Santiagu 1:27 - U Maganda A Baheta Ni Jesu-Cristo

²⁷ U ibilang nu Diyos a Ama tam a makidiyos ay u tumulung tu ulila sakay tu bábbey hide a bilo tu kahirapan de, sakay awan mák-aheg tu mágkadukás hide a gimet ti munduway.

Santiagu 1:27 ပူးပေါင်းရင်းမြစ်များ

Mateo 12:32

Sakay ni ti deya man u magupos laban nikán a Anak nu Tolay ay mapatawad nu Diyos pero u magupos laban tu Banal a Ispiritu ay awan mapatawad, magin nadid a panahun oni tu demodyan a aldew.”

Mateo 5:8

Pinagpala nu Diyos u tolay hide a awan dán ti agum a pagserbiyán nan u Diyos la, dipo hide u maketa nikuna.

Lukas 1:6

Iye a magkabanga ay kinasayaan nu Diyos, sumássunud hide tu atanan a utus na.

Roma 12:2

Dyan moy ahigán u gággimitán nu tolay hide ti munduwan iye. Pabayan moy a baguwán kam nu Diyos tu pamamag-itan nu págbagu na tu isip moy hide, tánni matukuyan moy u kaluuben nu Diyos ni ánya u maganda katanggap-tanggap sakay makasaya nikuna.

Roma 2:13

Dipo bakán a u magsaneg hide tu Kautusan u ibilang nu Diyos a matuwid nan u sumássunud ti iye hide u ibilang na a awan ti kasalanan.

Galacia 1:4

Inyalay ni Cristo u sadile na dipo tu kasalanan tam, sigun tu kaluuben nu Diyos Ama tam. Ginimet na iye para meligtas kitam tu kadukássan a kasalukuyan a maghare ti munduwan iye.

Galacia 3:11

Nadid, malinaw a awan ti tolay a meturing a matuwid tu atubang nu Diyos tu pamamag-itan nu kássunud tu Kautusan, dipo kinagi tu Kautusan, “U tolay a inturing nu Diyos a matuwid ay mabiyag dipo tu pánnampalataya na.”

Galacia 5:6

Tu nákpagkaessa dán ni Jesu-Cristo ay awan dán mahalaga ni awan nature oni nature u essa a tolay. U mahalaga ay u pánnampalataya ni Cristo a ketan tu gimet dipo tu págmahal.

Galacia 6:14

Nakwa awan iye mangyare nikán. U ipagmadakál kula ay u kákkatay nu Panginoon tam a ti Jesu-Cristo. Dipo tu kamatayan ni Cristo tu kudus ay awan dán ti halaga para nikán u bagay hide ti munduwáy, sakay hikán ay awan dámbe ti halaga para ti munduwáy.

Efeso 2:2

Sinunud moy tu itod u madukás a ugale. Sakup kam tu itod nu kapangyariyan ni Satanas a maghare ti munduwáy. Siya u ispirito a maghare tu tolay hide a masuwayin.

1 Timoteo 1:5

U layunin ni bilinan iye ay magkahod kitam ti págmahal a gábwat tu malinis a puso, malinis a isip, sakay ti matapat a pánnampalataya.

1 Timoteo 5:4

Pero ni tehhod a anak oni apo u bilo a bábbey ay hide dapat u purumero a magserbi nikuna. Bilang gante tu dáddakál de hide, sa iye u kasayaan nu Diyos.

Tito 2:12

U kagbi na u nangtoldu nikitam tánni adággen tamon u kákkabiyag a makamundu sakay u kagustuwan nu pilas tánni mabiyag kitamon nadid a tehhod a págpugad ti sadile, banal sakay karapat-dapat tu Diyos,

Santiagu 3:17

Pero u tolay a te karunungan a gábwat tu Diyos, dipalongo tu atanan, ay te maayus a kákkabiyag, masássohán ti kapayapaan sakay mapagpugád. Awan na ipilit u sadile na a kagustuwan, makákkagbiyán, masipag a maggimet ti maganda, pare-pareho u pangileng na tu atanan a tolay sakay awan mapagkunware.

Santiagu 3:9

U dila tam u gággamitán tam tu págpure tu Panginoon a Ama tam. Pero ni agum iye labe u gággamitán tam tu págsumpa tam tu kapareho tam a tolay a linalang nu Diyos a kahupa na.

Santiagu 4:4

Hikam a awan tapat tu Diyos! Awan moy beman tukoy a ni pahalagaan tam u bagay hide ti munduway ay kadima tam u Diyos? Kanya u ti deyaman a sumunud tu madukás a gimet nu tolay ti munduway ay kadima nu Diyos.

2 Pedro 1:4

Tu pamamagitan nu kapangyariyan na, ay nagpananto siya tu bagay hide a mahalaga sakay makataka-taka para magkahod kitam ti ugale a konna tu ugale nu Diyos, sakay para makaiwas kitam tu mágkadukás hide a gimet ti munduway.

2 Pedro 2:20

U tolay hide a nakatukoy dán ni Jesu-Cristo a Panginoon sakay Tagapagligtas ay immadág dán tu magkadukás hide a gimet ti munduwáy. Pero ni sumole hide tu gimet a madukás sakay paalipin hide a huway ti iye, ay mas grabi pa tu date u magin kalagayan de.

2 Pedro 3:14

Kaya ngane, mahal ko hide a kákkapatkákka, mentaras maguhay kam ti iye hide a bagay, ay pagsikapan moy a mabiyag a te kapayapaan, malinis sakay awan ti dangát tu pangileng na.

1 Juan 5:18

Tukoy tam a u anak hide nu Diyos ay awan tulos-tulos ti págkakasala, dipo bantayan hide ni Jesu-Cristo. Sakay awan hide maare a ahikadán ni Satanas.