Santiagu 1:19 - U Maganda A Baheta Ni Jesu-Cristo

¹⁹ Pakatandaan moy iye kákkapatkákka ko hide, dapat kam a handa a mágsaneg, isipán tam pa ti maayus u kagiyán tam bagu a magupos sakay diyan agad a maiyamut.

Santiagu 1:19 ပူးပေါင်းရင်းမြစ်များ

Mateo 5:22

Pero nadid ay ikagi ko nikam a ni deya u mágngál tu kákkapatkákka na ay parusaan nu Diyos. Sakay ni ti deya u manginsulto ay hatulan nu Sanedrin. Sakay ni ti deya man u magkagi tu kákkapatkákka na a ‘Awan ka ti serbi a tolay’ ay parusaan nu Diyos ti impiyerno.

Markos 12:37

Nadid, ni dinulaw siya ni David a Panginoon, kodya siya a nagin lahe ni David?” Kanya masaya u tolay hide a nágsaneg nikuna.

Markos 2:2

Kanya naipun hod u makpal a tolay, ngahi-ngahe a awan ti mapuwestuwan maski tu luwas nu pintuwan.

Lukas 15:1

Essa a aldew u mágsingeh hide ti buwes sakay u agum pa hide a inturing a makasalanan ay immadene ni Jesus para mágsaneg.

Lukas 19:48

Pero awan hide ti netan a paraan ni kodya di siya a mabuno, dipo atanan a tolay ay taimtim a mágsaneg nikuna.

Gimet 1:15

Kállipas nu sangan a aldew, ay namággipun-ipun u essa a datos ay ti bayinte a mánnampalataya. Timmaknág ti Pedro tu atubang de sakay nagupos,

Gimet 10:33

Kanya pagdaka taka a impauwet; makpal a salamat ta nakaangay ka he. Nadid ay napisan kame para sanigán u ipekagi nu Panginoon.”

Gimet 13:48

Nikuna nasaneg iye nu hentil hide ay tunay u saya de sakay nagpure hide tu Panginoon dipo tu upos na. Sakay atanan a pinile nu Panginoon a magkahod ti biyag a awan ti kahád ay summampalataya.

Gimet 17:11

Mas maganda a kauhon u Judio hide a taga-hod nan u Judio hide a taga-Tesalonica; dipo gugusto de a mágsaneg tu ipáppaliwanag ni Pablo. Pagadalan de ti aldew-aldew u Kasulatan para mapatunayan de ni tatahoden u kákkagiyán na.

Gimet 2:42

Nagin masipag hide tu págsaneg sakay pággadal tu itáttoldu nu apostol hide. Lagi hide a mamaggipun-ipun bilang mátkaka. Sakay hide ay pisan-pisan a kuman sakay magdasal.

Efeso 4:26

Ni mágngál kamman ay diyan kam magkasala. Sakay dyan moy dán paalayán u ingál moy,

Efeso 4:31

Ibutan moy dán u ányaman a saket ni isip, iyamut, pákpágdadima, pánggulo, metmet, págsida tu agum, sakay tu atanan a kalase nu madukás a ugale.

Colosas 3:15

Sakay paghariyán moy tu puso moy u kapayapaan a gábwat ni Cristo, dipo iye u dahilan kaya nadulaw kam nu Diyos para magin bahagi nu essa a bággi. Magpasalamat kam a pirme.

Colosas 3:8

Pero nadid, ibutan moy dán iye a atanan, pággiyamut, subra a kákkaiyamut sakay u saket ni isip. Iwasan moy dán u pángsida tu agum a tolay sakay u mágkalaswa a pággupos.

1 Tesalonica 2:13

Kaya ngane, pirme kame a magpasalamat tu Diyos, dipo nikuna a ipakapospos me nikam u Upos na, ay tinanggap moy iye dipo naintendiyan moy a tatahoden iye a Upos nu Diyos, bakan a upos nu tolay. Kaya ngane u kapangyariyan nu Upos na ay ketan tu maayus moy a kákkabiyag a mánnampalataya hide.

Santiagu 1:16

Kákkapatkákka ko hide, dyan kam palálloko.

Santiagu 1:2

Kákkapatkákka ko hide, magsaya kam ni makadanas kam ti iba-iba a pagsubuk,

Santiagu 1:26

Ni tu pangisip nu tolay ay makidiyos siya pero awan na labe kaya a pugáddán u dila na, ay lállokuwán nala u sadile na, dipo awan ti pinagserserbiyan u pakidiyos na.

Santiagu 2:1

Kákkapatkákka ko hide, dipo mánnampalataya kitamon ni Jesu-Cristo a Panginoon tam a dakila ay dapat awan kitam ti paboran a tolay.

Santiagu 2:5

Mahal ko hide a kákkapatkákka, mágsaneg kam! Awan beman pinile nu Diyos u mágkahirap hide ti munduwan iye tánni magin mayaman ti pánnampalataya, sakay magin tagapagmana tu kahariyan a impananto na tu atanan a magmahal nikuna?

Santiagu 3:10

Kanya tu eessa a labi a maggábwat u págpure sakay págsumpa. Male ina, kákkapatkákka ko hide.

Santiagu 4:11

Kákkapatkákka ko hide, dyan kam magupos ti madukás kontara tu kapareho moy a mánnampalataya, u magupos ti madukás sakay maghatul tu kapareho na ay kumontara sakay maghatul tu Kautusan nu Diyos. Ni konna hod ay bakán kamon a tagasunud nu Kautusan nan tagahatul dán.

Santiagu 5:12

Higit tu atanan kákkapatkákka ko hide, dyan kamon sumumpa, ni magpangako kam. Dyan moy kagiyán a, “Tistigu ko u langet!” oni “Tistigu ko u luta,” oni ánya paman a kabagay. Kagiyán moy dálla a “on ni on,” oni “awan ni awan,” tánni awan kam hatulan nu Diyos.

Santiagu 5:19

Kákkapatkákka ko hide, ni tehhod a essa nikam a nehiwalay tu tatahoden ay maganda ni maakit moy siya a huway.

1 Juan 2:21

Magsulaták nikam bakán a dipo awan moy palla tukoy u tatahoden nan dipo tukoy moy dán iye. Sakay tukoy moy be a awan ti kakabuliyan a maggábwat tu tatahoden.