Roma 9:4 - U Maganda A Baheta Ni Jesu-Cristo

⁴ Bilang Israelita ay inturing hide nu Diyos a anak na, impeta na nide u kadakilaan na, naggimet u Diyos ti kasunduwan nide, inyatád na nide u Kautusan, tinolduwan na hide tu tama a págsamba sakay makpal a pananto u Diyos nide.

Roma 9:4 ပူးပေါင်းရင်းမြစ်များ

Mateo 21:33

Nadid intulos ni Jesus u págtoldo na. “Sanigan moy u essa pa a talinghaga. Te essa a tolay a nagmula ti ubas tu luta na sakay kinudalan na. Naggimet siya hod ti pagpáspásan ti ubas. Sakay naggimet be siya ti essa a malangkaw a pagbantayan. Káttapos, inwahak na tu mágtarabaho u ubasan na sakay immangay siya tu iba a lugar.

Juan 1:17

Pero inyatád nikitam nu Diyos u Kautusan tu pamamag-itan ni Moises, pero u kagbi sakay u tatahoden ay neatád nikitam tu pamamag-itan ni Jesu-Cristo.

Juan 1:47

Pákketa ni Jesus ni Nataniel a paadene nikuna ay kinagi na, “Saáy u tunay a Israelita, a matapat.”

Gimet 2:39

Dipo iye a pananto nu Diyos ay para nikam sakay tu kaapu-apuwan moy hide, sakay para tu atanan a tolay a katoy ti adeyo, tu balang essa a dulawán nu Panginoon a Diyos.”

Roma 3:2

Tahod a mas higit u Judio hide tu makpal a bagay: Dipalongo tu atanan, hide u nángkatiwalaan nu Diyos tu upos na.

Roma 8:15

Dipo awan kam timmanggap ti ispirito nu kákkaalipin tánni huway a manteng. U tinanggap moy ay Ispirito a magin anak nu Diyos, sakay iye u mangatád nikitam ti karapatan a dumulaw nikuna a, “Ama! Ama ko!”

Roma 9:6

Awan na gusto a kagiyán a awan natupad u pananto nu Diyos, dipo awan hide simmapalataya, dipo awan atanan a gábwat ti Israel ay kaguman tu banuwan a pinile na.

2 Corinto 11:22

Ipagmadakál di beman a Judio hide, oni Israelita hide, sakay kaguman tu lahe ni Abraham? Hikán be.

Galacia 3:16

U Diyos ay nagpananto ni Abraham, sakay tu apu na. Awan nesulat tu Kasulatan a, “Tu apo mo hide,” a u gusto na a kagiyan ay makpal a apo. Nan u nakasulat ay, “Essa tu apo mo hide,” a u gusto na a kagiyan ay eessa la a apo, awan ti agum nan ti Cristo.

Efeso 2:12

Isipán moy a ti panahunan itod ay hiwalay kam be ni Cristo, awan kam kasale tu banuwan nu Israel sakay awan kasale tu kasunduwan nu Diyos a inpanantu na hide. Tu itod ay nabiyag kam ti munduwan iye a awan ti pag-asa sakay awan ti Diyos.

Hebreo 9:1

U dipalongo a kasunduwan ay tehhod a patakaran tu págsamba sakay tu págsambaan a katoy ti lutaáy.

Hebreo 9:10

I gággimitán diyan itod hide ay tungkul la ti pagkain sakay inuman sakay tu sare-sare a kalase a páglinis. Kautusan hide a pangluwas a gumana la a hanggan a dumemat u bigu a paraan nu Diyos.

Hebreo 9:3

U kaduwwa a parte ay atoy tu dilupot nu kortina a dáddulawán a Lugar a Kabanalan.

Hebreo 9:5

Tu dibbew nu Kaban ay tehhod a kerubin a mángpeta a katoy hod u Diyos. Táttakáppan nu pakpak de hide u Lugar nu Kagbi. Pero ti nadidáy ay awan mi palla mepaliwanag a atanan.

Hebreo 9:6

Konna hod u ayus nu disalad nu tolda a págsambaan de. U saserdote hide ay sumáddáp aldew-aldew tu purumero a parte tán gimitán de u tungkulin de.