Santiagu 2:18 - U Maganda A Baheta Ni Jesu-Cristo

¹⁸ Tehhod a magkagi a, “Manampalatayaák la para maligtas; u agum ay maggimet la ti maganda ay tama dán.” Sa iye u tabbeg ko hina, “Kodya mapatunayan nu tolay u pánnampalataya na ni awan ketan tu gimet na a maganda. Pero para nikán u kássampalataya ko ay ketan tu pággimet ko ti maganda.”

Santiagu 2:18 ပူးပေါင်းရင်းမြစ်များ

Roma 14:23

Pero u deyaman a kuman a te págduwwa-duwwa ay nagkasala dipo awan ayun tu pánnalig na u gággimitán na. Dipo kasalanan u ányaman a bagay a gimitán tam a awan ayun tu pánniwala tam.

Roma 3:28

Dipo maniwala kitam a ituring nu Diyos a matuwid u tolay tu pamamag-itan nu kássampalataya na ni Cristo, bakán a tu kássunud tu Kautusan.

Roma 4:6

Iye u gusto a kagiyán ni hare a David nikuna a banggitán na u tungkul tu pagigin mapalad, nu tolay hide a inturing nu Diyos a matuwid bakán a tu mágkaganda de a gimet.

Roma 8:1

Kanya nadid, ay awan dán mahatulan ti kaparusaan u katoy ni Cristo Jesus.

Roma 9:19

Makay kagiyán de dammán nikán nadid a, “Bakin a kákkagiyán nu Diyos a dapat managut u tolay hide tu kasalanan de? Deya beman u makalaban tu kaluuben na?”

1 Corinto 13:2

Sakay ni tehhodák a kakayanan a mángpahayag tu upos nu Diyos, sakay umintendi tu atanan a lihim, maski ni hed dán nikán u atanan a karunungan sakay mepaagton ko man u buked hide dipo tu grabi't kadakál nu pánnampalataya ko, ni awanák labe ti págmahal ay awanák ti kabuluhan.

2 Corinto 5:17

Kaya ni deya man u nákpagkaessa ni Cristo ay essa dán a bigu a nilalang. Awan dán u date na a pagkatolay; siya ay binagu dán.

2 Corinto 7:1

Nadid, mahal me hide a kákkapatkákka, nadid ta inpananto nikitam nu Diyos iye hide a bagay ay adággen tam u atanan a mágkadukás a gimet a makapangatád ti dangát tu isip tam sakay makedukás tu bággi tam. Sikapán tam a mabiyag ti banal sakay tehhod a ánteng tu Diyos.

Galacia 5:6

Tu nákpagkaessa dán ni Jesu-Cristo ay awan dán mahalaga ni awan nature oni nature u essa a tolay. U mahalaga ay u pánnampalataya ni Cristo a ketan tu gimet dipo tu págmahal.

1 Timoteo 1:5

U layunin ni bilinan iye ay magkahod kitam ti págmahal a gábwat tu malinis a puso, malinis a isip, sakay ti matapat a pánnampalataya.

Tito 2:7

Sakay hiko a mismo u mángpeta ti maganda tu atanan a gimitán mo tánni magin halimbawa ka tu atanan. Ipeta mo u katapatan tu págtoldu mo tánni ketan de a tatahoden u págserbi mo ni Cristo.

Hebreo 11:31

Dipo tu pánnampalataya, u belyas a ti Rahab, ay awan nepahamak a kaguman nu umád hide a pasakup tu Diyos, dipo pinatulos na ti maganda u magsubuk hide.

Hebreo 11:33

Dipo tu pánnampalataya de tu Diyos, ay tinalo de u kahariyan hide, nabiyag hide ti matuwid sakay natanggap de u inpananto hide nu Diyos sakay napaamo de u liyon hide.

Hebreo 11:6

Ni awan kitam sumampalataya tu Diyos, ay awan tam siya mapasaya, dipo ni deyaman u umadene nikuna ay dapat a maniwala a tehhod a Diyos a mángngatád ti piremyo tu tolay hide a magsikap a makilala u Diyos.

Santiagu 2:14

Kákkapatkákka ko hide, ánya wád serbiyay nu pánnampalataya nu essa a tolay a awan ketan tu gimet na? Meligtas beman wád siya nu konna hina a pánnampalataya?

Santiagu 3:13

Deya nikam u marunung sakay makaintendi? Patunayan moy iye tu pamamag-itan nu matuwid a kákkabiyag sakay u maganda a gimet bunga nu págpakababa sakay karunungan.