay hide a hiko la u tunay a Diyos, sakay matukuyan di be u pinaangay mu he.

Gimet 16:17

Tagu-tagubetan na kame ay di Pablo, sakay mágpapákhawán ti konna he, “Iye hide a tolay u tagapagserbi nu Kataasan a Diyos! Immangay hidehe para ibaheta de nikam ni kodya kam a maligtas!”

Gimet 19:15

Pero tinábbeg hide nu mágkadukás a ispirito, “Matengge ko ti Jesus sakay matengge ku be ti Pablo. Pero dideya kam?”

Gimet 24:25

Pero nikuna ipaliwanag ni Pablo a dapat mabiyag a malinis u tolay, sakay magpugád tu sadile para awan magkasala, sakay impaliwanag nabe u tungkul tu pághatul a dumemát ay neántingan ti gobernador Felix. Kinagi na, “Maare ka dán a lumakad, ipadulaw taka dálla a huway ni tehhodák dámman a odas.”

Roma 3:30

Eessa la u Diyos para tu Judio hide sakay tu bakán a Judio, sakay pareho hide a ituring nu Diyos a awan ti kasalanan dipo tu pánnampalataya de ni Cristo.

1 Corinto 8:4

Kaya tungkul tu makan a nealay tu diyos-diyosan hide, tukoy tam a awan tatahoden iye hide a diyos. Sakay tukoy tam be a eessa u Diyos.

1 Corinto 8:6

para nikitam ay eessa la u Diyos, u Ama a nanglalang tu atanan a bagay, sakay biyag kitam para nikuna. Eessa u Panginoon, ti Jesu-Cristo: tu pamamag-itan na ay nilalang u atanan a bagay sakay tu pamamag-itan na ay biyag kitam.

Galacia 3:20

Pero i pangakuwan iye nu Diyos ni Abraham ay awan dán kailangan u tagasuhog dipo u Diyos a mismo u nákpagkasundu ni Abraham.

1 Timoteo 2:5

a tehhod a eessa a Diyos sakay tehhod be a eessa a mángtaknág tu tolay tu Diyos, u tolay a ti Jesu-Cristo.

Santiagu 2:8

Ni sunudán moy u utus nu Diyos a katoy tu Kasulatan a, “Mahalán moy u kapareho moy a tolay a konna tu págmahal moy tu sadile moy a bággi,” ay nagimet moy dán u tama.

Judas 1:4

Nagsulaták nikam dipo tehhod a sangan a tolay a nákpisan nikam a awan moy naripara. Iye hide a tolay ay u awan hide maka-diyos; iniba de u itáttoldu nu Banal a Kasulatan tungkul tu kagbi nu Diyos, ta u rason de ay makákkagbiyán kan u Diyos kanya tulos-tulos la hide a maggimet tu kagustuwan nu pilas de. Awan de tenggiyán ti Jesu-Cristo, u kasiya-siya tam a Puno sakay Panginoon. Tu itod pa a panahun ay nesulat dán tu Banal a Kasulatan u parusa a nelaan dán nide.

Judas 1:6

Isipán moy be u anghel hide a awan nagtulos-tulos tu tungkulin de sakay inwahak u lugar a inyatád nide nu Diyos. Kaya ingapus hide nu Diyos ti kadena a awan mababágsot sakay impireso na hide tu tunay ti diklám a lugar hanggan tu káddemát nu Aldew nu Pághatul.

Pahayag 20:10

Sakay u Diyablo a nangdaya nide ay ibut tu kumán a diget a apoy sakay tu asupre, a nángbutan labe tu makaánteng a hayup sakay tu mágkabule a prupeta. Aldew ay ti gibi ay mamágkaguman hide a pahirapan hod hanggan-hanggan.