Santiagu 1:9 - U Maganda A Baheta Ni Jesu-Cristo

⁹ Magsaya kam kákkapatkákka, maskin mahirap kam dipo inlangkaw kam nu Diyos.

Santiagu 1:9 ပူးပေါင်းရင်းမြစ်များ

Lukas 1:52

Inibutan na u hare hide tu pághare de, sakay inlangkaw na u mágkababa hide.

Lukas 10:20

Pero dyan kam magsaya ta napasunud moy u mágkadukás hide a ispirito nan magsaya kam dipo nelista dán u ngaha-ngahan moy ti langet.”

Lukas 14:11

Dipo u palalo a tolay ay mebaba sakay u tolay a magpakababa ay melangkaw.”

Lukas 9:48

Sakay kinagi na nide, “Ni deya man u mangtanggap ti anakan iye alang-alang nikán ay hikán u tinanggap na, sakay ni deya man u mangtanggap nikán ay mangtanggap be tu nangutus nikán a umangay he. U mapagpakumbaba nikam a atanan ay siya u pinakadakila.”

Roma 8:17

Sakay bilang anak hide nu Diyos, hikitam ay tagapagmana nu Diyos sakay kaguman ni Cristo a magmana tu págpapala hide a inhanda na. Dipo ni magtiis kitam a konna ni Cristo tu itod ay dumemát u aldew a parangalan na kitam a kaguman na.

2 Corinto 6:10

Maski maglungkut kame, ay tehhod kame padi a kasayaan; maski ni mahirap, pero mapayaman be u agum; lubu-lubus, pero u tatahoden kao me u atanan a bagay.

Filipos 3:14

Kaya magtulos-tulusák ngane a patamo tu hangganan tánni matanggap ko u gantimpala a awan ti iba nan u pángdulaw nikán nu Diyos a mabiyag ti langet tu pamamag-itan ni Cristo Jesus.

Filipos 3:3

Alalahanán moy a bakán a hide u tatahoden a ture nan hikitam, dipo u Banal a Ispirito u mánggiya nikitam tu págsamba tam tu Diyos sakay ipagmadakál tam u ginimet ni Cristo Jesus a siya u kasayaan tam. Awan kitam manalig tu pangluwas a seremonya a ipáppasunud de.

1 Pedro 2:9

Pero hikam u lahe hide a pinile nu Diyos, a magin saserdote na a magserbi tu tatahoden a Hare, essa a bansa para tu Diyos. Pinile kitam nu Diyos a magin sakup na sakay mángpakapos-pos tu makataka-taka hide a ginimet na a mágkaganda. Siya be u náng agton nikitam tu makataka-taka a demlag na nikuna a katoy kitam palla tu kadiklámman.

Pahayag 2:9

Tukoy ko u pagsubuk a dáddanasán mo. Tukoy ko a mahirap kam, pero i tatahodinay ay mayaman kam. Sakay tukoy ko be u pangsássida nikam nu bakán hide a Judio, pero i tahoday ay sakup hide ni Satanas.