Roma 9:32 - U Maganda A Baheta Ni Jesu-Cristo

³² Bakin awan hide nagtagumpay? Dipo nagtiwala hide tu gimet de sakay awan hide simmampalataya ni Jesu-Cristo. Nehakpa hide tu bito a kákkehakpaan.

Roma 9:32 ပူးပေါင်းရင်းမြစ်များ

Mateo 13:57

Inadiyan de ti Jesus, kanya kinagi ni Jesus “U essa a propeta ay igalang maski hádya pero awan siya igalang nu tolay hide tu sadili na a banuwan sakay tu sadili na a bilay.”

Lukas 2:34

Inaged ni Simeon a pagpalaán hide nu Diyos sakay kinagi na ni Maria, “Sanigán mo i kagiyán kuwáy, anakan iye ay pinile nu Diyos. Tu pamamag-itan na ay makpál u maligtas sakay makpal be u mahatulan tu lahe hide ni Israel. Siya u tanda a gábwat tu Diyos pero makpál be nikuna u mangkontara,

Lukas 7:23

Pinagpala u tolay a awan magduwwa-duwwa nikán.”

Roma 10:3

Dipo awan de tukoy ni kodya u pángbilang nu Diyos a awan ti kasalanan u essa a tolay. Nagsikap hide a maggimet ti sadile de a pamamaraan, nan sumunud tu pamamaraan nu Diyos.

Roma 11:11

Nesángdul u Judio hide dipo awan hide simmampalataya ni Cristo. U gusto na beman a kagiyán ay tulos dán a mepahamak u Israel? Awan! Pero dipo tu kássuway de ay nagkahod ti pagkakataun u Hentil hide a maligtas. Sakay dipo hod ay sinumene u Judio hide sakay gustuwán di be i kaligtasanan iye.

Roma 4:16

Kanya u pananto nu Diyos ay nakabase tu pánnampalataya, tánni iye ay magin págpapala sakay talaga a matanggap nu atanan a lahe ni Abraham, bakán la tu Judio hide a timmanggap tu Kautusan, nan maske tu bakán hide a Judio a mánnampalataya a konna ni Abraham dipo siya u ama tam a atanan.

1 Corinto 1:23

Pero u ipáppangaral me ay ti Cristo a nepako tu kudus a essa a kesángdulan nu Judio hide, sakay para tu Hentil hide ay awan kan iye ti kabuluhan.

1 Pedro 2:6

Dipo kinagi na tu Kasulatan a, “U pinile ko a bito ay indátton ko ti Sion dipo mahalaga itod a bito. Ni ti deyaman u maniwala ti pinile kuwan iye ay awan mapasanike.”

1 Pedro 2:8

Sakay nakasulat be a, “Itod labe a bito u kesángdulan sakay kehakpaan nu tolay hide.” Nesángdul hide dipo awan hide sumunud tu upos nu Diyos, sakay iye u inhanda nu Diyos para nide.