Roma 9:30 - U Maganda A Baheta Ni Jesu-Cristo

³⁰ Ánya nadid u makagi tam tungkul ti iye? U bakán hide a Judio a awan nagsikap a magin makasaya tu Diyos ay kinasayaan na hide, imbilang na hide a awan ti kasalanan tu pamamag-itan nu pánnampalataya de nikuna.

Roma 9:30 ပူးပေါင်းရင်းမြစ်များ

Roma 10:10

Dipo imbilang nu Diyos a awan ti kasalanan u tolay a sumampalataya nikuna ti buo a puso. Sakay ni ipahayag na a siya ay sumampalataya, maligtas siya.

Roma 10:20

Sakay buo a tapang a kinagi ni Isaias: “Netanák nu awan hide mangehyok nikán. Nagpakilalaák tu tolay hide a awan magtanung nikán.”

Roma 10:6

Pero bakán a konna hod u gusto a kagiyán nu pángturing nu Diyos tu tolay a matuwid tu pamamag-itan nu pánnampalataya na ni Cristo. Kaya te nesulat a konna he, “Diyan mo kagiyán ti sadile muwe, ‘Ti deya u umangay ti langet?’” (u gusto a kagiyán ni iye ay awan kailangan a te umangay ti langet dipo immogsad dán ti Cristo.)

Roma 3:5

Nadid, te agum a tolay a magkagi a masmaganda kan a maggimet kitam ti madukás, para ketan kan nu tolay hide a tama u gimet nu Diyos. Kaya kákkagiyán de a awan na kitam kan dapat a parusaan tu kasalanan tam.

Roma 4:11

Tinure siya bilang tanda a ibilang dán siya a matuwid dipo tu pánnampalataya na. Kanya ti Abraham ay imbilang a ama nu atanan a manampalataya a awan nature. Sakay dipo ngane tu pánnampalataya de, ay imbilang hide nu Diyos a matuwid.

Roma 4:13

Impananto nu Diyos ni Abraham sakay tu lahe na hide a hide u mangmana ti munduway. U pananto a iye ay inyatád nu Diyos ni Abraham bakán a dipo tu kássunud na tu Kautusan, nan dipo inbilang siya nu Diyos a matuwid tu pamamag-itan nu pánnampalataya na.

Roma 4:22

Kanya imbilang nu Diyos a matuwid ti Abraham dipo tu pánnampalataya na.

Roma 4:9

I kinagiyan iye hide ni hare a David ay bakán la a para tu Judio hide, nan pate labe tu bakán hide a Judio. Tukoy moy iye dipo binanggit mi dán, “Imbilang nu Diyos a matuwid ti Abraham dipo tu pánnampalataya na.”

Roma 5:1

Kanya nadid ay imbilang kitamon nu Diyos a awan ti kasalanan dipo tu pánnampalataya tam tu Panginoon tam a ti Jesu-Cristo, kanya tehhod kitamon a maganda a rilasyon tu atubang nu Diyos.

Roma 9:14

Ni konna hod makagi tam beman a awan makatarungan u Diyos? Awan!

Roma 9:31

Pero u Judio hide a nagsikap a meturing a awan ti kasalanan tu pamamag-itan nu kássunud de tu Kautusan ay awan nagtagumpay.

Galacia 2:16

Pero tukoy me a imbilang dán nu Diyos u tolay a awan ti kasalanan tu pamamag-itan nu pánnampalataya na ni Jesu-Cristo bakán a tu kássunud tu kautusan. Kanya ngane, summampalataya kami be ni Jesu-Cristo tánni meturing kame a matuwid tu pamamag-itan nu pánnampalataya nikuna, bakán a tu kássunud tu kautusan. Dipo awan ni ti deyaman u meturing a matuwid tu pamamag-itan la nu kássunud tu kautusan.

Galacia 3:24

Kanya ngane u Kautusan u itáttoldu nikitam hanggan tu káddemát ni Cristo, para matukuyan tam ani dumemát dán siya ay dapat kitam a sumampalataya nikuna dipo meturing kitam la a matuwid tu pamamag-itan nu pánnampalataya tam nikuna.

Galacia 3:8

Bagu pa iye a nangyare ay kinagi dán nu kasulatan a ituring nu Diyos a matuwid u Hentil hide tu pamamag-itan nu pánnampalataya de nikuna, sakay iye a Maganda a Baheta ay inpakapospos na ni Abraham, “Tu pamamag-itan mo ay pagpalaán nu Diyos u atanan a bansa.”

Galacia 5:5

Pero hikame ay umasa a ibilang nu Diyos a matuwid tu pamamag-itan nu tulung nu Banal a Ispirito sakay tu pánnampalataya me ni Cristo. U katupaden ni iye u pakauha-uhayán me.

Efeso 2:12

Isipán moy a ti panahunan itod ay hiwalay kam be ni Cristo, awan kam kasale tu banuwan nu Israel sakay awan kasale tu kasunduwan nu Diyos a inpanantu na hide. Tu itod ay nabiyag kam ti munduwan iye a awan ti pag-asa sakay awan ti Diyos.

Filipos 3:9

sakay mákpagkaessaák nikuna. Awan nák dán manalig a magin matuwid tu pamamag-itan nu kássunud tu Kautusan nan tu pánnalig ni Cristo. U pagin matuwid ko nadid ay kaluub nu Diyos nikán nikuna a simmampalatayaák ni Cristo.

1 Timoteo 6:11

Pero hiko, Timoteo, bilang tagapagserbi nu Diyos, ay umadeyo ka ti iye hide a bagay. Pilitán mo a mabiyag ti matuwid, te kabanalan, pánnampalataya, págmahal, págtiyaga, sakay kahinahunan.

Hebreo 11:7

Dipo tu pánnampalataya ay sinaneg ni Noe u babala nu Diyos tungkul tu bagay hide a mangyare a awan na palla netan. Kanya naggimet siya ti essa a dakál a abang tán maligtas siya sakay u pamilya na. Dipo hod ay nahatulan u tolay hide ti munduway, pero ti Noe ay nebilang a matuwid dipo tu pánnampalataya na tu Diyos.

1 Pedro 4:3

Tama dán u panahun a sinayang moy tu pakángimet tu bagay hide a makaluta a gággustuwán nu awan hide makidiyos: konna tu kahalayan, madukás a kagustuwan nu pilas, páglasing, subra a kasayaan a awan ti pinagseserbiyan, inuman, sakay u págsamba tu diyos-diyosan hide.