Roma 9:22 - U Maganda A Baheta Ni Jesu-Cristo

²² Konna pa man hod, gusto nu Diyos a ipeta u iyamut na sakay u kapangyariyan na, pero pinagtiyagaan na sakay pinagtiisan u tolay hide a dapat dán nakwa a parusaan sakay puksaán.

Roma 9:22 ပူးပေါင်းရင်းမြစ်များ

Roma 1:18

Pero impeta nu Diyos u iyamut na a gábwat ti langet, tu atanan a tolay a awan maka Diyos sakay mággimet ti kadukássan. Dipo hadlangan de tu mágkadukás de a gimet u tatahoden a gusto nu Diyos a matukuyan de.

Roma 9:17

Dipo ayun tu Kasulatan, kinagi nu Diyos ni Faraon a hare ti Egipto, “Indátton taka a hare tánni tu pamamag-itan nu gimitán ko a kontara niko ay mepeta u kapangyariyan ko sakay makilala u ngahan ko ti munduway.”

Roma 9:20

Pero hiko a tolay la deya ka beman para tumábbeg ti konna hina tu Diyos? Makagi beman nu ginimet tu nanggimet nikuna a, “Bakin a ginimiták mo a konna he?”

Roma 9:21

Konna tu essa a maggimet ti banga, te karapatan siya a gimitán u luta ayun tu gustu na. Te karapatan siya a maggimet ti essa a kasangkapan a mágkamahal sakay essa be a kalase a mágkamura la.

1 Tesalonica 2:16

Pilitán di kame a pugáddan tánni awan me mepangaral u Maganda a Baheta nu kaligtasan tu Hentil hide. Naputat dán hide ti kasalanan, kaya nadid ay meangay dán nide u iyamut nu Diyos.

1 Tesalonica 5:9

Awan kitam pinile nu Diyos para parusaan nan para iligtas na kitam tu pamamagitan nu Panginoon tam a ti Jesu Cristo.

2 Timoteo 2:20

Tu pangmayaman a bilay, ay tehhod a sari-sare a kagamitan. Tehhod a ginto, silber; tehhod be a gimet ti kayo sakay banga. U kagamitan a ginto sakay silber ay gamitán la tu mágkahalaga hide a ukasyon, pero u gimet ti kayo sakay banga ay pang-aldew-aldew a gamit.

1 Pedro 2:8

Sakay nakasulat be a, “Itod labe a bito u kesángdulan sakay kehakpaan nu tolay hide.” Nesángdul hide dipo awan hide sumunud tu upos nu Diyos, sakay iye u inhanda nu Diyos para nide.

1 Pedro 3:20

Iye hide u ispirito nu tolay a umád a sumunud nikuna tu panahun ni Noe tu itod. Matiyaga a naguhay u Diyos a sumampalataya hide mentaras a gimitán ni Noe u dakál a abang pero awan maski essa ti tolayan iye hide u simmampalataya. Walo la a tolay u nakaligtas tu lonso.

2 Pedro 2:3

Sakay tu makasadile de a kagustuwan, ay dayaán dikam tu pamamagitan nu mágkaganda a upos para maalap de u kayamanan moy. Nalay dán a nakahanda u hatul a para nide, sakay u Diyos a mangparusa nide ay awan tidug.

2 Pedro 2:9

Pero tukoy nu Panginoon ni kodya a iligtas tu pagsubuk hide u atanan a tapat nikuna. Sakay ni kodya na a parusaan u mággagimitán hide ti madukás káddemát nu Aldew nu Pághatul.

2 Pedro 3:15

Alalahanán moy a kaya awan palla dumemát u Panginoon ay para atádden na pa ti pagkakataun a maligtas u tolay hide, konna tu insulat nikam nu kapatkákka tam a ti Pablo tu pamamag-itan nu karunungan a inyatád nikuna nu Panginoon.

Judas 1:4

Nagsulaták nikam dipo tehhod a sangan a tolay a nákpisan nikam a awan moy naripara. Iye hide a tolay ay u awan hide maka-diyos; iniba de u itáttoldu nu Banal a Kasulatan tungkul tu kagbi nu Diyos, ta u rason de ay makákkagbiyán kan u Diyos kanya tulos-tulos la hide a maggimet tu kagustuwan nu pilas de. Awan de tenggiyán ti Jesu-Cristo, u kasiya-siya tam a Puno sakay Panginoon. Tu itod pa a panahun ay nesulat dán tu Banal a Kasulatan u parusa a nelaan dán nide.